କୋଭିଡ୍ ପରିସ୍ଥିତି ଓ ରଥଯାତ୍ରା ନେଇ ପ୍ରଧାନମନ୍ତ୍ରୀଙ୍କ ସହ ମୁଖ୍ୟମନ୍ତ୍ରୀଙ୍କ ଆଲୋଚନା
ନୂଆଦିଲ୍ଲୀ: ପ୍ରଧାନମନ୍ତ୍ରୀଙ୍କ ସହ ମୁଖ୍ୟମନ୍ତ୍ରୀଙ୍କ ଆଲୋଚନା । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହ ଆଲୋଚନା କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । କୋଭିଡ଼ ପରିସ୍ଥିତି ନେଇ ଉଭୟଙ୍କ ମଧ୍ୟରେ ଆଲୋଚନା ହୋଇଛି । ଚଳିତ ବର୍ଷ ପୁରୀ ରଥଯାତ୍ରା ଆୟୋଜନ ନେଇ ମଧ୍ୟ ଆଲୋଚନା ହୋଇଛି । ଶ୍ରୀମନ୍ଦିର ପରିଚାଳନା କମିଟିର ଜରୁରୀ ବୈଠକ ନେଇ ସୂଚନା ଦେଇଥିଲେ ମୁଖ୍ୟମନ୍ତ୍ରୀ ।
ଆସନ୍ତା ଜୁନ ୫ ତାରିଖରେ ସ୍ନାନ ଯାତ୍ରା, ୨୧ରେ ନବଯୌବନ ଦର୍ଶନ ଓ ଜୁନ ୨୩ରେ ରଥଯାତ୍ରା ପଡୁଛି । ରଥଯାତ୍ରା ପାଇଁ ପ୍ରାୟ ୨ ମାସ ସମୟ ରହିଛି । ଆଉ ଗୋଟିଏ ଦିନ ପରେ ପଡୁଛି ଅକ୍ଷୟ ତୃତୀୟା ଓ ଚନ୍ଦନ ଯାତ୍ରା । ଏହି ଦିନ ରଥକାଠ ମଧ୍ୟ ଅନୁକୂଳ ହେବ। ଏନେଇ ଉଭୟ ମହାରଣା ଓ ଭୋଇ ସେବକଙ୍କୁ ଶ୍ରୀମନ୍ଦିର ପ୍ରଶାସନ ପକ୍ଷରୁ ଚିଠି କରାଯାଇଛି। ଏହାପରେ ୩ଟି ରଥର ନିର୍ମାଣ କାମ ସହ ମହାପ୍ରଭୂଙ୍କ ୨୧ଦିନିଆ ଚାପଖେଳ ଆରମ୍ଭ ହେବ। ତେବେ ଏଥର ଚାପ ଖେଳ ବିନା ଭକ୍ତରେ ଅନୁଷ୍ଠିତ ହେବ।
