ଅନେକ ଥର ଦୁନିଆରେ ଏପରି ଚମତ୍କାର ଦେଖାଯାଏ ଯାହାକୁ ବିଜ୍ଞାନ ମଧ୍ୟ ବ୍ୟାଖ୍ୟା କରିପାରେ ନାହିଁ। ସୂଚନା ଅନୁଯାୟୀ ରୋମାନିଆରେ ଜନ୍ମିତ 18 ବର୍ଷ ବୟସ୍କା ଗାୟକ ବିୟାନ୍କା ମିହାଇ ଏବଂ ଦୁବାଇରେ ରହୁଥିବା ଫିଲିସ୍ତିନି-ସିରିଆଇ ମଡେଲ୍ 25 ବର୍ଷିୟ ଲାନା ଏଲ୍ ବାଇକ୍ ଙ୍କ କାହାଣୀ ମଧ୍ୟ ଠିକ ଏହିପରି । ଉଭୟେ ବିଭିନ୍ନ ଦେଶରେ ଜନ୍ମ ହୋଇଥିଲେ ମଧ୍ୟ ଦେଖିବାକୁ ଏକାପରି । ଉଭୟଙ୍କର ସମାନ ଚେହେରା ଯାହା ଦେଖିଲେ ସେମାନଙ୍କ ପରିବାର ସଦସ୍ୟ ମଧ୍ୟ ଚିହ୍ନି ପାରନ୍ତି ନାହିଁ ।
ସୂଚନା ଅନୁଯାୟୀ, ଲାନାଙ୍କ ଫଟୋଗ୍ରାଫର ବିୟାନ୍କାଙ୍କର ଏକ ଫଟୋ ଦେଖି ଆଶ୍ଚର୍ଯ୍ୟ ହୋଇଯାଇଥିଲେ । ଯେତେବେଳେ ସେ ଏହି ଫଟୋକୁ ଲାନାଙ୍କୁ ଦେଖାଇଲେ, ସେ ମଧ୍ୟ ଏହାକୁ ବିଶ୍ୱାସ କରିପାରିଲେ ନାହିଁ। ଲାନା ଦୁବାଇରେ ରୁହନ୍ତି ଏବଂ ସେ ବିୟାନ୍କାଙ୍କ ସହ ଯୋଗାଯୋଗ କରିଥିଲେ । ବିୟାନ୍କା କହିଛନ୍ତି ଯେ ଯେତେବେଳେ ସେ ଲାନାଙ୍କ ଫଟୋକୁ ତାଙ୍କ ବନ୍ଧୁ ଆଲେକ୍ସଜାଣ୍ଡାର୍ ଏବଂ ପିତାମାତାଙ୍କୁ ଦେଖାଇଥିଲେ, ସେତେବେଳେ ସେମାନେ ମଧ୍ୟ ଏହାକୁ ବିଶ୍ୱାସ କରିପାରିଲେ ନାହିଁ ।
ବିୟାନ୍କା କୁହନ୍ତି ଯେ ଯେତେବେଳେ ସେ ତାଙ୍କ ଜେଜେମା’ଙ୍କୁ ଲାନାର ଫଟୋ ଦେଖାଇଲେ ସେତେବେଳେ ସେ ପ୍ରଶ୍ନ କଲେ ତୁମେ କେବେ ଦୁବାଇ ଗଲ ଏବଂ ଏହି ଫଟୋ ଗୁଡିକ ତୁମେ କେବେ ନେଲ ? ପରେ ଯେତେବେଳେ ସେ ତାଙ୍କ ଜେଜେମାଙ୍କୁ ସତ କହିଥିଲେ ସେତେବେଳେ ଏହା ସମ୍ଭବ ବୋଲି ସେ ବିଶ୍ୱାସ କରିପାରିନଥିଲେ । ଲାନା କୁହନ୍ତି ଯେ ମୋ ମା’ ଇନଷ୍ଟାଗ୍ରାମରେ ବିୟାନ୍କାଙ୍କ ଗୀତର ଏକ ଭିଡିଓ ଦେଖି ମୋତେ ପଚାରିଥିଲେ ଯେ ତୁମେ କେବେ ଗୀତ ଗାଇବା ଆରମ୍ଭ କଲ ? ଏବଂ ସେ ବହୁତ କଷ୍ଟରେ ତାଙ୍କୁ ପ୍ରମାଣ କରାଇ ପାରିଲେ ଯେ ସେ ଅନ୍ୟ ଏକ ଝିଅ ।
ସୂଚନା ଅନୁଯାୟୀ ବିଆଙ୍କା ଜଣେ ଖ୍ରୀଷ୍ଟିଆନ ହୋଇଥିବାବେଳେ ଲାନା ମୁସଲମାନ । କିଛିଦିନ ତଳେ ଫ୍ରିଡମ୍ ଷ୍ଟେସନ୍ ନାମକ ଏକ ଏନଜିଓ ଦୁବାଇର ଏକ ସମୁଦ୍ର କୂଳରେ ଏହି ଦୁଇଜଣଙ୍କୁ ପରିଚିତ କରାଇବା ପାଇଁ କାର୍ଯ୍ୟ କରିଥିଲା । ଦୁହେଁ ପରସ୍ପରକୁ ଦେଖି ଅତ୍ୟନ୍ତ ଭାବପ୍ରବଣ ହୋଇଯାଇଥିଲେ । ବିୟାନ୍କାଙ୍କ କହିବା ଅନୁଯାୟୀ ଏହା ତାଙ୍କ ପାଇଁ ଏକ ଯାଦୁକରୀ ମୁହୂର୍ତ୍ତ ଥିଲା ।