ପଞ୍ଜାବ…ପାଞ୍ଚଟି ନଦୀ, କ୍ଷୀର, ଦହି, ପଞ୍ଜାବୀ ଗୀତ, ଅସ୍ତ୍ରଶସ୍ତ୍ର ଏବଂ ସବୁଠାରୁ ବିପଦପୂର୍ଣ୍ଣ ଜିନିଷ ନିଶା। ନିଶା ଦ୍ରବ୍ୟ ପଞ୍ଜାବକୁ ଦିନକୁ ଦିନ ଖୋଳ କରିଦେଉଛି। ପଞ୍ଜାବରେ ନିଶା ମାୟା ଜାଲରେ ଯୁବଗୋଷ୍ଠୀ। ଦିନକୁ ଦିନ ଏଠାରେ ଡ୍ରଗ୍ସ ଚୋରା ଚାଲାଣ ବଢିବା ସହିତ ନାନାପ୍ରକାର ଅପରାଧ ବୃଦ୍ଧି ପାଇବାରେ ଲାଗିଛି। ଏକଥା କାହାକୁ ଅଛପା ନାହିଁ।
ଏ ନେଇ ସଚେତନତା ସୃଷ୍ଟି କରିବା ଲାଗି ୭୫ ବର୍ଷ ବୟସ ବୃଦ୍ଧି ନିହାଙ୍ଗ ସିଂ ଏକ ନିଆରା ପଦକ୍ଷେପ ଗ୍ରହଣ କରିଛନ୍ତି। ଯାହା ସମସ୍ତଙ୍କ ପାଇଁ ପ୍ରେରଣା ଯୋଗାଇବ। ସେ ୧୦ ଟନ ଓଜନର ଏକ ଟ୍ରକକୁ କାନ୍ଧରେ ଦଉଡି ଲଗାଇ ଟାଣିଛନ୍ତି। ସେ ସାକ୍ଷାତକାରରେ କହିଛନ୍ତି ଯେ, ମୁଁ ଯଦି ଏତେ ବୟସରେ ଟ୍ରକ ଟାଣିପାରୁଛି, ତେବେ ଯୁବଗୋଷ୍ଠୀ କାହିଁକି ଡ୍ରଗ୍ସଠାରୁ ଦୂରେଇ ରହିପାରିବେ ନାହିଁ। ଇଚ୍ଛାଶକ୍ତି ଥିଲେ ସବୁ ସମ୍ଭବ ହେବ ବୋଲି ନିହାଙ୍ଗ କହିଛନ୍ତି।
Punjab: A 75-year-old man, Nihang Singh, pulled a truck in a bid to motivate youths to shun drug addiction, in Ludhiana yesterday. He said, “My message to youths is that if I can pull a truck, they can do anything. Please stay away from drugs and do not ruin your life.” pic.twitter.com/6RYdyA250M
— ANI (@ANI) August 13, 2020
ଡ୍ରଗ୍ସ କବଳରୁ ମୁକ୍ତି ପାଇବା ଲାଗି ଯୁବଗୋଷ୍ଠୀ ଦୃଢ ସଂକଳ୍ପ ନେଇ କାର୍ଯ୍ୟ କରିବା ଆବଶ୍ୟକ। ଡ୍ରଗ୍ସ ଦ୍ୱାରା ସେମାନଙ୍କର ଶରୀରର କ୍ଷତି ହେବା ସହିତ ତାଙ୍କର ପରିବାର, ରାଜ୍ୟ ତଥା ଦେଶର ମଧ୍ୟ କ୍ଷତି ହେଉଥିବା ନିହାଙ୍ଗ କହିଛନ୍ତି।