ବିକାଶର ନୂଆ ଅଧ୍ୟାୟ ଲେଖିଲା କଟକ ବଡ଼ ମେଡ଼ିକାଲ,ତାଳଦଣ୍ଡା କେନାଲ ପାର୍ଶ୍ୱର ସମ୍ପ୍ରସାରିତ ରାସ୍ତାକୁ ଉଦଘାଟନ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
କେନ୍ୟୁଜ୍(ବ୍ୟୁରୋ): ବିକାଶର ନୂଆ ଅଧ୍ୟାୟ ଲେଖିଲା କଟକ ବଡ଼ ମେଡ଼ିକାଲ । ଏଣିକି ଏସସିବିକୁ ବାହାର ରାଜ୍ୟରୁ ଆସୁଥିବା ରୋଗୀଙ୍କୁ ଆଉ ଅସୁବିଧା ଭୋଗିବାକୁ ପଡ଼ିବ ନାହିଁ । କଟକ ତାଳଦଣ୍ଡା କେନାଲ ପାର୍ଶ୍ୱର ସମ୍ପ୍ରସାରିତ ରାସ୍ତାକୁ ଆଜି ଉଦଘାଟନ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଜନ୍ମମାଟିକୁ ଦେଇଥିବା କଥା ରଖିଲେ ମୁଖ୍ୟମନ୍ତ୍ରୀ । ନବୀନ କହିଛନ୍ତି, କୋଭିଡ ସମୟରେ ଠିକରେ ସମୟରେ କାମ ସରିଥିଲା । ଏସସିବିକୁ ବିଶ୍ୱସ୍ତରୀୟ କରିବା ଦିଗରେ ଏହା ଏକ ମାଇଲଖୁଣ୍ଟ । କଟକ ସହରରେ ଜନଗହଳି ହ୍ରାସ ପାଇଁ ତାଳଦଣ୍ଡା କେନାଲକୁ ଅଧିକ ସମ୍ପ୍ରସାରଣ ପାଇଁ ସରକାର ନିଷ୍ପତ୍ତି ନେଇଛନ୍ତି ବୋଲି କହିଛନ୍ତି ମୁଖ୍ୟମନ୍ତ୍ରୀ ।
ତାଳଦଣ୍ଡା କେନାଲର ଉଭୟ ବନ୍ଧ ରାସ୍ତା ଜୋବ୍ରା ବ୍ୟାରେଜ ନିକଟ କଟକ ରିଂ ରୋଡ ସହ ଯୋଡ଼ି ହୋଇଛି । ଏହାଦ୍ୱାରା ଏସସିବିକୁ ଆସୁଥିବା ରୋଗୀ, ଆମ୍ବୁଲାନ୍ସ ଆଉ କେଉଁଠି ଅଟକିବ ନାହିଁ । ଭିଡ଼ ଭିତରେ ନଫସି ବିନା ବାଧାରେ ହସ୍ପିଟାଲରେ ପହଞ୍ଚିବ । ତାଳଦଣ୍ଡାର ବାମ ଓ ଡାହାଣ କେନାଲ ବନ୍ଧକୁ ୩ ଲେନ୍ କରିବା ପାଇଁ ଜାନୁଆରୀ ମାସରେ ଘୋଷଣା କରିଥିଲେ ମୁଖ୍ୟମନ୍ତ୍ରୀ ।
କଟକ ବଡ଼ ମେଡିକାଲରୁ ବିଶ୍ୱସ୍ତରୀୟ କରିବା ପାଇଁ ବହୁ ଉନ୍ନତିମୂଳକ କାମ ହାତକୁ ନେଇଛନ୍ତି ରାଜ୍ୟ ସରକାର । କରୋନା ଯୋଗୁ ମନ୍ଥର ହୋଇଥିଲା ଏସ୍ସିବି ସଂପ୍ରସାରଣ କାର୍ଯ୍ୟ । ଲକଡାଉନ୍ ପରେ ପୁଣି ଥରେ କାମ ତ୍ୱରାନ୍ଵିତ ହୋଇଛି ।
