ସାରାଦେଶରେ ଏବେ ନାଗରିକତା ସଂଶୋଧନ ଆଇନ(CAA) ଏବଂ ରାଷ୍ଟ୍ରୀୟ ନାଗରିକତା ରେଜିଷ୍ଟର (NRC)କୁ ନେଇ ବିରୋଧ ଲାଗି ରହିଛି। ଏହାମଧ୍ୟରେ ହାଇଦ୍ରାବାଦ ଚିଲକୁର ବାଲାଜୀ ମନ୍ଦିରର ମୁଖ୍ୟ ପୂଜାରୀ ହିନ୍ଦୁ ଦେବଦେବୀଙ୍କ ନାଗରିକତା ପାଇଁ ସରକାରଙ୍କ ନିକଟରେ ଅନୁରୋଧ କରିଛନ୍ତି । ସିଏସ ରଙ୍ଗରାଜନ ନାମକ ଏହି ବ୍ୟକ୍ତି ନାଗରିକତା ସଂଶୋଧନ କାନୁନ CAA ସେକ୍ସନ 5(4) ଅନୁଯାୟୀ ତିରୁମାଲାର ଭେଙ୍କେଟେଶ୍ବର ସ୍ୱାମୀ, ସଵରୀମାଲାର ଅୟପ୍ପା ସ୍ୱାମୀ ଏବଂ କେରଳର ଭଗବାନ ପଦ୍ମନାଭଙ୍କୁ ମଧ୍ୟ ନାଗରିକତା ଦେବାପାଇଁ ଦାବି କରିଛନ୍ତି ।
ରଙ୍ଗରାଜନଙ୍କ କହିବା ଅନୁଯାୟୀ CAAରେ ଏକ ନାବାଳକକୁ ମଧ୍ୟ ନାଗରିକତା ଦେବାର ନିୟମ ରହିଛି । ସେଥିପାଇଁ ସବୁ ମନ୍ଦିର ଓ ଦେବତାମାନଙ୍କୁ ଏହି ନିୟମ ଦ୍ୱାରା ନାଗରିକତା ଦିଆଯାଇପାରିବ । ଦେଶର ସବୁ ମନ୍ଦିରର ପୂଜାରୀ ସରକାରଙ୍କ ନିକଟରେ ଭଗବାନଙ୍କ ପାଇଁ ଦାବି କରିପାରିବେ ଏବଂ ଆଇନ ଅନୁଯାୟୀ କୋର୍ଟକୁ ମଧ୍ୟ ଯାଇପାରିବେ ।
ରଙ୍ଗରାଜନଙ୍କ କହିବା ମୁତାବକ, ଭାରତର ଧର୍ମନିରପେକ୍ଷ ରାଜ୍ୟରେ ହିନ୍ଦୁ ମନ୍ଦିର, ଧାର୍ମିକ ସଂଗଠନ ଏବଂ ଧାର୍ମିକ ସଂସ୍ଥାନ ଗୁଡିକ ଉପରେ ଏବେ ବିପଦ ବଢି ବଢି ଚାଲିଛି । ସାମ୍ବିଧାନିକ ନିୟମ ଏବଂ ନ୍ୟାୟିକ ନିଷ୍ପତ୍ତି ପରେ ମଧ୍ୟ ହିନ୍ଦୁ ମନ୍ଦିର ଓ ଧର୍ମ ସଂସ୍ଥାନଗୁଡିକର କୁପ୍ରବନ୍ଧନ ଗୁଡିକୁ ସରକାର ନିୟନ୍ତ୍ରଣ କରିବାପାଇଁ ଚାଁହୁଛନ୍ତି ଯେତେବେଳେ ଅନ୍ୟ ଧର୍ମକୁ ଆଦରର ସହିତ ପ୍ରବନ୍ଧନ କରାଯାଉଛି । ତେବେ ଏହା ପୁଣି ସେତେବେଳେ ଯେତେବେଳେ ସମ୍ବିଧାନର ଅନୁଚ୍ଛେଦ 26 ସମସ୍ତ ନାଗରିକଙ୍କୁ ସମାନ ଅଧିକାର ଦେଉଛି ।