କଟକ (କେନ୍ଯୁଜ୍) : ଆସନ୍ତା ୨୩ ତାରିଖ କାର୍ତ୍ତିକ ପୂର୍ଣ୍ଣିମାରୁ କଟକରେ ଐତିହାସିକ ବାଲିଯାତ୍ରା ଆରମ୍ଭ ହେବ । ମଝିରେ ଆଉ ଦିନ କେଇଟା ଥିବା ବେଳେ ବାଲିଯାତ୍ରା ପାଇଁ ପ୍ଲଟ ଆବଣ୍ଟନକୁ ନେଇ ବିବାଦ ତେଜୁଛି । ମୁହାଁମୁହିଁ ହୋଇଛନ୍ତି ପ୍ରଶାସନ ଓ ବ୍ୟବସାୟୀ ସଂଘ । ବାହାରି ପାରିନି ସମାଧାନର ବାଟ ।
ବାଲିଯାତ୍ରା ପଡ଼ିଆରେ ଲାଗିଥିବା ଷ୍ଟଲକୁ କାଢ଼ି ନେଉଛନ୍ତି ବ୍ୟବସାୟୀ । ଜଣେ ବ୍ୟକ୍ତିଙ୍କୁ କେବଳ ଗୋଟିଏ ପ୍ଲଟ ଆବଣ୍ଟନ, ପ୍ଲଟର ମୂଲ୍ୟ ବୃଦ୍ଧି ଓ ଦୋଳିରେ ଟେଣ୍ଡରିକରଣ ଆଦିକୁ ବାଲିଯାତ୍ରା ବ୍ୟବସାୟୀ ସଂଘ ବିରୋଧ କରିଛି । ସେଥିପାଇଁ ବାଲିଯାତ୍ରା ଉତ୍ସବକୁ ବର୍ଜନ କରିବାକୁ ସଂଘ ନିଷ୍ପତ୍ତି ନେଇଛି । ଅନ୍ୟ ସଂଘ ମଧ୍ୟ ଏହି ନିଷ୍ପତ୍ତିକୁ ସମର୍ଥନ କରିଛନ୍ତି । ଚଳିତ ବର୍ଷରୁ ୭ଦିନ ବଦଳରେ ୧୦ଦିନ ହେବ ବାଲିଯାତ୍ରା ହେଲେ ତା ପୂର୍ବରୁ ବାଲିଯାତ୍ରା ପ୍ଲଟ ଦର ବୃଦ୍ଧିକୁ ନେଇ ବିବାଦ ଦେଖାଦେଇଛି ।