ଭୁବନେଶ୍ୱର (କେ ନ୍ୟୁଜ୍) : ହକି ବିଶ୍ୱ କପ୍ର ଆଜି ତୃତୀୟ ମ୍ୟାଚ୍ରେ ପାକିସ୍ତାନକୁ ଶୋଚନୀୟ ଭାବେ ୫-୦ ଗୋଲ୍ରେ ପରାସ୍ତ କରି କ୍ୱାର୍ଟର ଫାଇନାଲ୍ରେ ପହଞ୍ଚିଛି ବେଲଜିୟମ ଦଳ । ଟୁର୍ଣ୍ଣାମେଣ୍ଟ ସାରା ଅତ୍ୟନ୍ତ ଖରାପ ପ୍ରଦର୍ଶନ କରି ବିଦାୟ ନେଇଛି ପାକିସ୍ତାନ ଦଳ । କ୍ୱାର୍ଟରଫାଇନାଲ୍ରେ ବେଲଜିୟମ୍ ଦଳ ଜର୍ମାନୀକୁ ଭେଟିବ ।
ଆଜିର ଏହି ପ୍ରଥମ ମ୍ୟାଚ୍ରେ ଆରମ୍ଭରୁ ଶେଷ ଯାଏ ବେଲଜିୟମ ପ୍ରଭାବ ବିସ୍ତାର କରି ଖେଳିବା ସହ ୫ଟି ଗୋଲ୍ ଦେଇଥିଲେ । ମଧ୍ୟାନ୍ତର ପୂର୍ବରୁ ୧୦ ଓ ୧୩ ମିନିଟ୍ରେ ଆଲେକଜାଣ୍ଡାର ହେଣ୍ଡରିକ୍ସ ଏବଂ ଥୋମାସ୍ ବ୍ରାଏଲ୍ସ ଗୋଲ୍ ସ୍କୋର କରିଥିଲେ । ପୁଣି ୨୭ ମିନିଟ୍ରେ ସେଡ୍ରିକ୍ ଚାର୍ଲିୟରଙ୍କ ଗୋଲ୍ ବଳରେ ବିରତି ବେଳକୁ ବେଲଜିୟମ ୩-୦ରେ ଆଗୁଆ ଥିଲା । ପରେ ୩୫ ମିନିଟ୍ରେ ସେବାଷ୍ଟିଆନ ଡକିୟର ଏବଂ ୫୩ ମିନିଟ୍ରେ ଟମ୍ ବୁନ୍ ପରବର୍ତ୍ତୀ ଦୁଇଟି ଗୋଲ୍ ସ୍କୋର କରି ବେଲଜିୟମକୁ ବଢ଼ିଆ ବିଜୟ ଆଣି ଦେଇଥିଲେ । ସାଇମନ୍ ଗଗନର୍ଡ଼ ମ୍ୟାଚ୍ର ଶ୍ରେଷ୍ଠ ଖେଳାଳି ବିବେଚିତ ହୋଇଥିଲେ । ଅନ୍ୟପକ୍ଷରେ ପାକିସ୍ତାନ କିଛି ଭଲ ଗୋଲ୍ ସୁଯୋଗ ସୃଷ୍ଟି କରିଥିଲେ ମଧ୍ୟ ତାକୁ ଗୋଲ୍ରେ ପରିଣତ କରି ପାରିନଥିଲା ।
🎥 | Victor Wegnez is quiet happy with the game’s result and the way they played. He’s hopeful they will be able to keep up the momentum for the quarters!#HWC2018 #Odisha2018 @BELRedLions pic.twitter.com/hfMmxF2ri1
— Hockey World Cup 2018 – Host Partner (@sports_odisha) December 11, 2018
ପରବର୍ତ୍ତୀ ମ୍ୟାଚ୍ ନେଦଲାଣ୍ଡସ୍ ଓ କାନାଡ଼ା ମଧ୍ୟରେ ୭ଟା ବେଳକୁ ଖେଲାଯିବ । ଏହି ମ୍ୟାଚ୍ର ବିଜେତା ୧୩ ତାରିଖ ଦିନ କ୍ୱାର୍ଟରଫାଇନାଲ୍ରେ ଆୟୋଜକ ଭାରତକୁ ଭେଟିବ ।