ହୋବାର୍ଟରେ ସାନିଆ ମିର୍ଜାଙ୍କ ଜୟ ହୋ, ପ୍ରତ୍ୟାବର୍ତ୍ତନ ପରେ ଜିତିଲେ ପ୍ରଥମ ଟାଇଟଲ୍
ହୋବାର୍ଟ : ଦମ୍ଦାର ପ୍ରଦର୍ଶନ କରି ସାନିଆ ମିର୍ଜା ତାଙ୍କ କମ୍ବ୍ୟାକ୍ ଟୁର୍ଣ୍ଣାମେଣ୍ଟରେ ଟାଇଟଲ୍ ହାସଲ କରିଛନ୍ତି । ଭାରତର ଟେନିସ୍ କୁଇନ୍ ସାନିଆ ୟୁକ୍ରେନ୍ର ନାଦିଆ କିଚେନୋକଙ୍କ ସହ ମିଶି ଏଠାରେ ମହିଳା ଡବଲ୍ସ ବର୍ଗରେ ଚାମ୍ପିଅନ୍ ହୋଇଛନ୍ତି । ଫାଇନାଲ୍ରେ ସାନିଆ ଓ ନାଦିଆଙ୍କ ଯୋଡ଼ି ୬-୪, ୬-୪ ସେଟ୍ରେ ଚୀନ୍ର ଝାଙ୍ଗ ସୁଆଇ ଓ ପେଙ୍ଗ ସୁଆଇଙ୍କ ଯୋଡ଼ିକୁ ହରାଇ ବିଜୟ ହାଲ କରିଛନ୍ତି । ଏହି ବିଜୟ ପାଇଁ ସେମାନଙ୍କ ୧ ଘଣ୍ଟା ୨୧ ମିନିଟ୍ ସମୟ ଲାଗିଥିଲା । ସାନିଆଙ୍କ କ୍ୟାରିୟର୍ର ଇଏ ହେଉଛି ୪୨ତମ ଡବ୍ଲ୍ୟୁଟିଏ ଟାଇଟଲ୍ ।
It was Kichenok and Mirza’s first win as a doubles pair and @MirzaSania’s first tournament back since leaving the sport in 2017 –> https://t.co/zSxgrN0Z8o pic.twitter.com/4YBlSsQozG
— WTA (@WTA) January 18, 2020
ମା ହେବ ପରେ ସେ ଏଠାରେ ପ୍ରଥମଥର ପ୍ରତିଯୋଗିତା ମୂଳକ ଟୁର୍ଣ୍ଣାମେଣ୍ଟରେ ଖେଳି ଏଭଳି ବଡ଼ ସଫଳତା ହାସଲ କରିଛନ୍ତି । ଏହି ଟୁର୍ଣ୍ଣାମେଣ୍ଟରେ ସାନିଆ ଓ ନାଦିଆ ଅଣସିଡେଡ୍ ଖେଳାଳିର ମାନ୍ୟତା ପାଇଥିଲେ । ତେବେ ସେମାନେ ଦୁଇ ନମ୍ବର ସିଡ୍ ଚୀନ୍ ଯୋଡ଼ିଙ୍କୁ ପରାସ୍ତ କରିଛନ୍ତି ।
ଆଗକୁ ଅଷ୍ଟ୍ରେଲିଆନ୍ ଓପନ୍ ଗ୍ରାଣ୍ଡସ୍ଲାମ୍ ଟୁର୍ଣ୍ଣାମେଣ୍ଟ ରହିଛି ଏବଂ ଚଳିତ ବର୍ଷ ଅଲିମ୍ପିକ୍ ମଧ୍ୟ ହେବ । ତା ପୂର୍ବରୁ ସାନିଆ ନିଜକୁ ପ୍ରସ୍ତୁତ କରି ନେଇଛନ୍ତି । ପାକିସ୍ତାନ କ୍ରିକେଟର୍ ସୋଏବ ମଲ୍ଲିକଙ୍କୁ ବିବାହ କରିଥିବା ୩୩ ବର୍ଷ ବୟସ୍କା ସାନିଆ ମା ହେବା ପାଇଁ ଗତ ୨୦୧୮ ଓ ୨୦୧୯ ଦୁଇ ବର୍ଷ ଧରି ଖେଳି ନଥିଲେ । ଏହି ବିଜୟ ପରେ ସାନିଆ କହିଛନ୍ତି ଏହାଠାରୁ ଆଉ ଭଲ କମ୍ବ୍ୟାକ କଣ ହୋଇ ପାରେ ।
ଦେଖନ୍ତୁ ତାଙ୍କ ପ୍ରତିକ୍ରିୟାର ଭିଡିଓ….
“I couldn’t have asked for a better comeback.”@MirzaSania | @HobartTennis pic.twitter.com/s3tZojPMSd
— WTA (@WTA) January 18, 2020
ସାନିଆ ନିଜ ପୁଅ ଇଝାନ୍କୁ କୋର୍ଟ ପାଖରେ ରଖି ଖେଳୁଥିଲେ । ଜିତିଲା ପରେ ପୁଅ ସହ ହାତ ମିଳାଉଥିଲେ । ତେଣୁ ନିଜ ବାପା ମା’ଙ୍କ ସହ ପୁଅ ଓ ସ୍ୱାମୀ ତାଙ୍କର ପ୍ରେରଣା ବୋଲି ସାନିଆ କହିଛନ୍ତି ।
Great rally from Nadiia Kichenok and @MirzaSania 🙌 #HobartTennis pic.twitter.com/vyBUpdu0Vx
— WTA (@WTA) January 18, 2020
