ମସୁଦ ପାଇଁ ଟ୍ରମ୍ପ ସରକାରଙ୍କ ଚାଲ୍, ଇରାନ୍ରୁ ତେଲ କିଣିବାରୁ ଭାରତ ଉପରେ ରୋକ ଲଗାଇଲା ଆମେରିକା, ଭାରତର ବିକଳ୍ପ ଚିନ୍ତା
ଇରାନ ଠାରୁ ତେଲ କିଣିବା ଚୁକ୍ତିର ସମୟ ସୀମା ନବଢାଇ ଭାରତର ଚିନ୍ତା ବଢାଇ ଦେଇଛି ଆମେରିକା । ସୋମବାର ଦିନ ଏକ ଗୁରୁତ୍ବପୂର୍ଣ୍ଣ ନିଷ୍ପତ୍ତି ନେଇ ଇରାନ ଉପରେ ତେଲ ବିକିବାର ରୋକ ଲଗାଇ ଦେଇଛନ୍ତି ଟ୍ରମ୍ପ ସରକାର। ପୂର୍ବରୁ ଆମେରିକା ଦ୍ବାରା ଦିଆଯାଇଥିବା ଅଶୋଧିତ ତୈଳର ରିହାତି ଅବଧି ୨ ମଇରେ ଶେଷ ହେବାକୁ ଯାଉଛି । ଏଥିପାଇଁ ଭାରତକୁ ଅଶୋଧିତ ତେଲ କଣିବାକୁ ବିକଳ୍ପ କିଛି ଭାବିବାକୁ ପଡିପାରେ । ଆମେରିକା ଓ ଇରାନ ମଧ୍ୟରେ ପୂର୍ବ ବର୍ଷରେ ହୋଇଥିବା ପରମାଣୁ ଡିଲକୁ ଶେଷ କରାଯାଇଥିବାରୁ ଦୁଇ ଦେଶ ମଧ୍ୟରେ ସମ୍ପର୍କ ତିକ୍ତ ହେବାରେ ଲାଗିଛି ।
ଭାରତ ଭଳି ଚୀନ୍ର ସମାନ ଅବସ୍ଥା
ଭାରତ ଓ ଇରାନ୍ ମଧ୍ୟରେ ବ୍ୟାବସାୟିକ ସମ୍ବନ୍ଧ ବହୁ ପୁରୁଣା । ଭାରତକୁ ଆସୁଥିବା ଅଶୋଧିତ ତୈଳ ସର୍ବାଧିକ ଇରାନ ଠାରୁ ଆସିଥାଏ ।ଇରାନ ପାଇଁ ମଧ୍ୟ ଅଶୋଧିତ ତୈଳ କିଣିବାରେ ଦ୍ୱିତୀୟ ବଡ଼ ଦେଶ ହେଉଛି ଭାରତ । ସେହିଭଳି ଚୀନ ମଧ୍ୟ ଇରାନ ଠାରୁ ଅଶୋଧିତ ତୈଳ କିଣିଥାଏ । ଯଦି ତୈଳ କିଣିବାରେ ପ୍ରତିବନ୍ଧକ ସୃଷ୍ଟି ହୁଏ ତେବେ ତାହର ପ୍ରଭାବ ଦୁଇ ଦେଶର ବ୍ୟବସାୟ ଓ ଅନ୍ୟ କ୍ଷେତ୍ରରେ ପଡିପାରେ ।
ମସୁଦ ଉପରେ ସୌଦା
ବାସ୍ତବରେ ଆମେରିକା ଚାହୁଁଛି ଭାରତ ଠାରୁ ଇରନାର ସବୁ ସଂପର୍କ ଛିନ୍ନ ହୋଇଯାଉ । ଏଥିପାଇଁ ତୈଳ ରିହାତିରେ ପ୍ରତିବନ୍ଧକ ଲଗାଇଛି । ଏହା ବ୍ୟତୀତ ପାକିସ୍ତାନରେ ଥିବା ଆତଙ୍କବାଦୀ ମସୁଦ ଅଜହରକୁ ବିଶ୍ବର ଆତଙ୍କୀ ଘୋଷିତ କରିବା ପାଇଁ ଆମେରିକା ତରଫରୁ ପ୍ରୟାସ କରାଯାଉଛି । ଆଉ ଆମେରିକା ଏହା ଚାହୁଁଛି ଯେ ଭାରତ ଇରାନ ବଦଳରେ ମସୁଦ ଉପରେ ସୌଦା କରିବାକୁ ହଁ କରିଦେଉ ଓ ସାଉଦି ଆରବରୁ ତେଲ କିଣିବା ଆରମ୍ଭ କରୁ । ଏହା ଦ୍ବାରା ଭାରତର ଲାଭ ହେବ ବୋଲି ଆମେରିକା କହିଛି ।
ନୂଆ ସରକାର ଆସିଲେ ସମାଧାନ ହେବ
ଭାରତ ପାଖରେ ବର୍ତ୍ତମାନ ଏକ ବଡ ସମସ୍ୟା ଭାବରେ ମୁଣ୍ଡ ଟେକି ଛିଡା ହୋଇଛି ସାଧାରଣ ନିର୍ବାଚନ । ଏଥିପାଇଁ ଆମେରିକାର ନିଷ୍ପତ୍ତି ଉପରେ କୌଣସି ବି ନିର୍ଣ୍ଣୟ ନେଇ ପାରୁ ନାହିିଁ ଭାରତ । ନୂଆ ସରକାର ଆସିଲେ ହିଁ ଏହାର ସମାଧାନ ହୋଇପାରିବ । କିନ୍ତୁ ପେଟ୍ରୋଲିୟମ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ବୈଦେଶିକ ମନ୍ତ୍ରଣାଳୟକୁ ଆଶ୍ବସ୍ତ କରିବାକୁ ଯାଇ କହିଛନ୍ତି ଭାରତକୁ ଅଶୋଧିତ ତୈଳ କିଣିବାରେ କିଛି ଅସୁବିଧା ନାହିଁ । ଇରାନ ବଦଳରେ ଅନ୍ୟ ଦେଶରୁ ତେଲ କିଣିବାର ଯୋଜନା କରାଯାଇଛି। ନୂଆ ସରକାର ଗଠନ ହେବା ପରେ କେବଳ ଆମେରିକା ନୁହେଁ ବରଂ ଇରାନ ସହିତ ମଧ୍ୟ କଥାବାର୍ତ୍ତା କରିବାକୁ ପଡିପାରେ ।
ତେବେ ଇରାନ୍ ଠାରୁ ଭାରତ ଅଶୋଧିତ ତୈଳ ନକିଣିଲେ ଦେଶରେ ପେଟ୍ରୋଲ, ଡିଜେଲ ଓ ରନ୍ଧନ ଗ୍ୟାସ ମୂଲ୍ୟ ବଢ଼ିବାର ଆଶଙ୍କା ରହିଛି ।
