ଟିମ ଇଣ୍ଡିଆର ହେଡ଼ କୋଚ ରବି ଶାସ୍ତ୍ରୀ କରୋନା ପଜିଟିଭ ଚିହ୍ନଟ
ବର୍ତ୍ତମାନ ସମୟରେ ଇଂଲଣ୍ଡ ଗସ୍ତରେ ଥିବା ଟିମ ଇଣ୍ଡିଆକୁ ଏକ ବଡ଼ ଝଟକା ଲାଗିଛି । ଟିମ ଇଣ୍ଡିଆର ହେଡ଼ କୋଚ ରବି ଶାସ୍ତ୍ରୀ କରୋନା ପଜିଟିଭ ଚିହ୍ନଟ ହୋଇଛନ୍ତି । ରିପୋର୍ଟ ପଜିଟିଭ ଆସିବା ପରେ ରବି ଶାସ୍ତ୍ରୀ ଆଇସୋଲେସନରେ ଥିବା ଜଣାଯାଇଛି । ବର୍ତ୍ତମାନ ସମୟରେ ଇଣ୍ଡିଆ ଟିମ ପାଞ୍ଚ ମ୍ୟାଚ ବିଶିଷ୍ଟ ଟେଷ୍ଟ ସିରିଜ ପାଇଁ ଇଂଲଣ୍ଡ ଗସ୍ତରେ ଅଛନ୍ତି । ସିରିଜର ତିନି ମ୍ୟାଚ ଖେଳାଯାଇ ସାରିଲାଣି । ଆଜି ହେଉଛି ଟେଷ୍ଟ ମ୍ୟାଚର ଚତୁର୍ଥ ଦିନ । ଶାସ୍ତ୍ରୀଙ୍କ ବ୍ୟତୀତ ବୋଲିଙ୍ଗ କୋଚ ଭରତ ଅରୁଣ ଓ ସପୋର୍ଟ ଷ୍ଟାଫର ଅନ୍ୟ ଦୁଇ ଜଣ ସଦସ୍ୟ ବି ଆଇସୋଲେସନରେ ଥିବା ନେଇ ଖବର ଆସିଛି ।
ବିସିସିଆଇ ପକ୍ଷରୁ ଟ୍ୱିଟ ଜରିଆରେ ହିଁ ଏବାବଦରେ ସୂଚନା ଦିଆଯାଇଛି । ଟିମର ଅନ୍ୟ ସଦସ୍ୟ ମାନଙ୍କର ବି ଦୁଇଟି ଫ୍ଲୋ ଟେଷ୍ଟ କରାଯାଇଛି । ଗୋଟିଏ ଗତ ରାତିରେ କରାଯାଇଥିବା ବେଳେ ଆଜି ସକାଳେ ଅନ୍ୟଟି କରାଯାଇଛି । ଯେଉଁ ମାନଙ୍କର ରିପୋର୍ଟ ନେଗେଟିଭ ଆସିଛି ସେମାନଙ୍କୁ ଓଭାଲରେ ଖେଳିବାକୁ ଅନୁମତି ମିଳିଛି । ପାଞ୍ଚ ମ୍ୟାଚ ବିଶିଷ୍ଟ ଏହି ଟେଷ୍ଟ ସିରିଜ ଏବେ ୧-୧ ରେ ବରାବର ସ୍ଥିତିରେ ଅଛି । ପ୍ରଥମ ମ୍ୟାଚ ଟ୍ରେଣ୍ଡ ବ୍ରିଜରେ ଖେଳାଯାଇଥିବା ବେଳେ ଏହି ମ୍ୟାଚ ଡ୍ର ଥିଲା ।
