ସାରା ଦିନରେ ଏହି ୫ ମନ୍ତ୍ରର ଜପ ଦ୍ୱାରା ଜୀବନରେ ଖୁସି ଓ ସମୃଦ୍ଧି ବଜାୟ ରହିଥାଏ
ଆମ ଶାସ୍ତ୍ରରେ ଏମିତି କିଛି କଥା କୁହାଯାଇଛି ଯାହାକୁ ପାଳନ କଲେ ମନୁଷ୍ୟ ଜୀବନରେ ଖୁସିରେ ଭରି ଯାଇଥାଏ । ଧର୍ମ ଗ୍ରନ୍ଥରେ ଏମିତି କୁହାଯାଇଛି ଯେଉଁ ବ୍ୟକ୍ତି ଶୁଭ ମୁହୂର୍ତ୍ତରେ ଉଠିଥାନ୍ତି ଓ ରାତିରେ ଠିକ୍ ସମୟରେ ଶୋଇଥାନ୍ତି, ତାଙ୍କ ଜୀବନରେ ସୁଖ ଶାନ୍ତି ସର୍ବଦା ଲାଗି ରହିଥାଏ । କୁହାଯାଏ ସାରା ଦିନରେ ଏହି ୫ ମନ୍ତ୍ର ଜପ କଲେ ଜୀବନରେ ସୁଖ ସମୃଦ୍ଧି ବଜାୟ ରହିଥାଏ ।
କର ଦର୍ଶନ ମନ୍ତ୍ର :
ସକାଳେ ମନୁଷ୍ୟ ଉଠିବା ପରେ ସର୍ବ ପ୍ରଥମେ ନିଜର ଦୁଇ ପାପୁଲିକୁ ଯୋଡି କରି ଦର୍ଶନ କରିବା ଉଚିତ୍ । ଦର୍ଶନ ସମୟରେ ଏହି ମନ୍ତ୍ର ଜପ କରିବା ଉଚିତ୍ । ଏଥିରେ ସୁଖ ସମୃଦ୍ଧି କେବେ କମ ହେବ ନାହିଁ ।
‘କରାଗ୍ରେ ବସତି ଲକ୍ଷ୍ମୀଃ କରମଧ୍ୟେ ସରସ୍ୱତୀ ।
କରମୂଳେ ତୁ ଗୋବିନ୍ଦଃ ପ୍ରଭାତେ କରଦର୍ଶନମ୍ ।।
ସ୍ନାନ ମନ୍ତ୍ର :
ସ୍ନାନ କରିବା ସମୟରେ ମଧ୍ୟ ତଳେ ଦିଆଯାଇଥିବା ମନ୍ତ୍ର ଜପ କରନ୍ତୁ । କୁହାଯାଏ ଏହି ମନ୍ତ୍ର ମାଧ୍ୟମରେ ଗଙ୍ଗା,ଯମୁନା, ନର୍ମଦା,ସିନ୍ଧୁ,ଗୋଦାବରୀ,ସରସ୍ୱତୀ, କାବେରୀ ନଦୀଙ୍କୁ ସ୍ମରଣ କରିବା ଉଚିତ୍ ।
ଗଙ୍ଗେ ଚ ଯମୁନେ ଚୈବ ଗୋଦାବରୀ ସରସ୍ୱତୀ ।
ନର୍ମଦା ସିନ୍ଧୁ କାବେରୀ ଜଳେସ୍ମିନସନ୍ନିଧିଂ କରୁ ।।
ସୂର୍ଯ୍ୟ ମନ୍ତ୍ର :
ସକାଳେ ସ୍ନାନ ପରେ ସୂର୍ଯ୍ୟଙ୍କୁ ଜଳ ଅର୍ପଣ କରନ୍ତୁ । ଜଳ ଅର୍ପଣ କରିବା ସମୟରେ ‘ ଓଁ ସୂର୍ଯ୍ୟାୟ ନମଃ’ ଜପ କରନ୍ତୁ । ଏହି ମନ୍ତ୍ର ଅତି କମରେ ୧୧, ୨୧ ବା ୧୦୮ ଥର ଜପ କରନ୍ତୁ ।
ଭୋଜନ ମନ୍ତ୍ର :
ଭୋଜନ ସମୟରେ ଭୋଜନକୁ ସମ୍ମାନ କରିବାର କଥା କୁହାଯାଇଛି । କୁହାଯାଏ କେବେ ବି ବ୍ୟକ୍ତିକୁ ଅନ୍ନର ଅପମାନ କରିବା କଥା ନୁହେଁ । ଭୋଜନ କରିବା ପୂର୍ବରୁ ଭୋଜନ ମନ୍ତ୍ର ପାଠ କରନ୍ତୁ ।
ଶୟନ ମନ୍ତ୍ର :
ରାତିରେ ଶୋଇବା ପୂର୍ବରୁ ଏହି ମନ୍ତ୍ର ଜପ ଅବଶ୍ୟ କରନ୍ତୁ ।
‘ଜଳେ ରକ୍ଷତୁ ବାରାହଃ ସ୍ଥଳେ ରକ୍ଷତୁ ବାମନଃ ।
ଅଟବ୍ୟାଂ ନାରସିଂହଶ୍ଚ ସର୍ବତଃ ପାତୁ କେଶବଃ ।।
