ଆଶା ଥିଲା ପୂଜା ସିଜିନରେ ଭଲ ଦିପଇସା ରୋଜଗାର କରିବେ, ହେଲେ ସବୁ ଆଶା ଧୂଳିସାତ ହୋଇଗଲା
ଅନ୍ଧକାର ରାତିରେ ନିଆଁ ଆଁରେ କେଇଟା ମୁହୂର୍ତ୍ତ ଭିତରେ ସବୁ ଦୋକାନ ଜଳି ଛାରଖାର ହୋଇଯାଇଥାଏ । ଆଉ କିଛି ବ୍ୟକ୍ତି ପୋଡା ଅଙ୍ଗାର ପାଉଁଶ ଭିତରୁ ଖୋଜା ଖୋଜି କରୁଥାନ୍ତି । କିଏ ଦରପୋଡା ଖାତା ତ କିଏ ଜୋତା ତ କାହା ହାତରେ ଅଧା ପୋଡା ଟଙ୍କା କିଛି ଥାଏ ।
ଭୁବନେଶ୍ୱର (କେନ୍ୟୁଜ୍): ଅନ୍ଧକାର ରାତିରେ ନିଆଁ ଆଁରେ କେଇଟା ମୁହୂର୍ତ୍ତ ଭିତରେ ସବୁ ଦୋକାନ ଜଳି ଛାରଖାର ହୋଇଯାଇଥାଏ । ଆଉ କିଛି ବ୍ୟକ୍ତି ପୋଡା ଅଙ୍ଗାର ପାଉଁଶ ଭିତରୁ ଖୋଜା ଖୋଜି କରୁଥାନ୍ତି । କିଏ ଦରପୋଡା ଖାତା ତ କିଏ ଜୋତା ତ କାହା ହାତରେ ଅଧା ପୋଡା ଟଙ୍କା କିଛି ଥାଏ । ପୁଣି କିଏ ତାଲା ବାହାର କରୁଥାଏ । ଆଖିରେ ଆଖିଏ ସ୍ୱପ୍ନ ନେଇ କାହା ଠାରୁ ଧାର କରଜ କରି ଦୋକାନରେ ଜୋତା ଚପଲ ବ୍ୟାଗ ରଖିଥିଲେ । ପୂଜା ସିଜିନ୍ ଚାଲିଥିବାରୁ ପ୍ରସ୍ତୁତ ହେଉଥିଲେ ଭଲ ଦିପଇସା ରୋଜଗାର ହେବା ଆଶାରେ । ହେଲେ ଆଶା ସବୁ ଧୂଳିସାତ ହୋଇଗଲା । ସର୍ବଗିଳା ନିଆଁ ଟା କିଛି କ୍ଷଣିକରେ ସବୁ କିଛି ପୋଡି ମାଟିରେ ମିଶାଇ ଦେଲା । ପାଉଁଶ ଭିତରୁ ସାଉଁଟି ସାଉଁଟି କିଛି ଲୋକ ଖୋଜୁଥିଲେ ସ୍ୱପ୍ନକୁ । ହେଲେ ଆଉ କଣ ମିଳିବ? ଏମିତି କିଛି କୋହ ଭରା କଣ୍ଠରେ କହି ହେଉଥିଲେ ।
କହୁଥିଲେ ଆମେ ପାଖ ଆଖ ଲୋକ ସମସ୍ତଙ୍କୁ ଡାକିଲୁ ବାବୁ ଦୌଡ଼ି ଆସ ନିଆଁ ଲାଗିଗଲା, କିଏ ଟିକେ ଭାଇ ଦମକଳକୁ ଫୋନ କର । ଏସବୁ ଭିତରେ ସବୁ ଜଳି ପୋଡି ପାଉଁଶ ହୋଇଯାଇଥିଲା । ଲକ୍ଷ ଲକ୍ଷ ଟଙ୍କାର ସମ୍ପତ୍ତି ଆଖି ପିଛୁଳାକେ ଜଳି ପୋଡି ପାଉଁଶ ହୋଇଯାଇଥିଲା । ଚାହୁଁ ଚାହୁଁ ସବୁ କିଛି ଜଳି ପୋଡି ଛାରଖାର ହୋଇଗଲା । ଏଇଥିରେ ପରିବାର ଚଳୁଥିଲା ପୁଅ ଝିଅ ପାଠ ପଢୁଥିଲେ।
ତେବେ ପାଖାପାଖି ସାଟି ଦୋକାନ ପୋଡି ପାଉଁଶ ହୋଇ ମାଟିରେ ନିଶ୍ଚିନ୍ନ ହୋଇଯାଇଥିଲା। ଖାଲି ସେତିକି ନୁହେଁ ସେଥିରେ ରହି କାମ କରୁଥିଲେ ଅନେକ ଯୁବକ ସେମାନେ ବି ଆଜି ବେସାହାରା। ସେମାନେ ଚଳିବେ କେମିତି ଯିବେ କୁଆଡେ ? ଅନ୍ଧାର ଦେଖାଯାଉଥିଲା ସେମାନଙ୍କୁ। ଦରପୋଡା ଚପଲ ଜୋତା ଖୋଳି ଖୋଳି ବାହାର କରୁଥାନ୍ତି । ପୋଡା ଟଙ୍କା କିଛି ହାତରେ ଧରି ଦେଖାଉଥାନ୍ତି । ଦୁଃଖ ଭରା କଣ୍ଠରେ କହୁଥାନ୍ତି ଧାର କରଜ କରି ସୁଧିଆଠୁ ଟଙ୍କା ଆଣି ଜିନିଷ ଫୁଲ୍ କରିଥିଲୁ। ହେଲେ ଆମର ପୋଡି ଅଙ୍ଗାର ପାଉଁଶ ହୋଇଅଗଲା।
କିଏ କହୁଥିଲା ଏଇ ପୂଜା ପରେ ପରେ ଦୀପଇସା ବାହାରିଥିଲେ ଝିଅ ବାହାଘର କରିଥାନ୍ତି । କିଏ କହୁଥାଏ ପୁଅକୁ ଭଲ କଲେଜରେ ଆଡମିନସନ କରିଥାନ୍ତି । ଏସବୁ ଭିତରେ ଦମକଳ ବାହିନୀ ବି ଚାଲି ଯାଇଥାନ୍ତି । ଲୋକ ସବୁ ରୁଣ୍ଡ ହୋଇ ଖାଲି ବଲ ବଲ ହେଇ ଦେଖୁଥାନ୍ତି । ଇଲେକ୍ଟ୍ରି ତାରରେ ସଟସର୍କିଟ ଯୋଗୁଁ ନିଆଁ ଲାଗି ଏଭଳି ଦଶା ଭୋଗିବାକୁ ପଡିଛି ସାତ ଜଣ ବ୍ୟବସାୟୀଙ୍କୁ । ଏପଟେ କିଛି ସାହାଯ୍ୟ ଆଶାରେ ଏମାନେ ଚାହିଁ ରହିଛନ୍ତି।
