“ତମ ଅବସ୍ଥା ବି କହ୍ନେୟା ଲାଲ୍ଙ୍କ ପରି ହେବ”, ନବୀନ ଜିନ୍ଦଲଙ୍କୁ ଆସିଲା ଏମିତି ଧମକ ପୂର୍ଣ୍ଣ ମେସେଜ
ରାଜସ୍ଥାନ ଉଦୟପୁରରେ ଟେଲର କହ୍ନେୟା ଲାଲ୍ଙ୍କୁ ହତ୍ୟା ଘଟଣାର ପ୍ରଭାବ ଏବେ ରାଜଧାନୀ ଦିଲ୍ଲୀରେ ବି ଦେଖିବାକୁ ମିଳିଲାଣି । ପ୍ରକୃତରେ ପ୍ୟାଗେମ୍ବର ମହମ୍ମଦଙ୍କ ଉପରେ ନୁପୁର ଶର୍ମା ଦେଇଥିବା ବିବାଦୀୟ ଟିପ୍ପଣୀ ପରେ ଭାରତୀୟ ଜନତା ପାର୍ଟିରୁ ବାହାରିଥିବା ନବୀନ ଜିନ୍ଦଲଙ୍କୁ ହତ୍ୟା ଧମକ ମିଳିଥିବା ନେଇ ଜଣାଯାଇଛି । ଏନେଇ ନିଜେ ନବୀନ ପୋଲିସ ନିକଟରେ ଏକ ଅଭିଯୋଗ ଦାୟର କରିଛନ୍ତି । ଜିନ୍ଦଲ କହିଛନ୍ତିକି ତାଙ୍କୁ ବୁଧବାର ସକାଳ ସମୟରେ ଏକ ଇମେଲ ଜରିଆରେ ଯେଉଁପରି କହ୍ନେୟା ଲାଲ୍ଙ୍କୁ ହତ୍ୟା କରାଯାଇଛି ଠିକ ସେହିପରି ତାଙ୍କ ଅବସ୍ଥା ହେବ ବୋଲି ଏକ ଧମକ ପୂର୍ଣ୍ଣ ମେସେଜ ଆସିଥିଲା । ଏହି ଘଟଣା ବୁଧବାର ସକାଳ ସମୟରେ ଘଟିଥିବା ନେଇ ସୂଚନା ମିଳିଛି । ଏହି ଧମକପୂର୍ଣ୍ଣ ଇ-ମେଲ ବାବଦରେ ନବୀନ ଜିନ୍ଦଲ ଦିଲ୍ଲୀ ପୋଲିସ ନିକଟରେ ଏକ ଅଭିଯୋଗ ଦାୟର କରି ସୁରକ୍ଷା ନେଇ ଦାବି କରିଛନ୍ତି ।
आज सुबह क़रीब 6:43 बजे मुझको तीन ईमेल आयी है, जिसमें #उदयपुर में भाई कन्हैया लाल की गर्दन काटने का विडियो अटैच करते हुए मेरी और मेरे परिवार की भी ऐसी गर्दन काटने की धमकी दी गई है मैंने PCR को सूचना दे दी है।@DCPEastDelhi @CellDelhi @CPDelhi तुरंत संज्ञान ले। pic.twitter.com/rhzyLbbdNg
— Naveen Kumar Jindal 🇮🇳 (@naveenjindalbjp) June 29, 2022
ଟ୍ୱିଟ ମାଧ୍ୟମରେ ନବୀନ କହିଛନ୍ତିକି ତାଙ୍କୁ ପୁଣି ଥରେ ଜୀବନରୁ ମାରି ଦେବା ନେଇ ଧମକ ମିଳିଛି । ଯାହା ବାବଦରେ ସୂଚନା ସେ ପିସିଆରକୁ ଦେଇଦେଇଥିଲେ ଓ ପୂର୍ବ ଦିଲ୍ଲୀର ଡିସିପି, ସାଇବର ସେଲ ତଥା ଦିଲ୍ଲୀ ପୋଲିସ କମିଶୀନର ତୁରନ୍ତ ଯାଞ୍ଚ ପଡତାଲ ଆରମ୍ଭ କରିଦେଇଥିଲେ । ବୁଧବାର ସକାଳ ୬ ଟା ୪୩ମିନିଟ ସମୟରେ ଗୋଟିଏ ପରେ ଗୋଟିଏ ହୋଇ ତାଙ୍କ ନିକଟକୁ ତିନୋଟି ଇ-ମେଲ ଆସିଥିଲା । ଯେଉଁଥିରେ ଉଦୟପୁରରେ ଭାଇ କନହେୟା ଲାଲଙ୍କ ଗଳା କଟାଯାଇଥିବାର ଏକ ଭିଡିଓ ବି ଥିଲା । ନବୀନ ତଥା ତାଙ୍କ ପରିବାରର ଗଳା କାଟି ହତ୍ୟା କରାଯିବା ନେଇ ଧମକ ଆସିଥିଲା । ଯାହା ବାବଦରେ ନବୀନ ତୁରନ୍ତ ପିସିଆରକୁ ସୂଚନା ଦେଇଥିଲେ ।
ହତ୍ୟାକାଣ୍ଡ ପରେ ଉଦୟପୁରଠାରେ ହିଂସା ଜନିତ ମାମଲାବି ସାମ୍ନାକୁ ଆସିଥିଲା । ଯାହା ପରେ କର୍ଫ୍ୟୁ ଲଗାଯାଇଥିଲା । ପୁରା ରାଜସ୍ଥାନରେ ୨୪ ଘଣ୍ଟା ଧରି ଇଣ୍ଟରନେଟ ସେବା ବନ୍ଦ ରହିଥିଲା । କହିରଖିବା ଉଚିତ ହେବକି ଜୁନ ୧୫ ତାରିଖରେ ପୋଲିସକୁ ପତ୍ର ଲେଖି ନିଜ ହତ୍ୟା ନେଇ ଆଶଙ୍କା କରିଥିଲେ । ପୋଲିସ ଠାରୁ ସୁରକ୍ଷା ଦାବି କରିଥିଲେ । ଯେବେକି ପୋଲିସ ପକ୍ଷରୁ କୁହାଯାଇଛିକି ଦୁଇ ପକ୍ଷରୁ ଡକାଯାଇ ବୁଝାମଣା କରାଯାଇଥିଲା । ଏହା ପରେ ବି କନହେୟାଙ୍କୁ ହତ୍ୟା କରାଯାଇଥିଲା ।
