ନୂଆଦିଲ୍ଲୀ : ଭାରତ ଚୁକ୍ତି କରିଥିବା ୩୬ ରାଫେଲ୍ ଲଢ଼ୁଆ ଯୁଦ୍ଧ ବିମାନ ଠିକ୍ ସମୟରେ ଭାରତରେ ପହଞ୍ଚିବ ଓ ଏଥିରେ କୈାଣସି ବିଳମ୍ବ ହେବ ନାହିଁ ବୋଲି ଭାରତ ସ୍ଥିତ ଫ୍ରାନ୍ସ ରାଷ୍ଟ୍ରଦୂତ ଇମେନୁଏଲ୍ ଲେନିନ୍ ପ୍ରକାଶ କରିଛନ୍ତି ।
ଭାରତ ୨୦୧୬ ସେପ୍ଟେମ୍ବର ମାସରେ ୩୬ ଟି ଲଢ଼ୁଆ ଯୁଦ୍ଧ ବିମାନ ରାଫେଲ ପାଇଁ ୫୮୦୦୦ କୋଟି ଟଙ୍କାର ଚୁକ୍ତି କରିଥିଲା । ଚୁକ୍ତି ଅନୁଯାୟୀ ଅପ୍ରେଲ ଶେଷ ସୁଦ୍ଧା ରାଫେଲ୍ ଭାରତକୁ ଆସିବା କଥା ।
ତେଣୁ ସେହି ଅନୁଯାୟୀ କାର୍ଯ୍ୟ ଚାଲିଛି । ରାଫେଲ୍ ଆସିବାରେ ଆଦୈା ବିଳମ୍ବ ହେବ ନାହିଁ ବୋଲି ରାଷ୍ଟ୍ରଦୂତ ଲେନିନ୍ ପ୍ରକାଶ କରିଛନ୍ତି । ଗତ ଅପ୍ରେଲ ୮ ତାରିଖରେ ଫ୍ରାନ୍ସ ଭାରତର ବାୟୁ ସେନାକୁ ଏକ ନୂଆ ରାଫେଲ୍ ବିମାନ ଦେଇଥିଲା ।
କରୋନା ଭାଇରସ୍ ସଂକ୍ରମଣ ଯୋଗୁ ଦେଶ ବ୍ୟସ୍ତ ଥିଲେ ହେଁ ଠିକ୍ ସମୟରେ ରାଫେଲ୍ ଭାରତର ବାୟୁସେନାରେ ସାମିଲ ହେବ ବୋଲି ଫ୍ରାନ୍ସ କହିଛି ।