ସେନେଗାଲ୍ରେ ବଡ଼ ଦୁର୍ଘଟଣା: ରନ୍ୱେରୁ ଖସିଗଲା ବୋଇଙ୍ଗ୍ ୭୩୭ ବିମାନ, ୧୦ ଯାତ୍ରୀ ଆହତ
ଆଫ୍ରିକୀୟ ଦେଶ ସେନେଗାଲ୍ରେ ବଡ଼ ବିମାନ ଦୁର୍ଘଟଣା । ସେନେଗାଲ୍ ରାଜଧାନୀ ଡକାରର ବିମାନବନ୍ଦରରେ ଏକ ବୋଇଙ୍ଗ୍ ୭୩୭ ବିମାନ ରନ୍ୱେରୁ ଖସିପଡ଼ିଥିବା ସୂଚନା ରହିଛି । ଏହି ଦୁର୍ଘଟଣାରେ ୧୦ ଜଣ ଯାତ୍ରୀ ଆହତ ହୋଇଛନ୍ତି ।
ଆଫ୍ରିକୀୟ ଦେଶ ସେନେଗାଲ୍ରେ ବଡ଼ ବିମାନ ଦୁର୍ଘଟଣା । ସେନେଗାଲ୍ ରାଜଧାନୀ ଡକାରର ବିମାନବନ୍ଦରରେ ଏକ ବୋଇଙ୍ଗ୍ ୭୩୭ ବିମାନ ରନ୍ୱେରୁ ଖସି ପଡ଼ିଥିବା ସୂଚନା ରହିଛି । ଏହି ଦୁର୍ଘଟଣାରେ ୧୦ ଜଣ ଯାତ୍ରୀ ଆହତ ହୋଇଛନ୍ତି । ଦେଶର ପରିବହନ ମନ୍ତ୍ରୀ ଏହି ଦୁର୍ଘଟଣା ସମ୍ପର୍କରେ ସୂଚନା ଦେଇଛନ୍ତି । ଏହି ଦୁର୍ଘଟଣା ଯେଉଁ ସମୟରେ ଘଟିଥିଲା, ସେହି ସମୟରେ ବିମାନରେ ୮୫ ଜଣ ଯାତ୍ରୀ ଥିଲେ ।
ପରିବହନ ମନ୍ତ୍ରୀ ଏଲ୍ ମଲିକ ନଡିୟେ ଏକ ବୟାନ ଜାରି କରି କହିଛନ୍ତି ଯେ ଟ୍ରାନ୍ସଏୟାର ଦ୍ୱାରା ସଞ୍ଚାଳିତ ଏୟାର ସେନେଗାଲ୍ ବୁଧବାର ବିଳମ୍ବିତ ରାତିରେ ବମାକୋ ପାଇଁ ଉଡ଼ାଣ ଭରୁଥିଲା । ବିମାନରେ ୭୯ ଜଣ ଯାତ୍ରୀଙ୍କ ସହ ୨ ଜଣ ପାଇଲଟ୍ ଏବଂ ଚାଳକ ଦଳର ୪ ଜଣ ସଦସ୍ୟ ଥିଲେ ।
ଉଡ଼ାଣ ଭରୁଥିବା ବେଳେ ବିମାନଟି ହଠାତ୍ ରନ୍ୱେରୁ ଖସି ପଡ଼ିଥିଲା । ଏଥିରେ ୧୦ ଜଣ ଆହତ ହୋଇଥିଲେ । ଆହତମାନଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିବା ବେଳେ ବିମାନରେ ଥିବା ବାକି ଅନ୍ୟମାନଙ୍କୁ ଏକ ହୋଟେଲରେ ରଖାଯାଇଛି ।
ସେପଟେ କ୍ଷତିଗ୍ରସ୍ତ ବିମାନର ଭିଡିଓ ସୋସିଆଲ ମିଡିଆରେ ସାମ୍ନାକୁ ଆସିଛି, ଯେଉଁଥିରେ ବିମାନଟି ଘାସ ଉପରେ ରହିଥିବାର ଦେଖାଯାଉଛି । ଏହାର ପଙ୍ଖା କ୍ଷତିଗ୍ରସ୍ତ ହୋଇଛି । ଆଖପାଖରେ ନିଆଁ ଲିଭାଇବା ଫୋମ୍ ପଡ଼ିଛି । ଦୁର୍ଘଟଣା ପରେ ସମସ୍ତ ଯାତ୍ରୀଙ୍କୁ ସୁରକ୍ଷିିତ ଉଦ୍ଧାର କରି ନିଆଯାଇଛି । ବିମାନବନ୍ଦର ବର୍ତ୍ତମାନ କିଛି ସମୟ ପାଇଁ ବନ୍ଦ ରହିଛି । ଦୁର୍ଘଟଣାର କାରଣ ଜାଣିବା ପାଇଁ ଯାଞ୍ଚ ଚାଲିଛି ।
କହି ରଖୁଛୁ, ଏହା ପୂର୍ବରୁ ଇସ୍ତାନବୁଲରେ ଏକ ବିମାନ ଅବତରଣ କରିବା ସମୟରେ ଖସିପଡ଼ିଥିଲା ଏବଂ ସେଥିରେ ନିଆଁ ଲାଗିଯାଇଥିଲା । ଯଦିଓ ଏଥିରେ କୌଣସି ପ୍ରକାର କ୍ଷୟକ୍ଷତିର ସୂଚନା ନାହିଁ । ବିମାନର ଗିୟର ଲ୍ୟାଣ୍ଡିଂ କରିବା ସମୟରେ ଫେଲ୍ ହୋଇଯାଇଥିଲା, ଯେଉଁ କାରଣରୁ ଏହି ଦୁର୍ଘଟଣା ଘଟିଥିଲା । ତେବେ ଏହା କାହିଁକି ଫେଲ୍ ହେଲା, ତାହାର ତଦନ୍ତ କରାଯାଉଛି ।
A Transair Boeing 737-38J aircraft (6V-AJE) received substantial damage after it did a Runway excursion at Blaise Diagne International Airport (AIBD) on Thursday, 9 May 2024 at around 1 am.#aircraft pic.twitter.com/Sg3X8tsa8B
— FL360aero (@fl360aero) May 9, 2024
Miracle à l’AIBD: malgré le crash d’un Boeing 737 de #Transair en route pour le Mali, les 73 passagers, incluant deux bébés, sont sains et saufs. Seul un pilote a été légèrement blessé. Tous reçoivent désormais des soins médicaux au pavillon présidentiel.#kebetu #Senegal #Mali pic.twitter.com/sIdqPAEqKH
— NASSIB (@sedasaid1) May 9, 2024
