ଘାସ ଖାଇବା ପାଇଁ ଜିରାଫ କଲା ଏମିତି ଯୋଗାଡ଼, Video ଦେଖିଲେ ଆପଣ ବି ହସି ହସି ଗଡ଼ିଯିବେ
ଉଚ୍ଚତା ଦେଖିଲେ ଜିରାଫଠାରୁ ବୋଧହୁଏ କେହି ବଡ଼ ପ୍ରାଣୀ ନାହାନ୍ତି। କିନ୍ତୁ ଯେତେବେଳେ ଘାସ ଚରିବା କଥା ଆସିଥାଏ, ସେତେବେଳେ ଏହି ଲମ୍ବା ପ୍ରାଣୀକୁ ବି ମୁଣ୍ଡ ନୁଆଁଇବାକୁ ପଡ଼ିଥାଏ। ଆପଣ କେବେ ଜିରାଫକୁ ଘାସ ଚାରୁଥିବାର ଦେଖିଛନ୍ତି? ଏବେ ସୋସିଆଲ ମିଡିଆରେ ଏକ ଜିରାଫ ଘାସ ଚାରୁଥିବାର ଭିଡ଼ିଓ ଖୁବ ଭାଇରଲ ହେବାରେ ଲାଗିଛି।
ଭିଡ଼ିଓଟିକୁ ଦେଖିଲେ ଆପଣ କିଛି ସମୟ ଭ୍ରମରେ ପଡ଼ିଯିବେ। ସତରେ ଜିରାଫଟି ଘାସ ଚରୁଛି ନା ୱାର୍କଆଉଟ କରୁଛି। କିନ୍ତୁ ଏହା ସତ ଯେ ଜିରାଫ ଘାସ ଚରୁଛି। ଆଉ ତାହା ବି ଖୁବ ମଜାରେ। ଜିରାଫର ଏହି ମଜାଦାର ଘାସ ଚରା ଭିଡ଼ିଓକୁ ଏ ପର୍ଯ୍ୟନ୍ତ ୬୦ ଲକ୍ଷରୁ ଅଧିକ ଥର ଦେଖାଯାଇସାରିଲାଣି।
ଏହି ଭିଡ଼ିଓକୁ ଟୁଇଟର ୟୁଜର @DannyDutch ସେୟାର କରିଛନ୍ତି। ସେ ଏହାର କ୍ୟାପସନ ଲେଖିଛନ୍ତି, ‘ମୁଁ ପୂର୍ବରୁ କେବେ ଭାବି ନ ଥିଲି କି ପ୍ରକୃତରେ ଜିରାଫ କେମିତି ଘାସ ଚରିଥାଏ। କିନ୍ତୁ ଏହା ଦେଖିବାକୁ ବହୁତ ମଜା ଲାଗିଲା’। ଏହାକୁ ୪୧ ହଜାର ରିଟୁଇଟ ଏବଂ ୧ ଲକ୍ଷ ୮୦ ହଜାରରୁ ଅଧିକ ପ୍ରତିକ୍ରିୟା ମିଳିଛି।
I’ve never wondered how a Giraffe eats grass before, but this is majestic! pic.twitter.com/9pjbTugdKm
— Daniel Holland (@DannyDutch) October 12, 2020
