ପଛ ପଟୁ ବୃଦ୍ଧାଙ୍କୁ ଅକସ୍ମାତ ଆକ୍ରମଣ କଲା ଚିତା , କିନ୍ତୁ ବାଘ ସହ ଲଢେଇ କରି ମରଣ ମୁହଁରୁ ରକ୍ଷା ପାଇଲେ
ବାଘ-ବୃଦ୍ଧା ମୁହିଁମୁହିଁ । ବୃଦ୍ଧାଙ୍କ ସାହସ ଓ ଉପସ୍ଥିତ ବୁଦ୍ଧି ଆଗରେ ହାର ମାନିଲା ଏକ ଚିତାବାଘ । ନିଜ ଆଶାବାଡି ସାହାଯ୍ୟରେ ଚିତା ବାଘକୁ ପାଣି ପିଆଇଲେ ବୃଦ୍ଧା ଜଣଙ୍କ । ଘଟଣାର ସମ୍ପୂର୍ଣ୍ଣ ଭିଜୁଆଲ ସିସିଟିଭିରେ କଏଦ ହୋଇଛି । ମୁମ୍ବାଇ ଗୋରେଗାଓଁ ଅଞ୍ଚଳରେ ଏହି ଭିଡିଓଟିକୁ ଯିଏ ଦେଖୁଛନ୍ତି ବୃଦ୍ଧାଙ୍କ ତାରିଫ ନକରି ରହି ପାରୁନାହାନ୍ତି । ପିଲାଠୁ ବୁଢା ସମସ୍ତେ କାବା ହୋଇଯାଉଛନ୍ତି । ସାହାସି ତଥା ନିର୍ଭିକ ବୃଦ୍ଧାଙ୍କର ସମସ୍ତେ ପ୍ରଶଂସା କରୁଛନ୍ତି । ଘଟଣାଟି ପ୍ରକୃତରେ ଘଟିଥିଲା ଏହିପରି । ମୁମ୍ବାଇର ଗୋରେଗାଓଁ ସ୍ଥିତ ଆରେ ମିଳ୍କ କଲୋନୀ ଅଞ୍ଚଳରେ ବୁଧବାର ସନ୍ଧ୍ୟା ସମୟରେ ବୃଦ୍ଧାଜଣଙ୍କ ନିଜ ଘର ଅଗଣାରେ ବସିଥିଲେ । ବୃଦ୍ଧା ଜଣଙ୍କ ବୟସ ପାଖାପାଖି ୫୫ ବର୍ଷ ହେବ । ଏହି ସମୟରେ ତାଙ୍କ ପଛ ପଟରୁ ଏକ କଲରା ପତରିଆ ବାଘ ମାଡିଆସିଲା ଓ ଝାମ୍ପ ମାରିଥିଲା । ଆଉ ବୃଦ୍ଧା ଜଣଙ୍କୁ ଏକାକି ଦେଖି ତାଙ୍କ ଉପରେ ମରଣାନ୍ତକ ଆକ୍ରମଣ କରିଥିଲା ।
*Viewers discretion advised*
Scary visuals of a woman being attacked by a leopard in Aarey colony today. The woman is safe and undergoing treatment. This happened near Aarey dairy.. pic.twitter.com/zTyoVzJ2HQ
— sohit mishra (@sohitmishra99) September 29, 2021
ନିଜ ତୀଖାନା ନଖ ମୁନରେ ତାଙ୍କ ବେକ, ଗାଲ, କାନ୍ଧ ଆଦି ସ୍ଥାନକୁ ରକ୍ତାକ୍ତ କରିଦେଇଥିଲା । କିନ୍ତୁ ଏହି ସମୟରେ ବୃଦ୍ଧା ଆଦୌ ବି ଭୟଭୀତ ନହୋଇ ପ୍ରତି ଆକ୍ରମଣ କରିଥିଲେ । ନିଜେ ଧରିଥିବା ବଙ୍କୁଲି ବାଡ଼ିରେ ବାଘଟିକୁ ବାଡେଇ ବାଡେଇ ଘଉଡ଼ାଇ ଦେଲେ । ଆଉ ବୃଦ୍ଧାଙ୍କ ଚିତ୍କାରରେ ବାଘଟି ସ୍ଥାନ ଛାଡ଼ି ଧାଇଁ ପଳେଇଥିଲା । ମହିଳା ଜଣକ ଆହତ ହୋଇ ହସ୍ପିଟାଲରେ ଭର୍ତ୍ତି ହୋଇଛନ୍ତି । ତାଙ୍କ ସ୍ୱାସ୍ଥ୍ୟବସ୍ଥା ଭଲଥିବା ନେଇ ତାଙ୍କୁ ଚିକିତ୍ସା କରୁଥିବା ଡାକ୍ତର କହିଛନ୍ତି । କହିରଖିବା ଉଚିତ ହେବକି ଗତ ୩ ଦିନ ଭିତରେ ଏହା ହେଉଛି ଦ୍ଵିତୀୟ ବାଘ ଆକ୍ରମଣ । ରବିବାର ଏକ ଚାରି ବର୍ଷର ପିଲା ବାଘ ଆକ୍ରମଣର ଶିକାର ହୋଇଥିବା ବେଳେ ତାଙ୍କ ଦାଦାଙ୍କ ଉପଯୁକ୍ତ ବୁଦ୍ଧି ଯୋଗୁଁ ରକ୍ଷା ପାଇଯାଇଥିଲା ।
