ହରସିମରତ କୈାର୍ ବାଦଲ୍ କୃଷି ବିଲ୍କୁ ବିରୋଧ କରି ମୋଦିଙ୍କ କ୍ୟାବିନେଟ୍ରୁ ଦେଲେ ଇସ୍ତଫା
ନୂଆଦିଲ୍ଲୀ : ଶିରୋମଣି ଅକାଳୀ ଦଳ ନେତା ତଥା କେନ୍ଦ୍ର ମନ୍ତ୍ରୀ ହରସିମରତ୍ କୈାର୍ ବାଦଲ୍ କୃଷି ବିଧେୟକକୁ ବିରୋଧ କରି ଆଜି କେନ୍ଦ୍ର କ୍ୟାବିନେଟ୍ରୁ ଇସ୍ତଫା ଦେଇଛନ୍ତି । ସେ ତାଙ୍କ ଟ୍ଵିଟ୍ରରେ‘ କୃଷକ ବିରୋଧୀ ଅଧ୍ୟାଦେଶ ଓ ବିଲ୍କୁ ବିରୋଧ କରି ମୁଁ କେନ୍ଦ୍ର ମନ୍ତ୍ରୀ ପଦରୁ ଇସ୍ତଫା ଦେଲି । କୃଷକର ଝିଅ ଓ ଭଉଣୀ ଭାବରେ ମୁଁ ତାଙ୍କ ସହ ଠିଆ ହୋଇଥିବାରୁ ଗର୍ବ ଅନୁଭବ କରେ ବୋଲି ଲେଖିଛନ୍ତି ।’
I have resigned from Union Cabinet in protest against anti-farmer ordinances and legislation. Proud to stand with farmers as their daughter & sister.
— Harsimrat Kaur Badal (@HarsimratBadal_) September 17, 2020
ପ୍ରଧାନମନ୍ତ୍ରୀଙ୍କୁ ଦେଇଥିବା ତାଙ୍କର ଇସ୍ତଫା ପତ୍ରରେ ଲେଖିଛନ୍ତି ଯେ କୃଷି ଉତ୍ପାଦର ମାର୍କେଟିଙ୍ଗ୍ ସମ୍ପର୍କରେ ସରକାର କୃଷକଙ୍କ ଆଶଙ୍କାକୁ ଦୂର ନକରି ବିଲ୍ ଆଣିଥବାରୁ ଅକାଳୀ ଦଳ ଏଥିରେ ଭାଗ ନେବ ନାହିଁ । ତେଣୁ କେନ୍ଦ୍ରୀୟ ମନ୍ତ୍ରୀ ଭାବେ ମୋର ସେବା ଜାରି ରଖିବା ମୋ ପାଇଁ ଅସମ୍ଭବ ଅଟେ ବୋଲି ସେ ତାଙ୍କ ଇସ୍ତଫା ପତ୍ରରେ ଲେଖିଛନ୍ତି ।
