ବିସିସିଆଇ ଜାରି କଲା ଖେଳାଳିଙ୍କ ବାର୍ଷିକ କଣ୍ଟ୍ରାକ୍ଟ ଲିଷ୍ଟ: ଜାଡେଜା, ହାର୍ଦ୍ଦିକଙ୍କୁ ମିଳିଲା ପଦୋନ୍ନତି, କେଏଲ ରାହୁଲଙ୍କୁ ଲାଗିଲା ବଡ ଝଟକା
ବିସିସିଆଇ ୨୦୨୨-୨୩ ପାଇଁ ଭାରତୀୟ କ୍ରିକେଟ ଖେଳାଳିଙ୍କ ବାର୍ଷିକ କଣ୍ଟ୍ରାକ୍ଟ ଲିଷ୍ଟ ଜାରି କରିଛି । ଅଲରାଉଣ୍ଡର ଜାଡେଜା ଏବଂ ହାର୍ଦ୍ଦିକ ପାଣ୍ଡ୍ୟାଙ୍କର ପଦୋନ୍ନତି ହୋଇଥିବା ବେଳେ କେଏଲ୍ ରାହୁଲ ତଳକୁ ଖସିଛନ୍ତି। ସେହିପରି ଈଶାନ୍ତ ଶର୍ମା ଏବଂ ଅଜିଙ୍କ୍ୟ ରାହାଣେ କଣ୍ଟ୍ରାକ୍ଟ ଲିଷ୍ଟରୁ ବାଦ୍ ପଡିଛନ୍ତି ।
ବିସିସିଆଇ ୨୦୨୨-୨୩ ସିଜନ ପାଇଁ ଟିମ୍ ଇଣ୍ଡିଆର ଖେଳାଳିଙ୍କ ବାର୍ଷିକ କଣ୍ଟ୍ରାକ୍ଟ ଲିଷ୍ଟ ଜାରି କରିଛି । ବର୍ଡର ଗାଭାସ୍କର ଟ୍ରଫିରେ ପ୍ଲେୟାର ଅଫ ଦି ସିରିଜ ବିବେଚିତ ହୋଇଥିବା ରବୀନ୍ଦ୍ର ଜାଦେଜାଙ୍କର ପ୍ରମୋସନ ହୋଇଛି । ତାଙ୍କୁ ଗ୍ରେଡ୍-ଏ ପ୍ଲସକୁ ପଦୋନ୍ନତି ମିଳିଛି। ଅକ୍ଷର ପଟେଲ ଗ୍ରେଡ୍-ଏକୁ ଉଠିଛନ୍ତି। ଖରାପ ଫର୍ମ କାରଣରୁ କେଏଲ୍ ରାହୁଲ ଗ୍ରେଡ୍-ବିକୁ ଖସିଯାଇଛନ୍ତି। ବିସିସିଆଇ କଣ୍ଟ୍ରାକ୍ଟ ଲିଷ୍ଟରେ ପାଖାପାଖି ୨୬ ଖେଳାଳିଙ୍କୁ ସ୍ଥାନ ଦେଇଛି । ଗ୍ରେଡ-ଏ ପ୍ଲସରେ ୪, ଏରେ ୫, ଗ୍ରେଡ ବିରେ ୬, ଗ୍ରେଡ ସିରେ ସବୁଠାରୁ ଅଧିକ ୧୧ ଜଣ ଖେଳାଳି ରହିଛନ୍ତି ।
ବିସିସିଆଇ କେନ୍ଦ୍ରୀୟ ଚୁକ୍ତି :
ଗ୍ରେଡ୍-୧+ (୭ କୋଟି): ରୋହିତ ଶର୍ମା, ବିରାଟ କୋହଲି, ଯଶପ୍ରୀତ ବୁମରା, ରବୀନ୍ଦ୍ର ଜାଡେଜା।
ଗ୍ରେଡ୍-ଏ (୫ କୋଟି): ହାର୍ଦ୍ଦିକ ପାଣ୍ଡ୍ୟା, ଆର୍ ଅଶ୍ବିନ, ମହମ୍ମଦ ସାମି, ଋଷଭ ପିନ୍ତ, ଅକ୍ଷର ପଟେଲ୍।
ଗ୍ରେଡ୍-ବି (୩ କୋଟି): ଚେତେଶ୍ବର ପୂଜାରା, କେଏଲ୍ ରାହୁଲ, ଶ୍ରେୟସ ଆୟର, ମହମ୍ମଦ ସିରାଜ, ସୂର୍ଯ୍ୟକୁମାର ଯାଦବ, ଶୁବମନ ଗିଲ୍।
ଗ୍ରେଡ୍-ସି (୧ କୋଟି): ଉମେଶ ଯାଦବ, ଶିଖର ଧୱନ, ଶାର୍ଦ୍ଦୁଳ ଠାକୁର, ଈଶାନ କିଶନ, ଦୀପକ ହୁଡ଼ା, ୟୁଝବେନ୍ଦ୍ର ଚହଲ, କୁଲଦୀପ ଯାଦବ, ୱାସିଂଟନ୍ ସୁନ୍ଦର, ସଞ୍ଜୁ ସାମସନ, ଅର୍ଶଦୀପ ସିଂହ, କେଏସ୍ ଭରତ।
NEWS 🚨- BCCI announces annual player retainership 2022-23 – Team India (Senior Men).
More details here – https://t.co/kjK4KxoDdK #TeamIndia
— BCCI (@BCCI) March 26, 2023
ଭୁବନେଶ୍ବର କୁମାର, ଅଜିଙ୍କ୍ୟ ରାହାଣେ, ଈଶାନ୍ତ ଶର୍ମାଙ୍କୁ କୌଣସି ଚୁକ୍ତିରେ ରଖାଯାଇନାହିଁ। ଫଳରେ ଏମାନଙ୍କ ଜାତୀୟ ଦାୟିତ୍ବ ଶେଷ ହୋଇଗଲା ବୋଲି ଧରିନେବାକୁ ପଡ଼ିବ। ଦୁର୍ଘଟଣାରେ ପଡ଼ି ଦଳଠାରୂ ଦୂରେଇ ରହିଥିବା ଋଷଭ ପନ୍ତ୍ କିନ୍ତୁ ଗ୍ରେଡ୍-ଏ ଚୁକ୍ତି ବଜାୟ ରଖିଛନ୍ତି।