ବାଲେଶ୍ବର(କେନ୍ୟୁଜ୍): ଛାତ୍ରୀଙ୍କୁ ଅସଦାଚରଣ ଅଭିଯୋଗରେ ବାଲେଶ୍ଵର ସହରରେ ଥିବା ଆର୍ଟ ଆଣ୍ଡ କ୍ରାଫ୍ଟ କଲେଜର ପୂର୍ବତନ ଅଧ୍ୟାପକ ଶଶାଙ୍କ ଶେଖର ଦାସ ଗିରଫ। ଅଧ୍ୟାପକଙ୍କୁ କରିଛି ବାଲେଶ୍ଵର ସଦର ଥାନା ପୋଲିସ ।
ଛାତ୍ରୀଙ୍କ ସହ ଅନୈତିକ ସଂପର୍କର ଫଟୋ ଓ ଭିଡ଼ିଓ ଭାଇରାଲ ପରେ ବାଲେଶ୍ବର ସଦର ଥାନାରେ ଅଭିଯୋଗ କରିଥିଲେ ପୀଡ଼ିତା ନାବାଳିକାଙ୍କ ବାପା । ପରେ ଅଭିଯୋଗ କ୍ରମେ ତଦନ୍ତ କରି ଅଧ୍ୟାପକଙ୍କୁ ଗିରଫ କରିଛି ପୋଲିସ । ତେବେ ଉଭୟ ଛାତ୍ରୀ ଏବଂ ଅଧ୍ୟାପକଙ୍କୁ ଡାକ୍ତରୀ ମାଇନା ପାଇଁ ଜିଲ୍ଲା ମୁଖ୍ଯ ଡାକ୍ତରଖାନାକୁ ପଠାଯାଇ ଥିଲା ।
ଘଟଣା ଅନୁସାରେ ବାଲେଶ୍ଵରର ଆର୍ଟ ଆଣ୍ଡ କ୍ରାଫ୍ଟ କଲେଜରେ ଇତିହାସ ଅଧ୍ୟାପକ ଭାବରେ ଶଶାଙ୍କ ଶେଖର ଦାସ କାର୍ଯ୍ଯ କରୁଥିଲେ । ଭୋକେସନାଲ ଛାତ୍ରଛାତ୍ରୀଙ୍କୁ ପାଠ ପଢାଇବା ସହିତ କଲେଜର ଅନ୍ଯ ଛାତ୍ରଛାତ୍ରୀଙ୍କୁ ସେ ସବୁ ବିଷୟରେ ଟିଉସନ କରୁଥିଲେ । ତେବେ ସେ କଲେଜରେ ଅଧ୍ୟାପନା କରୁଥିବା ସମୟରେ ଜଣେ ନାବାଳିକା ଛାତ୍ରୀଙ୍କୁ ଘର କୁ ଡାକି ତାଙ୍କ ସହିତ ଅନୈତିକ ସଂପର୍କର ଭିଡିଓ ଭାଇରାଲ ହୋଇଥିଲା । ତେବେ ଶିକ୍ଷକ ଜଣକ ଛଅ ମାସ ପୂର୍ବରୁ କଲେଜରୁ ଇସ୍ତଫା ଦେଇସାରିଥିବା କଲେଜ ସୂତ୍ରରୁ ଜଣାପଡି ଥିବା ବେଳେ ଘଟଣାକୁ ନେଇ ବିଭିନ୍ନ ମହଲରୁ ନିନ୍ଦା କରାଯାଇଛି ।