ହାତ କଡା ଲାଗିଥିବା ହାତରେ ମଦ ପିଉଥିବା ନଜର ଆସିଲେ କରୋନା ଆକ୍ରାନ୍ତ, ୮ ଜଣ ନିଲମ୍ବିତ
ଧନବାଦ ଜେଲର ଜଣେ ଅଭିଯୁକ୍ତଙ୍କ ବିରୁଦ୍ଧରେ ହେଲା କଡା କାର୍ଯ୍ୟନୁଷ୍ଠାନ । କୋଭିଡ –୧୯ ହସ୍ପିଟାଲରେ ମଦ୍ୟ ପାନ କରିବା ଓ ଫଟୋ ଭାଇରାଲ କରିବା ଆରୋପରେ ଅଭିଯୋଗକାରୀଙ୍କ ବିରୁଦ୍ଧରେ ଏଫଆଇଆରରେ ରିର୍ପୋଟ ଦାଖଲ ହୋଇଛି । ଭାଇରାଲ ହୋଇଥିବା ଫଟୋରେ ଅଭିଯୁକ୍ତ ଜଣକଙ୍କ ହାତରେ ପୋଲିସଙ୍କର ହାତକଡି ଲାଗି ରହିବା ସତ୍ତ୍ୱେ ସେ ମଦ ବୋତଲକୁ ଧରି ଫଟୋ ଉଠାଇ ଭାଇରାଲ କରିଛନ୍ତି। ସିଏମ ନିର୍ଦ୍ଦେଶ ଦେବା ପରେ ଡିସି ଏହି ମାମଲାର ତଦନ୍ତ କରିଥିଲେ ଓ ପରେ ଏଏସଆଇଙ୍କ ସମେତ ଆଠ ଜଣଙ୍କୁ ସସପେଣ୍ଡ କରିଥିଲେ । ତେବେ ଅଭିଯୁକ୍ତ ସଣ୍ଟୁ ଗୁପ୍ତାଙ୍କର ଦ୍ୱିତୀୟ ଥର କୋଭିଡ-୧୯ ଟେଷ୍ଟର ରିର୍ପୋଟ ନେଗେଟିଭ ଆସିବାରୁ ତାଙ୍କୁ ସେହି ଦିନ ରାତିରେ ହିଁ ଧନବାଦ ଜେଲକୁ ପଠା ଯାଇଥିଲା ।
ତେବେ ଏହି ଘଟଣା ପରେ ଧନବାଦର ସିଓ ସହିତ ଇଣ୍ସିଡେଣ୍ଟ କମାଣ୍ଡର ପ୍ରଶାନ୍ତ କୁମାର ଲାୟକଙ୍କ ଅଭିଯୋଗ ପରେ ଅଭିଯୁକ୍ତଙ୍କ ବିରୁଦ୍ଧରେ ସରାୟଡେଲା ଥାନାରେ ଏତଲା ଦିଆ ଯାଇଛି । ଅଭିଯୁକ୍ତ ଜଣକ ହେଉଛନ୍ତି କତରାସ ପଞ୍ଚଗଡୀର ସଣ୍ଟୁ ଗୁପ୍ତା ଓ ଫଟୋ ଭାଇରାଲ କରିଥିବା ଛୋଟୁ ପ୍ରସାଦ ଗୁପ୍ତା । ଘଟଣା ଦିନ ସେଠାରେ ଡିଉଟିରେ ଉପସ୍ଥିତ ଥିବା ଡାକ୍ତର ସଞୟ କୁମାର ନସ କିରଣ କୁମାର ଓ ଶାରଦା କୁମାରି ତଥା ବୋର୍ଡ ବୋଏ ଶଙ୍କରଙ୍କୁ ଏହି ମାମଲାର ସଠିକ୍ କାରଣ ଦର୍ଶାଇବା ପାଇଁ ନୋଟିସ ଜାରି କରାଯାଇଛି । ଏହି କାରଣରୁ ଘଟଣା ଦିନ ସେଠାରେ ଉପସ୍ଥିତ ରହିଥିବା ସମସ୍ତ ବ୍ୟକ୍ତିଙ୍କ ବିରୁଦ୍ଧରେ ଅନୁଶାସନାତ୍ମକ କାର୍ଯ୍ୟନୁଷ୍ଠାନ କରିବା ପାଇଁ ବିସିସିଏଲ ପ୍ରବନ୍ଧନଙ୍କୁ ଡିସି ନିର୍ଦ୍ଦେଶ ଦେଇଛନ୍ତି ।
ଏହି ମାମଲାର ସମ୍ପୂର୍ଣ୍ଣ ତଦନ୍ତ ପାଇଁ ବରିୟ ଅଧିକାରୀଙ୍କର ଟିମ୍ ମଧ୍ୟ ଗଠନ କରାଯିବ । ଅଭିଯୁକ୍ତ ସଣ୍ଟୁଙ୍କ କରୋନା ରିର୍ପୋଟ ନେଗେଟିଭ ଆସିଲା ପରେ ତାଙ୍କୁ ଧନବାଦ ଜେଲ ସ୍ଥାନାନ୍ତରିତ କରାଯାଇଥିଲା ଓ ତଦନ୍ତର ସମ୍ପର୍ଣ୍ଣ ରିର୍ପୋଟ ମୁଖ୍ୟମନ୍ତ୍ରୀଙ୍କୁ ପଠାଯାଇଛି ବୋଲି ଏସଡିଓ ରାଜ ମହେଶ୍ୱରମ ସୂଚନା ଦେଇଛନ୍ତି । କୋଭିଡ ହସ୍ପିଟାଲରେ ମଦ୍ୟପାନ କରୁଥିବାର ଭାଇରାଲ ଫଟୋକୁ ଦେଖିବା ପରେ ସିଏମ ହେମନ୍ତ ସୋରେନ ଟ୍ଵିଟର ମାଧ୍ୟମରେ ଧନବାଦ ଡିସି ଓ ସ୍ୱାସ୍ଥ୍ୟ ମନ୍ତ୍ରୀ ବନ୍ନା ଗୁପ୍ତାଙ୍କୁ ମାମଲାର ତଦନ୍ତ କରିବା ନେଇ ଆଦେଶ ଦେଇଥିଲେ ।
ସିଏମଙ୍କ ଆଦେଶ ପରେ ଡିସି ଏହି ମାମଲାର ତଦନ୍ତ କରିବା ପାଇଁ ତୁରନ୍ତ ଏସଡିଓ ରାମ ମହେଶ୍ୱରମ ଓ ଡିଏସ୍ପି ଲୋ ଆଣ୍ଡ ଅର୍ଡର ମୁକେଶଙ୍କୁ ସେଣ୍ଟ୍ରାଲ ହସ୍ପିଟାଲରେ ଥିବା କୋଭିଡ ହସ୍ପିଟାଲକୁ ପଠାଇଥିଲେ । ତଦନ୍ତ ପରେ ସରକାରୀ ଆଦେଶ ଉଲ୍ଲଙ୍ଘନ କରିବା ଓ ମହାମାରୀ ଅଧିନିୟମ ଭାଙ୍ଗିବା ଅଭିଯୋଗରେ ସରାଇଢେଲା ଥାନାରେ ଏତଲା ଦିଆଯାଇଛି । ଏହି ମାମଲାରେ ଅନ୍ୟ ଲୋକଙ୍କ ଉପରେ ମଦ୍ୟ କାର୍ଯ୍ୟନୁଷ୍ଠାନ ଗ୍ରହଣ କରାଯିବ ବୋଲି ଧନବାଦର ଏସଡିସ ରାଜ ମହେଶ୍ୱରମ କହିଛନ୍ତି ।
