ବିଏମ୍ସି ଅପ୍ଡେଟ୍ : ଭୁବନେଶ୍ୱରରେ ରବିବାର ନୂଆ ସଂକ୍ରମିତଙ୍କ ସଂଖ୍ୟା ୧୫
ଭୁବନେଶ୍ୱର(କେନ୍ୟୁଜ୍) : କରୋନାର ଦ୍ୱିତୀୟ ଲହରି ଆରମ୍ଭ ହୋଇଯାଇଛି । ଦେଶର ବିଭିନ୍ନ ରାଜ୍ୟରେ ସଂକ୍ରମିତଙ୍କ ସଂଖ୍ୟାର ଦ୍ରୁତ ବୃଦ୍ଧକୁ ଲକ୍ଷ୍ୟ କରି ଲକ୍ଡାଉନ୍ ଆରମ୍ଭ ହୋଇଯାଇଛି । ସେହିପରି ଓଡ଼ିଶାରେ ମଧ୍ୟ କରୋନା କଡ଼ ଲେଉଟେଇଲାଣି । ଭୁବନେଶ୍ୱର ମ୍ୟୁନିସ୍ପାଲଟି (ବିଏମ୍ସି) ଅଞ୍ଚଳରେ ଆଜି ୨୧ ମାର୍ଚ୍ଚ ରବିବାର ୧୫ ସୁଦ୍ଧା ଗତ ୨୪ ଘଣ୍ଟା ମଧ୍ୟରେ ନୂଆ କରୋନା ସଂକ୍ରମିତ ଚିହ୍ନଟ ହୋଇଛନ୍ତି ।
Bhubaneswar Reports 15 Covid Positives In Last 24 Hrs, See Details #BMC #COVID19 #Odisha https://t.co/suWK7odbqy
— Kalinga TV (@Kalingatv) March 21, 2021
ରବିବାର ମୋଟ ରିକଭରି ସଂଖ୍ୟା ୧୭ ଥିବା ବେଳେ ଆକ୍ଟିଭ୍ କେସ୍ ୭୯ ବୋଲି ବିଏମ୍ସି ସୂତ୍ରରୁ ଜଣାପଡ଼ିଛି । ରବିବାର ସୁଦ୍ଧା ଗତ ୨୪ ଘଣ୍ଟା ମଧ୍ୟରେ ୧୫ ଲୋକାଲ କଣ୍ଟାକ୍ଟ କେସ୍ ମଧ୍ୟରୁ ବମିଖାଲ, ଜିଜିପି କଲୋନୀ, ନାଗେଶ୍ୱର ଟାଙ୍ଗୀ, ଓଲ୍ଡ ଟାଉନ,ସାମନ୍ତରାପୁର ଓ ରାଜଭବନ ଅଞ୍ଚଳରୁ ଜଣେ ଲେଖାଏଁ କରୋନା ସଂକ୍ରମିତ ଜଣାପଡ଼ିଥିବା ବେଳେ ପଟିଆ, କଳିଙ୍ଗନଗର ଓ ରସୁଲଗଡ଼ରୁ ୨ ଜଣ ଏବଂ ଶୈଳେଶ୍ରୀ ବିହାରରୁ ୩ ଜଣ କରୋନା ସଂକ୍ରମିତ ଜଣାପଡ଼ିଛନ୍ତି ବୋଲି ବିଏମ୍ସି ସୂତ୍ରରୁ ଜଣାପଡ଼ିଛି ।
