ପ୍ରଦୂଷଣ ରୋକିବା ପାଇଁ ୧୫ବର୍ଷ ପୁରୁଣା ଗାଡ଼ି ଉପରେ ଲାଗିବ ରୋକ
ସଡ଼କ ପରିବହନ ତଥା ରାଜମାର୍ଗ ମନ୍ତ୍ରାଳୟ ପକ୍ଷରୁ ଏକ ପ୍ରସ୍ତାବ ଜାରି କରାଯାଇଛି। ପୁରୁଣା ଗାଡିର ନବୀକରଣକୁ ନେଇ ଏହି ନିଷ୍ପତ୍ତି ନିଆଯାଇଛି। ୧ ଅପ୍ରେଲ ୨୦୨୨ରୁ ୧୫ବର୍ଷ ପୁରୁଣା ପଞ୍ଜିକୃତ ଗାଡିକୁ ଆପଣ ନବୀକରଣ କରିପାରିବେ ନାହିଁ। ନିୟମରେ ସଂଶୋଧନ ଆଣିବାପାଇଁ ସରକାର ଅଧିସୂଚନା ଜାରି କରିଛନ୍ତି । ଏଠାରେ ହିତାଧିକାରୀ ନିଜର ମତ ରଖିବେ।
ଅଧିସୂଚନା ଅନୁଯାୟୀ ପ୍ରସ୍ତାବରେ ମୋହର ଲାଗିବା ପରେ ଏହି ନିୟମ ସମସ୍ତ ସରକାରୀ ବିଭାଗ ପାଇଁ ଜାରି କରାଯାଇଛି। । ଟ୍ଵିଟ ଯୋଗେ ଏହି ସୂଚନା ମିଳିଛି ଯେ, ୧ ଅପ୍ରେଲ ୨୦୨୨ରୁ ସରକାରୀ ବିଭାଗ ୧୫ବର୍ଷ ପୁରୁଣା ଗାଡ଼ି ପ୍ରମାଣପତ୍ର ନବୀକୃତ କରାଯାଇପାରିବ ନାହିଁ। ଏହା ସରକାରୀ – କେନ୍ଦ୍ରୀୟ , ରାଜ୍ୟ , କେନ୍ଦ୍ରଶାସିତ ପ୍ରଦେଶ ତଥା ନଗରପାଳିକାସ୍ତରରେ ଲାଗୁ କରାଯିବ ।
MORTH has issued a draft notification proposing that registration of motor vehicles owned by Central Govt, State/UT Govts, Local Govt institutions, PSUs, State Transport Undertakings, Autonomous bodies with Central / State Govts, will not be renewed after 15 years. pic.twitter.com/UbK3vS6bzv
— MORTHINDIA (@MORTHIndia) March 13, 2021
ମନ୍ତ୍ରାଳୟ ପକ୍ଷରୁ ୧୨ମାର୍ଚ୍ଚରୁ ଏ ସଂପର୍କରେ ସୂଚନା ଦିଆଯାଇଥିଲା। ହିତାଧିକାରୀ ୧ମାସ ମଧ୍ୟରେ ଟିପ୍ପଣୀ ଓ ଆପତ୍ତି ରଖିବେ । ସମୟସୀମା ପରେ ଏହା ନବୀକୃତ କରାଯାଇପାରିବ ନାହିଁ । ସଂସଦରେ ୧ଫେବୃଆରୀ ୨୦୨୧-୨୨ ବଜେଟରେ ଅର୍ଥମନ୍ତ୍ରୀ ନିର୍ମଳା ସୀତାରମଣ ଗାଡି ସ୍କ୍ରିପିଂ ପଲିସି ସଂପର୍କରେ ପ୍ରସ୍ତାବ ଜାରି କରିଥିଲେ।
ଶେଷରେ ଯଦି ଆପଣଙ୍କ ଗାଡ଼ି ୮ ବର୍ଷ ପୁରୁଣା ହୋଇଥାଏ , ତେବେ ଏହି ନିୟମ ଲାଗୁ ହେବା ପରେ ଗ୍ରୀନ ଟ୍ୟାକ୍ସ ଦେବାକୁ ପଡିବ । ଯାହାକି ରୋଡ ଟ୍ୟାକ୍ସ ଠାରୁ ୧୦ରୁ ୨୫% ମଧ୍ୟରେ ରହିବ।
ରିପୋର୍ଟ ଅନୁଯାୟୀ , ନୂଆ ଗାଡ଼ି ତୁଳନାରେ ପୁରୁଣା ଗାଡ଼ି ୧୦-୧୨ ଗୁଣ ଅଧିକ ପ୍ରଦୂଷଣ କରିଥାଏ। ଏହାକୁ ରୋକିବା ପାଇଁ ଏଭଳି ପଦକ୍ଷେପ ନିଆଯାଇଛି। ଏହି ନିୟମ ଇଲେକଟ୍ରୋନିକ , ସିଏନଜି, ଇଥେନାଲ ଏବଂ ଏଲପିଜି ଭଳି ବିକଳ୍ପ ଇନ୍ଧନରେ ଚାଲୁଥିବା ଗାଡ଼ି ଉପରେ ଲାଗୁ କରାଯାଇନାହିଁ।
