ଏହି ଖବରଟି ଏମିତି ଯାହା ପଢିଲେ ଆପଣ ଚମକି ପଡିବେ ଆଉ ଭାବିବେ ଏହା କଣ ସତ ? ଏକ ମା ନିଜ ତିନି ବର୍ଷର ଛୋଟ ଛୁଆକୁ ଏକୁଟିଆ ଛାଡି ନିଜ ବଏଫ୍ରେଣ୍ଡକୁ ଭେଟିବା ପାଇଁ ଚାଲିଗଲେ । ଏକ ସପ୍ତାହରୁ ଅଧିକ ସମୟ ସେ ବୁଲାବୁଲି କରି ଘରକୁ ଫେରିବା ପରେ ଯାହା ଦେଖିଲେ ତାହା ଶୁଣିଲେ ଆପଣଙ୍କ ଆଖିରେ ବି ଲୁହ ଆସିଯିବ । ସେ ଦେଖିଲେ ଛୁଆଟି ଅନେକ ଦିନ ପର୍ଯ୍ୟନ୍ତ ଭୋକରେ ଆଉଟୁ ପାଉଟୁ ହୋଇ ଶେଷରେ ମରିଯାଇଛି ।
ସୂଚନା ଅନୁଯାୟୀ ଏଭଳି ଏକ ହୃଦୟ ବିଦାରକ ଘଟଣା ଘଟିଛି ଟୋକିଓରେ । ସାକି କାକେହାସି ନାମକ ଜଣେ ମହିଳା ନିଜର 3 ବର୍ଷୀୟ ଝିଅ ନୋଆକୁ ଘରେ ଏକୁଟିଆ ଛାଡି ବଏଫ୍ରେଣ୍ଡ କାଗୋସିମାଙ୍କ ସହିତ ବୁଲିବାକୁ ଚାଲି ଯାଇଥିଲେ । ଆଉ ସେଠାରୁ 8 ଦିନ ପରେ ଘରକୁ ଫେରିଥିଲେ । ଘରକୁ ଫେରି ମହିଳା ଜଣକ ଦେଖନ୍ତି ତ ନିଜ ଝିଅ ଘରେ ଗୁରୁତର ଅବସ୍ଥାରେ ପଡିଛି । ତାର ନିଶ୍ୱାସ ପ୍ରଶ୍ୱାସ ସେତେବେକାଳୁ ବନ୍ଦ ହୋଇଗଲାଣି । ଏହି ସମୟରେ ମହିଳା ଜଣକ ତାଙ୍କୁ ହସ୍ପିଟାଲ ନେଇ ଯାଇଥିଲା ଆଉ ଡାକ୍ତରସେଠାରେ ତାଙ୍କୁ ମୃତ ଘୋଷଣା କରିଥିଲେ ।
ପୋଷ୍ଟମର୍ଟମ ପରେ ଜଣାପଡିଥିଲା ଅନେକ ଦିନ ଧରି ପିଲାଟି ଭୋକ ଉପାସରେ ରହିଥିଲା । ଏମିତିକି ତାର ପେଟ ପୁରା ଖାଲିଥିଲା ଏବଂ ତାର ଶରୀରରେ ଟୋପାଏ ବି ପାଣି ନଥିଲା । ଏହିସବୁ କାରଣ ଯୋଗୁଁ ପିଲାଟିର ଜୀବନ ଚାଲି ଯାଇଥିଲା । ପିଲାଟିର ଅବସ୍ଥା ଏପରି ଥିଲା କି ତାର ଡାଇପର ମଧ୍ୟ ଅନେକ ଦିନ ପର୍ଯ୍ୟନ୍ତ ବଦଳା ଯାଇନଥିଲା । ମହିଳା ଜଣକ କହିଥିଲେ ଯେ ସେ କେବେ ବି ଭାବିନଥିଲେ ଯେ ତାଙ୍କ ଝିଅ ମରିଯାଇଥିବ ବୋଲି ବରଂ ସେ ଭାବିଥିଲେ ଯେ ଘରକୁ ଫେରିବା ପରେ ସବୁକିଛି ଠିକ ଥିବ ।
ସୂଚନା ଅନୁଯାୟୀ 2017 ମସିହା ଠାରୁ ସାକି କାକେହାସି ନିଜ ଝିଅକୁ ଧରି ଏକା ରହୁଥିଲେ । ବାରମ୍ବାର ତାଙ୍କ ଝିଅ ରୋଗାଗ୍ରସ୍ତ ହେଉଥିଲେ ମଧ୍ୟ ଦୀର୍ଘଦିନ ଧରି ସେ ନିଜ ତା’ର ଚେକଅପ ମଧ୍ୟ କରାଇ ନଥିଲେ । ତେବେ ଶେଷରେ ମହିଳା ଜଣକୁ ଗିରଫ କରାଯାଇଛି ଏବଂ ଘଟଣାର ତଦନ୍ତ ଚାଲିଛି ।