ପାକିସ୍ତାନରେ ଭୟଙ୍କର ଟ୍ରେନ୍ ଦୁର୍ଘଟଣା: ୮ରୁ ଅଧିକ ବଗି ଲାଇନ୍ଚ୍ୟୁଚ, ୧୫ ମୃତ; ୫୦ରୁ ଊର୍ଦ୍ଧ୍ୱ ଆହତ
ପାକିସ୍ତାନରେ ବଡ଼ ଟ୍ରେନ୍ ଦୁର୍ଘଟଣା ଘଟିଛି। ଏହି ଦୁର୍ଘଟଣାରେ ୧୫ ଜଣଙ୍କ ମୃତ୍ୟୁ ହୋଇଥିବା ବେଳେ ୫୦ରୁ ଅଧିକ ଆହତ ହୋଇଥିବା ଖବର ରହିଛି। ମୃତକଙ୍କ ସଂଖ୍ୟା ଆହୁରି ବଢ଼ିପାରେ ବୋଲି ଆଶଙ୍କା କରାଯାଉଛି। ବର୍ତ୍ତମାନ ଘଟଣାସ୍ଥଳରେ ଉଦ୍ଧାର କାର୍ଯ୍ୟ ଚାଲିଛି।
ପାକିସ୍ତାନରେ ବଡ଼ ଟ୍ରେନ୍ ଦୁର୍ଘଟଣା ଘଟିଛି। ଏହି ଦୁର୍ଘଟଣାରେ ୧୫ ଜଣଙ୍କ ମୃତ୍ୟୁ ହୋଇଥିବା ବେଳେ ୫୦ରୁ ଅଧିକ ଆହତ ହୋଇଥିବା ଖବର ରହିଛି। ମୃତକଙ୍କ ସଂଖ୍ୟା ଆହୁରି ବଢ଼ିପାରେ ବୋଲି ଆଶଙ୍କା କରାଯାଉଛି। ବର୍ତ୍ତମାନ ଘଟଣାସ୍ଥଳରେ ଉଦ୍ଧାର କାର୍ଯ୍ୟ ଚାଲିଛି।
At least 50 people were injured after as many as eight coaches of Rawalpindi-bound Hazara Express derailed near Sahara Railway Station, located between Shahzadpur and Nawabshah on Sunday, reports Pakistan’s Geo News
— ANI (@ANI) August 6, 2023
ପାକିସ୍ତାନୀ ଗଣମାଧ୍ୟମ ସୂତ୍ରରୁ ଜଣାପଡ଼ିଛି ଯେ ଏହି ଦୁର୍ଘଟଣା ଶାହଜାଦପୁର ଏବଂ ନଓ୍ଵାବଶାହ ମଧ୍ୟବର୍ତ୍ତୀ ସହାରା ରେଳ ଷ୍ଟେସନ ନିକଟରେ ଘଟିଛି। କରାଚିରୁ ରାଓ୍ଵଲପିଣ୍ଡି ଯାଉଥିବା ହଜାରା ଏକ୍ସପ୍ରେସ୍ର ୮ଟି ବଗି ଲାଇନ୍ଚ୍ୟୁତ ହୋଇଛି।
ପୋଲିସ ଅଧିକାରୀଙ୍କ କହିବା ମୁତାବକ, ଟ୍ରେନ୍ରେ ବହୁ ସଂଖ୍ୟାରେ ଯାତ୍ରୀ ଥିଲେ। ଆହତ ଯାତ୍ରୀମାନଙ୍କୁ ନଓ୍ଵାବଶାହର ପିପୁଲ୍ସ ମେଡିକାଲ୍ ହସ୍ପିଟାଲରେ ଭର୍ତ୍ତି କରାଯାଇଛି। କିନ୍ତୁ ଟ୍ରେନ୍ ଲାଇନ୍ଚ୍ୟୁତ ହେବାର କାରଣ ଏ ପର୍ଯ୍ୟନ୍ତ ଜଣାପଡ଼ି ନାହିଁ।
ସ୍ଥାନୀୟ ପ୍ରଶାସନ ମୁତାବକ, ଦୁର୍ଘଟଣା ପରେ ଆଖାପାଖ ହସ୍ପିଟାଲଗୁଡ଼ିକରେ ଜରୁରୀକାଳୀନ ପରିସ୍ଥିତି ଲାଗୁ କରି ଦିଆଯାଇଛି। ପ୍ରାଥମିକ ଯାଞ୍ଚରୁ ଜଣାପଡ଼ିଛି ଯେ ୭ରୁ ୮ଟି ବଗି ରେଳଧାରଣାରୁ ଲାଇନ୍ଚ୍ୟୁତ ହୋଇ ଓଲଟି ପଡ଼ିଛି। ଏହି ସଂଖ୍ୟା ଆହୁରି ମଧ୍ୟ ବଢ଼ିପାରେ। ସେପଟେ ଦୁର୍ଘଟଣା ଯୋଗୁ ଅପ୍ ଟ୍ରାକ୍ରେ ଯାତାୟାତ ବନ୍ଦ ରହିଛି।
