ମୟୂରଭଞ୍ଜ (କେନ୍ୟୁଜ): ପିଲା ଚୋରି ଓ ବିକ୍ରି ଅଭିଯୋଗରେ ୩ ଗିରଫ। ମହିଳାଙ୍କ ହାତରୁ ନବଜାତ ଶିଶୁକୁ ଛଡାଇନେଇ ବିକ୍ରି କରିଦେଇଥିବା ଅଭିଯୋଗ ହୋଇଛି । ଗତ ୨୨ ତାରିଖରେ ଝାରପୋଖରିଆ ଥାନା ଦାନାଦର ଗାଁର ପ୍ରଦୀପ ଦିଗାରଙ୍କ ପତ୍ନୀ ମାଳତୀଙ୍କ ଏକ ମାସର ଶିଶୁ ପୁତ୍ରଙ୍କୁ ସାରସକଣା ବଜାର ଅଞ୍ଚଳରୁ ତପନ ଦଣ୍ଡପାଟ ନାମକ ବ୍ୟକ୍ତି ଛଡାଇନେଇଥିଲେ।
ଏହା ସହିତ ଶିଶୁ ପୁତ୍ରକୁ ସେ ପ୍ରହ୍ଲାଦ ପ୍ରତିହାରୀ ଓ ଲିଜା ପ୍ରତିହାରୀଙ୍କୁ ୧୫୦୦ ଟଙ୍କାରେ ବିକ୍ରି କରିଦେଇଥିଲେ । ଏନେଇ ଝାରପୋଖରିଆ ଥାନାରେ ଅଭିଯୋଗ ପରେ ତପନ ସହ ଶିଶୁ ପୁତ୍ରକୁ କିଣିଥିବା ଦମ୍ପତ୍ତିଙ୍କୁ ଗିରଫ କରିଛି ପୋଲିସ। ୩ ଅଭିଯୁକ୍ତଙ୍କୁ କୋର୍ଟ ଚାଲାଣ କରିଯାଇଛି।