କେରଳ : କେରଳର ଇରୁଡ ଅଞ୍ଚଳରେ ଫସିଛନ୍ତି ୮ଜଣ ଓଡ଼ିଆ ଯୁବକ । ସୁନ୍ଦରଗଡ଼ ବିଶ୍ରା ବ୍ଲକର ୧୧ଜଣ ଯୁବକ କାମ କରିବା ପାଇଁ କେରଳ ଯାଇଥିଲେ । ଟଙ୍କା ଲୋଭ ଦେଖାଇ ଝାଡ଼ଖଣ୍ଡ ଅଞ୍ଚଳର ଅଶୋକ ନାମକ ଜଣେ ଦଲାଲ ତାଙ୍କୁ ଫୋନ ମାଧ୍ୟମରେ ଡାକିଥିଲେ । ମାସକୁ ଖାଇବା ପିଇବା ସହ ୧୦ହଜାର ଟଙ୍କା ଦେବେ ବୋଲି ପ୍ରତିଶ୍ରୁତି ଦେଇଥିଲେ । ହେଲେ ଷ୍ଟେସନରେ ପହଂଚିବା ପରେ ତାଙ୍କୁ ଅଲଗା ଅଲଗା କରି ଭିନ୍ନ ଭିନ୍ନ ଜାଗାକୁ ପଠାଯାଇଥିଲା। ସେଠାରେ ତାଙ୍କୁ ଦିଆଗଲା ନିର୍ୟାତନା । କୌଶଳ କ୍ରମେ ଖସିଆସିଲେ ୩ ଯୁବକ ।
କେରଳରେ ତାଙ୍କୁ ମାଡ଼ ମରାଯାଉଥିବା ଅଭିଯୋଗ ହୋଇଛି। ଯୁବକଙ୍କୁ ଫେରାଇ ଆଣିବାକୁ ରାଉରକେଲା ଉପଶ୍ରମ କମିଶନରଙ୍କ ଦ୍ୱାରସ୍ଥ ହୋଇଛନ୍ତି ପରିବାର। ସେମାନଙ୍କ ଖୁବଶୀଘ୍ର ଫେରାଇ ଅଣାଯିବ ବୋଲି ପ୍ରତିଶ୍ରୁତି ଦେଇଛନ୍ତି ଉପ ଶ୍ରମ ସଚିବ।