ଚନ୍ଦ୍ର ଉପରେ ମିଶାଇଲ ମାଡ଼ କରିବାକୁ ଚାହୁଁଥିଲା ଆମେରିକା, କ’ଣ ଥିଲା ଏହାର ପ୍ରକୃତ ଉଦ୍ଦେଶ୍ୟ ?
ଅନେକ ଶକ୍ତିଶାଳୀ ଦେଶ ମଧ୍ୟରେ ସାମିଲ ହୋଇଛି ଆମେରିକା। ଏମିତିକି ଚାଇନା ଓ ଋଷ ପରେ ଏହି ଦେଶ ସବୁ କ୍ଷେତ୍ରରେ ନିଜକୁ ବଳଶାଳୀ ବୋଲି ପ୍ରମାଣିତ କରିବାକୁ ଚେଷ୍ଟା କରିଛି। ଯାହା ପାଇଁ ସେ ଅନେକ ସମୟରେ ଅନେକ ପରୀକ୍ଷା ନିରୀକ୍ଷା କରିଛି। ଆପଣ ହୁଏତ ଜାଣିଲେ ଆଶ୍ଚର୍ଯ୍ୟ ହେବେ ଆମେରିକା କେବେ ଚନ୍ଦ୍ର ଉପରେ ପରମାଣୁ ବିସ୍ଫୋରଣ କରିବାକୁ ଚାହୁଁଥିଲା। ହେଲେ ସେ ସଫଳ ହୋଇପାରିନଥିଲା। କିନ୍ତୁ କ’ଣ ପାଇଁ ଆମେରିକା ପରି ଦେଶ ଏପରି ଅଜବ ପଦକ୍ଷେପ ନେଇଥିଲା । ପୁଣି ଚନ୍ଦ୍ର ଉପରେ ମିସାଇଲ ମାଡ଼ କରିବାକୁ ଚାହୁଁଥିଲା। ଆପଣ ଏହି ଭିଡ଼ିଓ ଦେଖିଲେ ଜାଣି ପାରିବେ।
ଆମେରିକାର ମୁନ୍ ମିଶନକୁ ନେଇ ବର୍ତ୍ତମାନ ଏକ ବଡ ରହସ୍ୟ ସମ୍ନାକୁ ଆସିଛି। କେତେକ ପ୍ରାଇଭେଟ୍ ଦଲିଲରୁ ଜଣାପଡିଛି ଯେ ଚନ୍ଦ୍ରରେ ପରମାଣୁ ବିସ୍ଫୋରଣ କରିବା ପାଇଁ ଆମେରିକାର ଯୋଜନା ଥିଲା। ଏମିତିକି ଆଡଭାନ୍ସଡ ଏରୋସ୍ପେସ୍ ଥ୍ରେଟ୍ ଆଇଡେଣ୍ଟିଫିକେସନ୍ ପ୍ରୋଗ୍ରାମ୍ (AATIP) ଅଧୀନରେ ଆମେରିକା ଏହି ମିଶନରେ ବହୁତ ଟଙ୍କା ଖର୍ଚ୍ଚ ମଧ୍ୟ କରିଥିଲା, କିନ୍ତୁ ତାର ଆଶା ମୁତାବକ ସେ ସଫଳତା ପାଇଲା ନାହିଁ।
ଏକ ପ୍ରଖ୍ୟାତ ମିଡ଼ିଆ ରିପୋର୍ଟ ଅନୁଯାୟୀ, ଆମେରିକା ସରକାରଙ୍କ ଆଡଭାନ୍ସଡ ଏରୋସ୍ପେସ୍ ଥ୍ରେଡ୍ ଆଇଡେଣ୍ଟିଫିକେସନ୍ ପ୍ରୋଗ୍ରାମ (AATIP) ର ଡକ୍ୟୁମେଣ୍ଟଗୁଡିକରୁ ଜଣାପଡିଛି ଯେ ଆମେରିକା ଚନ୍ଦ୍ରରେ ଉନ୍ନତ ଜ୍ଞାନକୌଶଳ ବା ଫାଷ୍ଟ ପାୱାରଫୁଲ୍ ଟେକ୍ନୋଲଜିର ପରୀକ୍ଷା କରିବାକୁ ଯୋଜନା କରିଥିଲା। ଯେମିତିକି ଭିଜିବିଲିଟି କ୍ଲୋକ୍ସ, ଆଣ୍ଟିଗ୍ରାଭିଟି ଡିଭାଇସ୍, ଚନ୍ଦ୍ର ଉପରେ ଟ୍ରାଭେରେବଲ୍ ଟନେଲିଂ ଅର୍ଥାତ ଚନ୍ଦ୍ର ଉପରେ ପରମାଣୁ ବିସ୍ଫୋରଣ କରି ସୁଡ଼ଙ୍ଗ ତିଆରି କରିବା।
ତେବେ ବର୍ତ୍ତମାନ AATIP ସଂସ୍ଥା କାର୍ଯ୍ୟ କରୁନାହିଁ। ରିପୋର୍ଟ ଅନୁଯାୟୀ, ଏହି ସବୁ ଟେକ୍ନୋଲୋଜିକୁ କାମରେ ଲଗାଯାଇନଥିଲା। ଭାରତରେ ସୂଚନା ଅଧିକାର (RTI) ପରି ଫ୍ରିଡମ୍ ଅଫ୍ ଇନଫରମେସନ୍ ଆକ୍ଟ (FOIA) ଅଧୀନରେ, ଉପାଧ୍ୟକ୍ଷ ଏହି ଡକ୍ୟୁମେଣ୍ଟଗୁଡିକ ହାସଲ କରିଛନ୍ତି।ଏଥିମଧ୍ୟରେ ପୂର୍ବତନ ସିନେଟର ହ୍ୟାରିଙ୍କୁ ଏଥିପାଇଁ ଦାୟୀ କରାଯାଇଛି।
ତଥ୍ୟ ଅନୁଯାୟୀ ଆମେରିକା ଚନ୍ଦ୍ରର କୋଣୋ ଖୋଳିବାକୁ ଚାହୁଁଥିଲା। ଯାହାର କାରଣ ଥିଲା ଇସ୍ପାତ ପରି ଶକ୍ତିଶାଳୀ ଧାତୁର ଆବିଷ୍କାର, କିନ୍ତୁ ଏହା ୧୦୦,୦୦୦ ଗୁଣ ହାଲୁକା। ଯାହା ମହାକାଶଯାନ ନିର୍ମାଣରେ ବ୍ୟବହୃତ ହୋଇପାରିବ। ଏହି ମିଶନ ସହିତ ଜଡିତ ବୈଜ୍ଞାନିକମାନେ ଚନ୍ଦ୍ରର ମୂଳ ସ୍ଥାନକୁ ପହଞ୍ଚିବା ପାଇଁ ଥର୍ମୋନ୍ୟୁକ୍ଲିୟର ବିସ୍ଫୋରକ ସାମଗ୍ରୀ ମାଧ୍ୟମରେ ଚନ୍ଦ୍ରରେ ଏକ ଟନେଲ ନିର୍ମାଣ କରିବାର ଯୋଜନା କରିଥିଲେ। କିନ୍ତୁ ଏହି ଯୋଜନା ସଂପୂର୍ଣ୍ଣ ରୂପେ କାର୍ଯ୍ୟକାରୀ ହୋଇପାରିଲା ନାହିଁ। ଆପୋଲୋ ମିଶନ ବନ୍ଦ ହେବାର ପ୍ରାୟ ଅର୍ଦ୍ଧ ଶତାବ୍ଦୀ ପରେ ଆମେରିକା ସରକାର ଏବଂ ନାସା, ଚନ୍ଦ୍ର ପୃଷ୍ଠକୁ ଫେରିବା ପାଇଁ ଦାବି କରୁଛନ୍ତି ଓ ଚେଷ୍ଟା ମଧ୍ୟ କରୁଛନ୍ତି। ଏଭଳି ପରିସ୍ଥିତିରେ ଏହି ନୂଆ ରହସ୍ୟ ବିଷୟରେ ପ୍ରଶ୍ନ ଉଠାଇବା ସାଧାରଣ କଥା।କିନ୍ତୁ ବର୍ତ୍ତମାନ ଏହି ବିଷୟରେ ଚର୍ଚ୍ଚା ହୋଇପାରେ ଯେ କ’ଣ ପ୍ରକୃତରେ ପରମାଣୁ ବିସ୍ଫୋରଣ ବ୍ୟବହାର କରି ପ୍ରଥମେ ଚନ୍ଦ୍ରରେ ଓ ପରେ ଚନ୍ଦ୍ରକୁ ସୁଡ଼ଙ୍ଗ କରିବା ପାଇଁ ଚାହୁଁଥିଲା ଆମେରିକା।