ୟେମେନରେ ଇରାନ ସମର୍ଥିତ ହାଉତି ଆଡ୍ଡାରେ ଆକ୍ରମଣ, ଆମେରିକା ଓ ବ୍ରିଟେନର ମିଳିତ ଆଟାକ

ନୂଆଦିଲ୍ଲୀ : ୟେମେନରେ ଇରାନ ସମର୍ଥିତ ହାଉତି ଆଡ୍ଡାରେ ଆମେରିକା ଓ ବ୍ରିଟେନର ମିଳିତ ଆଟାକ। ରେଡ ସିରେ ବାଣିଜ୍ୟିକ ଜାହାଜ ଉପରେ ଆକ୍ରମଣର ଜବାବରେ ଏୟାର ଷ୍ଟ୍ରାଇକ ।  ୟେମନରେ ୧୩ଟି ସ୍ଥାନରେ ୩୬ଟି ଟାର୍ଗେଟରେ ଆମେରିକା  ଓ ବ୍ରିଟେନ ପକ୍ଷରୁ ମିଳିତ ହମଲା କରାଯାଇଛି ।  ବିଶେଷକରି ହାଉତି ଅସ୍ତ୍ରାଗାର, ମିସାଇଲ ସିଷ୍ଟମ ଓ ଲଞ୍ଚପ୍ୟାଡରେ ପ୍ରଚଣ୍ଡ ଏୟାର ଷ୍ଟ୍ରାଇକ । ଡ୍ରୋନ କଣ୍ଟ୍ରୋଲ ସିଷ୍ଟମ ମଧ୍ୟ  ଆକ୍ରମଣରେ ନଷ୍ଟ ହୋଇଛି ।  ରେଡ ସିରେ ହାଉତିର ଆଣ୍ଟି ସିପ କ୍ରୁଜ ମିସାଇଲ ଉପରେ ଆମେରିକା ଆଟାକ କରିଛି ।

ବ୍ରିଟେନ ପ୍ରତିରକ୍ଷା ସଚିବ କହିଛନ୍ତି,  ଉତ୍ତେଜନା ବୃଦ୍ଧି  ନୂଆ ଆଟାକର ଉଦ୍ଦେଶ୍ୟ ନୁହେଁ । ହାଉତି ଭିତ୍ତିଭୂମିକୁ ଧ୍ବଂସ ପାଇଁ ଏହି ମିଶନ କରାଯାଇଛି । ଇରାନ ଓ ସିରିଆରେ ଥିବା ଆତଙ୍କବାଦୀଙ୍କ  ୮୫ଟି ଆଡ୍ଡା ଉପରେ ଭୟଙ୍କର ହମଲାର ଦିନକ ପରେ ୟେମେନରେ ହାଉତି ଆଡ୍ଡାରେ ଏୟାର ଷ୍ଟ୍ରାଇକ ହୋଇଛି ।  ଫାଇଟର ଜେଟରୁ ଆମେରିକାର ମିସାଇଲ ମାଡ଼ରେ ପ୍ରାୟ ୪୦ ଜଣଙ୍କ ମୃତ୍ୟୁ ହୋଇଥିଲା।  ରବିବାର ଆମେରିକାର ଜୋର୍ଡାନ ବେସ୍ ଉପରେ ଡ୍ରୋନ ଆକ୍ରମଣ କରିଥିଲେ ଇରାନ ସମର୍ଥିତ ଆତଙ୍କବାଦୀ। ଏଥିରେ ୩ ଜଣ ଆମେରିକୀୟ ସୈନ୍ୟ ନିହତ ହେବା ସହ ବହୁ ସୈନ୍ୟ ଆହତ ହୋଇଥିଲେ। ଆକ୍ରମଣର ପ୍ରତିଶୋଧ ନେଇଛି ଆମେରିକା।  ମଧ୍ୟପ୍ରାଚ୍ୟରେ ଏବେ ଯୁଦ୍ଧର ଘନଘଟା ଦେଖାଦେଇଛି ।