ଏହି ଗାଁର ଲୋକମାନେ ତିଆରି କରିଛନ୍ତି କୃତିମ ସୂର୍ଯ୍ୟ, ଜାଣନ୍ତୁ କିଭଳି କଲେ ଏତେ ବଡ କାମ
ଦୁନିଆରେ ଏପରି ମଧ୍ୟ ସ୍ଥାନ ରହିଛି ଯେଉଁଠାରେ ଅନେକ ଦିନ ପର୍ଯ୍ୟନ୍ତ ସୂର୍ଯ୍ୟକିରଣ ପହଞ୍ଚେ ନାହିଁ । ସେହିଭଳି ଭାବେ ଏବେ ଏହିପରି ଗୋଟିଏ ଗାଁର ରହିଛି ଯେଉଁଠାରେ ଲୋକମାନେ ଅନେକ ଦିନ ପର୍ଯ୍ୟନ୍ତ ସୂର୍ଯ୍ୟ କିରଣ ପାଇନଥିଲେ, ସେତେବେଳେ ଗ୍ରାମବାସୀ ଏହାର ସମାଧାନ ଖୋଜିଥିଲେ । ଏବଂ ଏହି ଗାଁର ଲୋକମାନେ ନିଜର ସୂର୍ଯ୍ୟ ତିଆରି କରିଥିଲେ ।
ଦୁନିଆରେ ଏପରି ମଧ୍ୟ ସ୍ଥାନ ରହିଛି ଯେଉଁଠାରେ ଅନେକ ଦିନ ପର୍ଯ୍ୟନ୍ତ ସୂର୍ଯ୍ୟକିରଣ ପହଞ୍ଚେ ନାହିଁ । ସେହିଭଳି ଭାବେ ଗୋଟିଏ ଗାଁ ରହିଛି ଯେଉଁଠାରେ ଲୋକମାନେ ଅନେକ ଦିନ ପର୍ଯ୍ୟନ୍ତ ସୂର୍ଯ୍ୟ କିରଣ ପାଇନଥାନ୍ତି, ସେତେବେଳେ ଗ୍ରାମବାସୀ ଏହାର ସମାଧାନ ଖୋଜିଥିଲେ । ଏହି ଗ୍ରାମ ଇଟାଲୀରେ ଅବସ୍ଥିତ ଯେଉଁଠାରେ ଗ୍ରାମବାସୀ ନିଜ ଗାଁ ପାଇଁ ସୂର୍ଯ୍ୟ ନିର୍ମାଣ କରିଛନ୍ତି । ଏହି ଗାଁର ଲୋକମାନେ ନିଜର କୃତ୍ରିମ ସୂର୍ଯ୍ୟ ତିଆରି କରିଛନ୍ତି । ବାସ୍ତବରେ, ଇଟାଲୀର ଏହି ଗାଁରେ ସୂର୍ଯ୍ୟ ତ ଉଦୟ ହେଉଥିଲେ, କିନ୍ତୁ କେତେକ ସ୍ଥାନରେ ଅନେକ ଦିନ ପର୍ଯ୍ୟନ୍ତ ସୂର୍ଯ୍ୟକିରଣ ପହଞ୍ଚି ନଥିଲା । ଏହି କାରଣରୁ ଗାଁର ଲୋକମାନେ ଖୁବ ଚିନ୍ତିତ ରହିଲେ । ଏବେ ଏହି ଲୋକମାନେ ଏପରି ସମାଧାନର ବାଟ ବାହାର କରିଛନ୍ତି ଯେ ଯାହା ଏଭଳି ମଧ୍ୟ କୁହାଯାଇପାରେ ଯେ ସେମାନେ ନିଜର ସୂର୍ଯ୍ୟ ସୃଷ୍ଟି କରିଛନ୍ତି ।
ଏହା ହେଉଛି ଭିଗ୍ନେଲା ଗାଁ ଯାହା ସ୍ୱିଜରଲ୍ୟାଣ୍ଡ ଏବଂ ଇଟାଲୀ ମଧ୍ୟରେ ଅବସ୍ଥିତ । ୧୧ ନଭେମ୍ବରରୁ ୨ ଫେବୃଆରୀ ମଧ୍ୟରେ ଏଠାରେ ବହୁତ କମ୍ ସୂର୍ଯ୍ୟ କିରଣ ପହଞ୍ଚିଥାଏ । ପର୍ବତ ମଧ୍ୟରେ ଅବସ୍ଥିତ ଭିଗ୍ନେଲା ଗ୍ରାମ ଅଢେଇ ମାସ ପର୍ଯ୍ୟନ୍ତ ପ୍ରତ୍ୟକ୍ଷ ସୂର୍ଯ୍ୟ କିରଣ ପାଇପାରେ ନାହିଁ । ନଭେମ୍ବର ୧୧ ରୁ ଫେବୃଆରୀ ୨ ମଧ୍ୟରେ ଏଠାରେ ସୂର୍ଯ୍ୟ ଦୃଶ୍ୟମାନ ହୁଅନ୍ତି ନାହିଁ । ଏହି ଗାଁର ମୋଟ ଜନସଂଖ୍ୟା ୨୦୦ । ତେବେ ଏହି ଧାରା ଶତାବ୍ଦୀ ଧରି ଚାଲିଆସୁଛି । ୨୦୦୫ ମସିହାରେ ଭିଗ୍ନେଲା ମେୟର ପିଅରଫ୍ରାଙ୍କୋ ମିଡାଲିଙ୍କ ସହାୟତାରେ ପ୍ରାୟ ୧ କୋଟି ଟଙ୍କା ସଂଗ୍ରହ କରାଯାଇଥିଲା । ଏହା ପରେ ଗାଁ ସମ୍ମୁଖ ପାହାଡ ଉପରେ ଏକ ବହୁତ ବଡ ଦର୍ପଣ ଲଗାଯାଇଥିଲା ।
ନଭେମ୍ବର ୨୦୦୬ ସୁଦ୍ଧା ଗ୍ରାମବାସୀ ୧୧୦୦ ମିଟର ଉଚ୍ଚତାରେ ଅବସ୍ଥିତ ୪୦ ବର୍ଗ ମିଟର ଦର୍ପଣ ଲଗାଇଥିଲେ । ଏହାପରେ ଗାଁ ଆଡକୁ ପ୍ରତିଫଳିତ ହୋଇଥିବା ଗ୍ଲାସ ଉପରେ ସୂର୍ଯ୍ୟକିରଣ ପଡ଼ିଲା । ଗ୍ଲାସର ବଡ଼ ଆକାର ହେତୁ ଡିସେମ୍ବର ୨୦୦୬ ରେ ପ୍ରଥମ ଥର ପାଇଁ ସମଗ୍ର ଗାଁ ସୂର୍ଯ୍ୟାଲୋକ ପାଇପାରିଥିଲା । ଦର୍ପଣର କୋଣ ଏପରି ଭାବରେ ସ୍ଥାପିତ ହୋଇଥିଲା ଯେ ସୂର୍ଯ୍ୟାଲୋକ ଗାଁର ଚର୍ଚ୍ଚ ସମ୍ମୁଖରେ ଥିବା ଛକ ନିକଟରେ ପହଞ୍ଚିଥିଲା । ଏହା ଏକ କମ୍ପ୍ୟୁଟରାଇଜଡ଼ ଦର୍ପଣ, ଯାହା ସୂର୍ଯ୍ୟର ଗତିକୁ ଅନୁସରଣ କରେ ଏବଂ ଦିନସାରା ସୂର୍ଯ୍ୟଙ୍କ ଗତି ସହିତ ଘୁରିଥାଏ । ଏହି ଦର୍ପଣ ଗାଁର ଏକ ଅଞ୍ଚଳକୁ ପ୍ରାୟ ୬ ଘଣ୍ଟା ପର୍ଯ୍ୟନ୍ତ ଆଲୋକ ପ୍ରଦାନ କରିଥାଏ ।
