ନିଆଳି(କେନ୍ଯୁଜ୍): ପୁଣି ଭାଙ୍ଗିଲା ପାନ ବରଜ ଓ ବିଦ୍ୟୁତ ଖୁଣ୍ଟ। ଗତକାଲି ରାତିରେ ହଠାତ୍ ମାଡ଼ି ଆସିଲା କାଳ ବୈଶାଖୀ। ହଠାତ୍ ମେଘ,ପବନ ଓ ଘଡଘଡି ଯୋଗୁ ଲୋକେ ଆତଙ୍କିତ ହୋଇଯାଇଥିଲେ। କାଳ ବୈଶାଖୀ କାରଣରୁ କଟକ ଜିଲ୍ଲା ନିଆଳି ବ୍ଲକ ଓ ଖୋର୍ଦ୍ଧା ଜିଲ୍ଲା ବାଲିପାଟଣା ବ୍ଲକ ଅଞ୍ଚଳରେ ପବନ ଯୋଗୁଁ ବ୍ୟାପକ ପାନବରଜ ଭାଙ୍ଗି ପକାଇଛି। ସେହିପରି ବିଦ୍ୟୁତ ଖୁଣ୍ଟ ମଧ୍ୟ ଭାଙ୍ଗି ପକାଇଛି। ବିଦ୍ୟୁତ ଖୁଣ୍ଟ ଭାଙ୍ଗି ପଡିଥିବା କାରଣରୁ ବିଦ୍ୟୁତ ସରବରାହ ବନ୍ଦ ରହିଛି।
ସୂଚନା ମୁତାବକ ନିଆଳି ବ୍ଲକର ନୂଆଗାଁ ପଞ୍ଚାୟତ ଓ ବାଲିପାଟଣା ବ୍ଲକର ଆମଣାକୁଦ ଓ ତୁରନ୍ତିରା ପଞ୍ଚାୟତରେ ବ୍ୟାପକ କ୍ଷୟକ୍ଷତି ହୋଇଥିବା ସୂଚନା ମିଳିଛି। ସେପଟେ କରୋନା ମାଡ଼ରେ ପାନଚାଷୀ ଅଭାବି ବିକ୍ରୀର ସମ୍ମୁଖୀନ ହେଉଛନ୍ତି, ଗତ କିଛି ଦିନ ତଳେ ଅମ୍ଫନ ଓ ଗତକାଲି କାଳ ବୈଶାଖୀ ପାନଚାଷୀଙ୍କୁ ସର୍ବଶାନ୍ତ କରିଦେଇଛି।