ଲାଞ୍ଚ ନେଉଥିବା ବେଳେ ତହସିଲ ଅଫିସରେ କାର୍ଯ୍ୟ କରୁଥିବା ଡାଟା ଏଣ୍ଟ୍ରି ଅପରେଟର ଭିଜିଲାନ୍ସ ହାତରେ ଗିରଫ
ଝାରସୁଗୁଡ଼ା(କେନ୍ୟୁଜ୍) : ଝାରସୁଗୁଡ଼ା ତହସିଲ ଅଫିସରେ କାର୍ଯ୍ୟ କରୁଥିବା ଡାଟା ଏଣ୍ଟ୍ରି ଅପରେଟର 30 ହଜାର ଟଙ୍କା ଲାଞ୍ଚ ନେଉଥିବା ବେଳେ ଭିଜିଲାନ୍ସ ହାତରେ ଗିରଫ ହୋଇଛନ୍ତି । ଡାଟା ଏଣ୍ଟ୍ରି ଅପରେଟର କବି ଚରଣ ନାୟକ , ବାସୁଦେବ ମହାନନ୍ଦଙ୍କ ଠାରୁ ଆରଓଆର କରେକ୍ସନ ପାଇଁ 30 ହଜାର ଟଙ୍କା ଲାଞ୍ଚ ନେଉଥିବା ବେଳେ ଭିଜିଲାନ୍ସ ହାତରେ ଧରା ପଡିଛନ୍ତି ।
ସେ ତହସିଲ ଅଫିସ ରେ ଆରଓଆର କରେକ୍ସନ ପାଇଁ ଅନେକ ଥର ଟଙ୍କା ଦାବି କରିଥିଲେ। ବାସୁଦେବ ଏନେଇ ଭିଜିଲାନ୍ସ ଙ୍କ ଦ୍ୱାରସ୍ଥ ହେବା ପରେ ଭିଜିଲାନ୍ସ ଡ଼ିଏସପି ଦିଲିପ କରଙ୍କ ନେତୃତ୍ୱରେ ଏକ ଟିମ ତହସିଲ ଅଫିସରେ ଚଢ଼ାଉ କରିଥିଲେ ଏବଂ 30 ହଜାର ଟଙ୍କା ଜବତ କରିବା ସହିତ ଅଭିଯୁକ୍ତ କବି ଚରଣ ନାୟକ ଙ୍କୁ ଧରିଛନ୍ତି।
