ହୁଇଲ ଚେୟାରରୁ ପଡିଯାଇଥିବା ବ୍ୟକ୍ତିଙ୍କୁ ସାହାଯ୍ୟ କରି ଘୋଡା ଜିତିନେଲା ଲୋକଙ୍କ ହୃଦୟ, ଦେଖନ୍ତୁ ଏହି ସୁନ୍ଦର୍ ଭିଡିଓ
ସୋସିଆଲ ମିଡ଼ିଆରେ ସବୁବେଳେ ଅନେକ ପ୍ରକାରର ଭିଡିଓ ଭାଇରାଲ୍ ହୋଇଥାଏ । ତେବେ ସେଥିମଧ୍ୟରୁ କିଛି ଭିଡିଓ ହୃଦୟକୁ ଛୁଇଁ ଯାଇଥାଏ । ନିକଟରେ ଏହିପରି ଏକ ଭିଡିଓ ସୋସିଆଲ ମିଡ଼ିଆରେ ଭାଇରାଲ୍ ହେବାରେ ଲାଗିଛି ଯେଉଁ ଭିଡ଼ିଓକୁ ଦେଖିବା ପରେ ଆପଣ ଘୋଡ଼ାଟିର ବୁଦ୍ଧିକୁ ତାରିଫ ନକରି ରହି ପାରିବେ ନାହିଁ ।
Animals can be compassionate too. Move over humans at times💕 pic.twitter.com/OJ7jozh0Rx
— Susanta Nanda IFS (@susantananda3) April 12, 2020
ଏହି ଭିଡିଓରେ ଆପଣ ଦେଖି ପାରୁଥିବେ ଯେ ହୁଇଲ ଚେୟାରରେ ବସିଥିବା ଜଣେ ଲୋକ ଅଚାନକ଼୍ ରାସ୍ତାରେ ଯାଉ ଯାଉ ପଡି ଯାଇଛନ୍ତି । ଏହାପରେ ଘୋଡ଼ାଟି ଉକ୍ତ ବ୍ୟକ୍ତି ଜଣଙ୍କୁ ସାହାଯ୍ୟ କରିବା ପାଇଁ ତାଙ୍କ ପାଖରେ ପହଞ୍ଚୁଛି । କେବଳ ସେତିକି ନୂହେଁ ଅନେକ ପରିଶ୍ରମ ପରେ ଘୋଡ଼ାଟି ବ୍ୟକ୍ତି ଜଣଙ୍କୁ ନିଜ ପିଠିରେ ବସାଇବାରେ ସଫଳ ହେଉଛି । ତେବେ ଏହି ଭିଡ଼ିଓକୁ IFS ଅଫିସର ସୁଶାନ୍ତ ନନ୍ଦ ନିଜ ଟ୍ୱିଟର ଆକାଉଣ୍ଟରେ ସେୟାର କରିଥିଲେ ଏବଂ କ୍ୟାପ୍ସନରେ ଲେଖିଥିଲେ “ପଶୁମାନେ ମଧ୍ୟ ଦୟାଳୁ ହୋଇଥାନ୍ତି” । ଏହି ଭିଡିଓଟି ବର୍ତ୍ତମାନ୍ ସୋସିଆଲ ମିଡ଼ିଆରେ ଭାଇରାଲ୍ ହେବାରେ ଲାଗିଛି ଏବଂ ଲୋକମାନେ ଏହାକୁ ଖୁବ୍ ପସନ୍ଦ କରୁଥିବା ଦେଖିବାକୁ ମିଳିଛି ।
