ସିଗାରେଟ୍ କିଣିବା ପାଇଁ ଫ୍ରାନ୍ସରୁ ଚାଲି ଚାଲି ସ୍ପେନ୍ ଯାଉଥିଲେ ବ୍ୟକ୍ତି, ହେଲିକପ୍ଟର ଦ୍ଵାରା କରିବାକୁ ପଡିଲା ଉଦ୍ଧାର
କରୋନା ଭାଇରସ୍ କାରଣରୁ ପ୍ରାୟତଃ ସବୁ ଦେଶରେ ଲକ୍ ଡାଉନ୍ ଘୋଷଣା କରାଯାଇଛି । ଏସବୁ ସତ୍ତ୍ୱେ ମଧ୍ଯ କିଛି ଏଭଳି କିଛି ଲୋକ ଅଛନ୍ତି ଯେଉଁମାନେ ଏବେବି ଘରୁ ବାହାରି ବାହାରେ ବୁଲିବାରେ ଲାଗିଛନ୍ତି । ତେବେ ନିକଟରେ ଫ୍ରାନ୍ସରେ ଏପରି ଏକ ଘଟଣା ଘଟିଛି ଯାହା ଶୁଣିଲେ ଆପଣ ଆଶ୍ଚର୍ଯ୍ଯ ହୋଇଯିବେ । ଏଠାରେ ଜଣେ ଲୋକ କେବଳ ସିଗାରେଟ୍ ଆଣିବା ପାଇଁ ନିଜ ଜୀବନକୁ ବାଜି ଲଗାଇ ଫ୍ରାନ୍ସରୁ ପାଦରେ ଚାଲି ଚାଲି ସ୍ପେନ୍ ଯାଉଥିଲେ ।
ପୋଲିସର କହିବା ଅନୁଯାୟୀ ପ୍ରଥମେ ଉକ୍ତ ଯୁବକ ଜଣଙ୍କ ପ୍ରଥମେ କାରରେ ଯିବାପାଇଁ ଚେଷ୍ଟା କରିଥିଲେ କିନ୍ତୁ ତାଙ୍କୁ ଚେକ୍ ପଏଣ୍ଟରେ ରୋକି ଦିଆଯାଇଥିଲା । ଏହାପରେ ସେ ପାଦରେ ଚାଲି ଚାଲି ଯିବାପାଇଁ ନିଷ୍ପତ୍ତି ନେଇଥିଲେ । ସେଥିପାଇଁ ସେ ଦୁଇ ଦେଶର ସୀମାକୁ ଯୋଗ କରୁଥିବା ପାହାଡ଼ି ରାସ୍ତାକୁ ବାଛିଥିଲେ । ତେବେ ଏହି ପାହାଡିଆ ରାସ୍ତା ଦେଇ ଯାଉଥିବା ସମୟରେ ସେ ଏକ ଝରଣାରେ ପଡିଯାଇଥିଲେ ଏବଂ ଏହାପରେ ତାଙ୍କୁ ହେଲିକପ୍ଟର ସାହାଯ୍ୟରେ ଉଦ୍ଧାର କରାଯାଇଥିଲା ।
🏆NOS CHAMPIONS DU WEEK END🥳
👮♀️Dénichés par les gendarmes de Lorrez-le-Bocage : une famille entière qui se promenait en moto et quad du côté d’Égreville… Pas de tarif de groupe : 135 € par personne.💸#EnCongésRestezConfinés#RestezChezVous🏠 pic.twitter.com/QR7APlUP1I— Gendarmerie de la Seine-et-Marne (@Gendarmerie_077) April 5, 2020
ପୋଲିସର କହିବା ଅନୁଯାୟୀ ବ୍ୟକ୍ତି ଜଣଙ୍କ ଶନିବାର ଦକ୍ଷୀଣ ଫ୍ରାନ୍ସର ପେର୍ପିଙ୍ଗନ୍ ସହରରୁ ସିଗାରେଟ୍ କିଣିବା ପାଇଁ ସ୍ପେନ୍ ଯାଉଥିଲେ । ଝରଣାରେ ଖସି ପଡ଼ିବା ପରେ ପାଇରେନିଯ ପୋଲିସ ତାଙ୍କୁ ଉଦ୍ଧାର କରିବା ପାଇଁ ହେଲିକପ୍ଟରର ସାହାଯ୍ଯ ନେବାକୁ ପଡିଥିଲା । ସୁଚନା ଅନୁଯାୟୀ କରୋନା ନିୟମ ଉଲ୍ଲଂଘନ କରିଥିବା କାରଣରୁ ବ୍ୟକ୍ତିଙ୍କ ଉପରେ ୧୨,୦୦୦ ଟଙ୍କା ଜରିମାନା ଲଗାଯାଇଛି । ଏହାପରେ ପୋଲିସ ତାଙ୍କୁ ଘରେ ରହିବା ପାଇଁ ଚେତାବନୀ ଦେଇ ଛାଡି ଦେଇଛି ।
