କୁକୁର ଛୁଆଙ୍କୁ ବଞ୍ଚାଇବାକୁ ଯାଇ ସାପଭରା କୂଅକୁ ଡେଇଁଲେ ପୋଲିସ ଅଧିକାରୀ, ଆଉ ତାପରେ.. ଦେଖନ୍ତୁ ଭାଇରଲ ଫଟୋ
ନିକଟରେ ଜଣେ ପୋଲିସ ଅଧିକାରୀ ନିଜର ବାହାଦୁରି କାରଣରୁ ସୋସିଆଲ ମିଡିଆରେ ଚର୍ଚ୍ଚାର ବିଷୟ ପାଲଟିଛନ୍ତି । ଟ୍ୱିଟରରେ ସେୟାର କରାଯାଇଥିବା ଏକ ପୋଷ୍ଟରେ କୁହାଯାଇଛି କିପରି ସେ କୁକୁରର ତିନୋଟି ପିଲାକୁ ବଞ୍ଚାଇଵାକୁ ଯାଇ ଏକ କୁଆ ଭିତରକୁ ପଶି ଯାଇଥିଲେ । ତେବେ ପୋଲିସ ଅଧିକାରୀ ଜଣକ କୂଅରେ ପଶି କୁକୁରକୁ ଉଦ୍ଧାର କରୁଥିବା ସମୟର ଫଟୋ ସୋସିଆଲ ମିଡିଆରେ ସେୟାର କରାଯାଇଥିଲା । ଯେଉଁଥିରେ ଲୋକମାନେ ତାଙ୍କର ଭିନ୍ନ ଭିନ୍ନ ପ୍ରକାର ପ୍ରତିକ୍ରିୟା ରଖିଛନ୍ତି ।
अमरोहा में एक कुँए में 🐶 के 03 बच्चे गिर गए थे, ग्रामीण एकत्र तो थे पर कुँए में सांप होने की खबर से कोई नीचे जाने की हिम्मत नही जुटा पा रहा थे।#PRV3596 ने अपने जान की परवाह किये बगैर मौके कुँए में उतर कर तीनो बच्चों को सुरक्षित बाहर निकाला। pic.twitter.com/rIu1r45g48
— Call 112 (@112UttarPradesh) January 22, 2020
‘Call 112’ ଦ୍ୱାରା ସେୟାର କରାଯାଇଥିବା ଏହି ଟ୍ୱିଟ ଅନୁଯାୟୀ ଘଟଣାଟି ଘଟିଥିଲା ଉତ୍ତରପ୍ରଦେଶର ଅମରୋହା ଠାରେ । ଏହି ଗ୍ରାମରେ ଗ୍ରାମବାସୀମାନେ ଦେଖିବାକୁ ପାଇଥିଲେ ଯେ ଏକ ପରିତ୍ୟକ୍ତ କୂଅ ଭିତରେ ଗୋଟେ କୁକୁରର ତିନୋଟି ପିଲା ପଡି ଯାଇଛନ୍ତି କିନ୍ତୁ କେହି ବି ତାଙ୍କୁ ବଞ୍ଚାଇବାକୁ ସାହସ କରିପାରୁନାହାନ୍ତି । କାରଣ କୂଅ ଭିତରେ ଅନେକ ଗୁଡିଏ ସାପ ରହିଛନ୍ତି । ତେବେ ଶେଷରେ ଜଣେ ପୋଲିସ ଅଧିକାରୀ ଆସି କୂଅ ଭିତରେ ପଶି କୁକୁରଛୁଆ ଗୁଡିକୁ ବାହାର କରିବାପାଇଁ ନିଷ୍ପତ୍ତି ନେଇଥିଲେ ଓ ଶେଷରେ ଉଦ୍ଧାର କରିଥିଲେ ମଧ୍ୟ ।
ଜାନୁଆରୀ ୨୨ ତାରିଖରେ ସେୟାର କରାଯାଇଥିବା ଏହି ଟ୍ୱିଟକୁ ବର୍ତ୍ତମାନ ପର୍ଯ୍ୟନ୍ତ ଅନେକ ଲୋକ ଦେଖି ସାରିଛନ୍ତି । ତାସହିତ ଲୋକମାନେ ପୋଲିସ ଅଧିକାରୀଙ୍କ ପ୍ରଶଂସା ମଧ୍ୟ କରୁଛନ୍ତି ।
