ନୂଆଦିଲ୍ଲୀ: ଯବାନଙ୍କ ସହ ମୋଦିଙ୍କ ଦୀପାବଳି । ଜୈସାଲମେର ଲୋଙ୍ଗେଓ୍ଵାଲା ପୋଷ୍ଟରେ ଦୀପାବଳି ପାଳିଛନ୍ତି ପ୍ରଧାନମନ୍ତ୍ରୀ ମୋଦି । ଏହା ସହ ସୀମାରେ ଶତ୍ରୁ ରାଷ୍ଟ୍ର ଚୀନ୍ ଓ ପାକିସ୍ତାନକୁ ଚେତାବନୀ ଦେଇଛନ୍ତି । ଏହା ସହ ଶୁଣାଇଛନ୍ତି ଭାରତୀୟ ବୀର ଯବାନଙ୍କ ଗାଥା । କହିଛନ୍ତି, ଭାରତ ବୁଝାମଣାରେ ବିଶ୍ୱାସ କରେ ଆଉ ବୁଝାଏ । କିନ୍ତୁ ଦେଶର ସାର୍ବଭୌମତା ଓ ଅଖଣ୍ଡତାକୁ କେହି ଆଖି ଉଠାଇ ଚାହିଁଲେ ଭାରତ ବରଦାସ୍ତ କରିବ ନାହିଁ ବରଂବିପକ୍ଷକୁ ଦୃଢ ସ୍ୱରରେ ପ୍ରତିବାଦ କରିବ ।