ନବଜାତ ଶିଶୁଙ୍କୁ ପୋଷିବାକୁ ସକ୍ଷମ ହେଉନାହାନ୍ତି ପାକିସ୍ତାନବାସୀ, ଡାକ୍ତରଖାନାରେ ଛାଡିଯାଉଛନ୍ତି ଜନ୍ମିତ ଶିଶୁ କନ୍ୟା
ପାକିସ୍ତାନର ଦକ୍ଷିଣ ପ୍ରାନ୍ତ ସିନ୍ଧ ପ୍ରଦେଶର ଅନେକ ଗ୍ରାମାଞ୍ଚଳରେ ଅନେକ ଲୋକ ଝିଅ ଜନ୍ମ ହେବା ପରେ ଡାକ୍ତରଖାନାରେ ଛାଡି ଦେଉଛନ୍ତି। ଏଠାରେ ରହୁଥିବା ଲୋକମାନେ ପ୍ରାୟତଃ ଚିକିତ୍ସା ପାଇଁ ଲାଡକାନା ସ୍ଥିତ ଜାଏଦ ଶିଶୁ ଡାକ୍ତରଖାନାକୁ ଆସିଥାନ୍ତି। ଏହିକାରଣରୁ ଏଠାରେ ଅଧିକାଂଶ ଶିଶୁକନ୍ୟାଙ୍କୁ ଛାଡି ଚାଲିଯାଉଥିବା ଘଟଣା ଦେଖିବାକୁ ମିଳୁଛି।
ସୂଚନା ମୁତାବକ କିଛି ମାସ ପୂର୍ବରୁ ଲାଡକାନାର ଶେଖ ଜାଏଦ ଶିଶୁ ଡାକ୍ତରଖାନାକୁ ନବଜାତ ଶିଶୁ ସାୟରାଙ୍କୁ ଗୁରୁତର ଅବସ୍ଥାରେ ଅଣାଯାଇଥିଲା। ହସ୍ପିଟାଲରେ ଚିକିତ୍ସା ବେଳେ ନବଜାର ଶିଶୁ କନ୍ୟାଟି ଠିକ୍ ହୋଇଯାଇଥିଲା କିନ୍ତୁ ତାଙ୍କ ମାତା-ପିତା ତାଙ୍କୁ ନିଜ ସହ ଘରକୁ ନେଇଯାଇନଥିଲେ। ଏହିଭଳି ଅନେକ ଶିଶୁକନ୍ୟାଙ୍କ ବିଷୟରେ ଡାକ୍ତରଖାନା ପ୍ରଶାସନ ପକ୍ଷରୁ ସୂଚନା ମିଳିଛି। କିନ୍ତୁ ସାୟରାଙ୍କ ଭାଗ୍ୟ ଭଲ ଥିବାରୁ ତାଙ୍କୁ ହସ୍ପିଟାଲର ଜଣେ ନର୍ସ ଗ୍ରହଣ କରିଥିଲେ କିନ୍ତୁ ସବୁ ପିଲାଙ୍କର ଭାଗ୍ୟ ଏତେ ଭଲ ନୁହେଁ।
ଜାମିଆ ବେନଜିର ଭୁଟ୍ଟୋ ମେଡିକାଲ ୟୁନିଭରସିଟି ଏବଂ ଶେଖ ଜାଏଦ ଶିଶୁ ହସ୍ପିଟାଲର ମୁଖ୍ୟ ପ୍ରଫେସର ସୈଫୁଲ୍ଲା ଜମାଦ କହିଛନ୍ତି, ଚଳିତ ବର୍ଷ ଅନେକ ପିତାମାତା ସେମାନଙ୍କର ଜନ୍ମିତ ସନ୍ତାନମାନଙ୍କ ନାମ ଏବଂ ଠିକଣା ଭୁଲ୍ ଲେଖି ନିଖୋଜ ହୋଇଯାଇଛନ୍ତି। ପ୍ରଫେସର ସୂଚନା ଦେଇଛନ୍ତି, ଗମ୍ଭୀର ଅବସ୍ଥାରେ ୬ ଜଣରୁ ୫ ଜଣ ଶିଶୁ ମୃତ୍ୟୁବରଣ କରିଛନ୍ତି। ଏହି ଶିଶୁକନ୍ୟାଙ୍କୁ ରିଲିଫ୍ ଏବଂ ଇଡି ରିଲିଫ୍ ସୋସାଇଟି ସହାୟତାରେ କବର ଦିଆଯାଇଛି।
ପ୍ରଫେସର ସୈଫୁଲ୍ଲା କହିଛନ୍ତି, ଝିଅମାନଙ୍କୁ ଏପରି ପରିତ୍ୟକ୍ତ ଏବଂ ଅସହାୟ ଢଙ୍ଗରେ ଛାଡିବା ଅତ୍ୟନ୍ତ ଦୁଃଖଦ ଏବଂ ନିନ୍ଦନୀୟ। ଏହାପଛରେ ସମାଜରେ ବିକାଶ ହେଉଥିବା ଚିନ୍ତାଧାରା ରହିଛି। ଏଥିସହ ଆମ ସମାଜରେ ପୁଅମାନଙ୍କ ଅପେକ୍ଷା ଝିଅମାନଙ୍କୁ ଅଧିକ ବୋଝ ବୋଲି ଭାବୁଛନ୍ତି କହିଛନ୍ତି ପ୍ରଫେସର। ଏଥିସହ ଶେଖ ଜାଏଦ ଶିଶୁ ହସ୍ପିଟାଲର ଜରୁରୀକାଳୀନ ୱାର୍ଡର ଡକ୍ଟର ଅବଦୁଲ୍ଲା ଅସାର ଚାନ୍ଦିଓ କହିଛନ୍ତି ଝିଅମାନେ କେବଳ ଡାକ୍ତରଖାନାରେ ଦାବିପତ୍ର ଛାଡି ନାହାଁନ୍ତି ବରଂ ଅଭିଭାବକମାନେ ଭଲ ଭାବରେ ଜାଣିଛନ୍ତି ଯେ ଯଦି ସେମାନଙ୍କୁ ଡାକ୍ତରଖାନାରୁ ନିଆଯାଏ, ତେବେ ସେ ମରିବା ସ୍ୱାଭାବିକ|
