ଘୋଷଣା ହେଲା ବିଜୁ ଯୁବ ଓ ଛାତ୍ର ଜନତା ଦଳର ସଭାପତି ଓ ସାଧାରଣ ସମ୍ପାଦକଙ୍କ ନାମ, ଜାଣନ୍ତୁ କିଏ କିଏ ମନୋନୀତ ହୋଇଛନ୍ତି
କେନ୍ୟୁଜ୍(ବ୍ୟୁରୋ): ଘୋଷଣା ହେଲା ବିଜୁ ଯୁବ ଓ ଛାତ୍ର ଜନତା ଦଳର ସଭାପତି ଓ ସେକ୍ରେଟାରୀଙ୍କ ନାମ। ଆଜି ବିଜେଡିର ସୁପ୍ରିମୋ ନବୀନ ପଟ୍ଟନାୟକ ନୂଆ ଯୁବ ଓ ଛ୍ରାତ୍ର ଜନତା ଦଳର ସଭାପତି ,ସେକ୍ରେଟାରୀ ଓ ଜେନେରାଲ ସେକ୍ରେଟାରୀଙ୍କ ନାମକୁ ପ୍ରେସ ରିଲଜ ମାଧ୍ୟମରେ ଘୋଷଣା କରିଛନ୍ତି।
ବିଜୁ ଯୁବ ଜନତା ଦଳର କାର୍ଯ୍ୟକାରୀ ସଭାପତି ଭାବେ ଶୁଭେନ୍ଦୁ ମଙ୍ଗରାଜ ଓ ବାଲେଶ୍ବର ଜୋନରୁ ଜୟରାମ ଦାସ ମନୋନିତ ହୋଇଛନ୍ତି। ସେହଭଳି ସାଧାରଣ ସମ୍ପାଦକ ଭାବେ ତ୍ରୀଲୋଚନା ତରାଇ, ପ୍ରଦୀପ୍ତ ଭୂୟାଁ,ତାପସ ପାଣିଗ୍ରାହୀ ମନୋନୀତ ହୋଇଛନ୍ତି ଓ ସେକ୍ରେଟାରୀ ଭାବେ ରଶ୍ମୀରଞ୍ଜନ ଦାସ ମନୋନୀତ ହୋଇଛନ୍ତି। ସେହିପରି ଜଏଣ୍ଟ ସେକ୍ରେଟାରୀ ଭାବେ ରାଜେଶ କୁମାର ଭୂୟାଁଙ୍କୁ ମନୋନୀତ କରାଯାଇଛି।
ଏହାସହିତ ବାଲେଶ୍ବର ଓ ଜଗତସିଂହପୁରର ଜିଲ୍ଲା ସଭାପତିଙ୍କ ନାମ ଘୋଷଣା କରାଯାଇଛି। ବାଲେଶ୍ବରରୁ ତାପସ କୁମାର ପରିଡ଼ା ଓ ଜଗତସିଂହପୁରରୁ ସୌମ୍ୟଜିତ୍ ମହାପାତ୍ର ଜିଲ୍ଲା ସଭାପତି ଭାବେ ମନୋନୀତ ହୋଇଛନ୍ତି।
ସେହିଭଳି ବାଲେଶ୍ବର ଛାତ୍ର ଜନତା ଦଳର ସଭାପତି ଭାବେ ଅବୁଦୁଲ୍ ହବିବ୍ ମନୋନୀତ ହୋଇଛନ୍ତି। ଏହା ସହିତ ବାଲେଶ୍ବର ଓ ଜଗତସିଂହପୁରର ଛାତ୍ର ଜନତା ଦଳର ସଭାପତିଙ୍କ ନାମ ଘୋଷଣା ହୋଇଛି। ବାଲେଶ୍ବରରୁ ସିମୋନ ଦାସ ମହାପାତ୍ର ଓ ଜଗତସିଂହପୁରରୁ ଇଂ ସମିତ୍ ଲୋଙ୍କା ମନୋନୀତ ହୋଇଥିବାର ଏକ ପ୍ରେସ ରିଲିଜରେ ସୂଚନା ଦେଇଛନ୍ତି ବିଜେଡି ସାଧାରଣ ସଂପାଦକ ମାନସ ମଙ୍ଗରାଜ।