ଛତିଶଗଡ଼ ମୁଖ୍ୟମନ୍ତ୍ରୀ ପଦର ଶପଥ ନେଲେ ବିଷ୍ଣୁଦେଓ ସାଏ, ବିଜୟ ଶର୍ମା ଓ ଅରୁଣ ସାଓ ହେଲେ ଉପ ମୁଖ୍ୟମନ୍ତ୍ରୀ
ବିଷ୍ଣୁଦେଓ ସାଏ ହେଲେ ଛତିଶଗଡ଼ର ନୂଆ ମୁଖ୍ୟମନ୍ତ୍ରୀ। ବୁଧବାର ସେ ମୁଖ୍ୟମନ୍ତ୍ରୀ ପଦର ଶପଥ ନେଇଛନ୍ତି। ରାଜ୍ୟର ଚତୁର୍ଥ ମୁଖ୍ୟମନ୍ତ୍ରୀ ହେବେ ସାଏ। ତାଙ୍କ ପୂର୍ବରୁ ଅଜିତ୍ ଯୋଗୀ, ରମଣ ସିଂ ଓ ଭୂପେଶ ବଘେଲ ଏହି ପଦରେ ରହିସାରିଛନ୍ତି।
ବିଷ୍ଣୁଦେଓ ସାଏ ହେଲେ ଛତିଶଗଡ଼ର ନୂଆ ମୁଖ୍ୟମନ୍ତ୍ରୀ। ବୁଧବାର ସେ ମୁଖ୍ୟମନ୍ତ୍ରୀ ପଦର ଶପଥ ନେଇଛନ୍ତି। ରାଜ୍ୟର ଚତୁର୍ଥ ମୁଖ୍ୟମନ୍ତ୍ରୀ ହେବେ ସାଏ। ତାଙ୍କ ପୂର୍ବରୁ ଅଜିତ୍ ଯୋଗୀ, ରମଣ ସିଂ ଓ ଭୂପେଶ ବଘେଲ ଏହି ପଦରେ ରହିସାରିଛନ୍ତି। ଟର୍ମ ହିସାବରେ ସାଏ ଷଷ୍ଠ ବିଧାନସଭାରେ ମୁଖ୍ୟମନ୍ତ୍ରୀ ହୋଇଛନ୍ତି। ଗତ ୩ ତାରିଖରେ ନିର୍ବାଚନ ଫଳାଫଳ ଆସିବା ପରେ ବିଜେପି ୫ ବର୍ଷ ପରେ ପୁଣିଥରେ ଶାସନ କ୍ଷମତାକୁ ପ୍ରତ୍ୟାବର୍ତ୍ତନ କରିଛି। ୧୦ ତାରିଖରେ ବିଜେପି ନିଜ ମୁଖ୍ୟମନ୍ତ୍ରୀଙ୍କ ନାମ ଘୋଷଣା କରିଥିଲା।
ସେପଟେ ବିଜେପିର ରାଜ୍ୟ ଅଧ୍ୟକ୍ଷ ଅରୁଣ ସାଓ ଓ ବିଜୟ ଶର୍ମା ଉପ ମୁଖ୍ୟମନ୍ତ୍ରୀ ଭାବରେ ଶପଥ ନେଇଛନ୍ତି। ଏହି ଶପଥ ଗ୍ରହଣ ସମାରୋହ ରାଜଧାନୀ ରାୟପୁରର ସାଇନ୍ସ କଲେଜରେ ଆୟୋଜିତ ହୋଇଥିଲା। ଏହି ସମାରୋହରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହ କେନ୍ଦ୍ର ଗୃହମନ୍ତ୍ରୀ ଅମିତ୍ ଶାହ, ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା, ବିଜେପି ରାଜ୍ୟ ପ୍ରଭାରୀ ଓମ୍ ପ୍ରକାଶ ମାଥୁର, କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ମନସୁଖ ମାଣ୍ଡଭିୟ ଓ ରାଜ୍ୟ ସହ ପ୍ରଭାରୀ ନୀତୀନ ନବୀନ ଯୋଗଦେଇଥିଲେ।
ଶପଥ ଗ୍ରହଣକୁ ନେଇ ବ୍ୟାପକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଥିଲା। ଶପଥ ନେବା ପୂର୍ବରୁ ବିଷ୍ଣୁଦେଓ ସାଏ ଭାରତର ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରିଥିଲେ। ସେହିପରି ସେ ନିଜ ମା’ଙ୍କୁ ମଧ୍ୟ ଭେଟିବାକୁ ଯାଇଥିଲେ ଏବଂ ତାଙ୍କର ପାଦ ସ୍ପର୍ଶ କରି ଆଶୀର୍ବାଦ ନେଇଥିଲେ। ମା’ ଯଶମଣୀ ଦେବୀ ତାଙ୍କର ଆଳତି କରିଥିବା ବେଳେ ପତ୍ନୀ କୌଶଲ୍ୟା ଦେବୀ ମିଠା ଖୁଆଇଥିଲେ।
शपथ ग्रहण के पूर्व मुख्यमंत्री श्री विष्णुदेव साय का तिलक करतीं माता श्रीमती जसमनी देवी। pic.twitter.com/BAfIqfIjVZ
— CMO Chhattisgarh (@ChhattisgarhCMO) December 13, 2023
