ବିମୁଦ୍ରାକରଣ ପରେ ଭାରତରେ ବଢିଯାଇଛି ଡିଜିଟାଲ୍ ପେମେଣ୍ଟର ଚଳନ । ଚା’ ଦୋକାନୀ ହେଉ ଅବା ପାନ ଦୋକାନୀ । ପେ ଟିଏମ୍ ରେ ପେମେଣ୍ଟ ନେଉଥିବା ଦୋକନୀ ପ୍ରାୟ ସବୁ ଗଳିକନ୍ଦିରେ ମିଳିଯିବେ । କିନ୍ତୁ ପଡୋଶୀ ଚୀନ୍ ଏହି ମାମଲାରେ ଆମ ଦେଶଠୁ ମଧ୍ୟ ଆଗକୁ ଚାଲିଯାଇଛି । ସେଠାରେ ଭିକାରୀମାନେ ବି ଡିଜିଟାଲ୍ ହୋଇଗଲେଣି । ଏବଂ ଭିକ ମାଗିବା ପାଇଁ ବ୍ୟବହାର କରୁଛନ୍ତି QR କୋଡ୍ ।
A beggar approached us while we were having drinks on the sidewalk in Shanghai. I said nobody carried cash anymore in China. He said you could just scan the QR code and pay me via WeChat pay. pic.twitter.com/R9Tq6cpfGe
— Hao Wu (@beijingloafer) May 24, 2019
ଅନେକ ସମୟରେ ଦେଖାଯାଇଛି ଖୁଚୁରା ନଥିବାରୁ ଭିକ ଦେଇପାରନ୍ତିନି ଲୋକ । ଆଉ ଏହାର ସାମାଧାନ ବାହାର କରି QR କୋଡ ବ୍ୟବହାର କରିବା ଆରମ୍ଭ କରି ଦେଇଛନ୍ତି ଚୀନର ଭିକାରୀ । ଏବେ ଚୀନର ଲୋକ ଖୁଚୁରା ନଥିବା ବାହାନା କରି ଭିକାରୀଙ୍କୁ ଭିକ ଦେବାକୁ ମନା କରିପାରିବେନି । ଅନ୍ୟପଟେ ଏହି ଟ୍ରେଣ୍ଡ ଗ୍ରେ ବ୍ୟବସାୟକୁ ଜନ୍ମ ଦେଇଛି । କିଛି ଭିକାରୀ QR କୋଡ୍ ସ୍କାନ୍ କରି ପେମେଣ୍ଟ କରୁଥିବା ଲୋକଙ୍କ ଡାଟା ଏକାଠି କରି ବିକ୍ରି କରୁଛନ୍ତି ।
Mobile payment in China, even beggar needs a QR code pic.twitter.com/H5sGKLRNW0
— Roy Zhang (@Royzhangyi) August 27, 2017
ସୂଚନାଯୋଗ୍ୟ, QR Code System ଆବିଷ୍କାର ୧୯୯୪ରେ ଜାପାନର ଏକ କମ୍ପାନୀ Denso Wave କରିଥିଲା । ଯାହାର ଲକ୍ଷ ଥିଲା ମାନ୍ୟୁଫାକ୍ଚର କରାଯାଉଥିବା ବାହନକୁ ଟ୍ରାକ୍ କରିବା । ଧୀରେ ଧୀରେ ଏହି କୋଡିଂ ସିଷ୍ଟମ ଦକ୍ଷିଣ କୋରିଆ ଏବଂ ଜାପାନରେ ଅନଲାଇନ୍ ପେମେଣ୍ଟ ପାଇଁ ବ୍ୟବହାର କରାଗଲା । ଆଉ ପରେ ପୁରା ଦୁନିଆ ଏହାକୁ ବ୍ୟବହାର କରିବାକୁ ଲାଗିଲା । କିନ୍ତୁ ଏହି ପେମେଣ୍ଟ ସିଷ୍ଟମକୁ ଚୀନ ଏମିତି ବ୍ୟବହାର କରିବ ତାହା କେହି ଚିନ୍ତା କରିନଥିଲେ ।