ଖୋର୍ଦ୍ଧା(କେନ୍ୟୁଜ୍): କଟକ ଭୁବନେଶ୍ବର ଓ ସମ୍ବଲପୁରରେ ନକଲି ସାମଗ୍ରୀ ଜବତ ପରେ ସଜାଗ ହୋଇଛି ଖୋର୍ଦ୍ଧା ଜିଲ୍ଲା ପ୍ରଶାସନ। ଖାଦ୍ୟର ମାନ ଯାଞ୍ଚ ପାଇଁ ବିଭିନ୍ନ ସ୍ଥାନରେ କରିଛି ଚଢଉ । ଖୋର୍ଦ୍ଧା ସହରର ବିଭିନ୍ନ ଜଳଖିଆ ଦୋକାନ ଓ ହୋଟେଲରେ ଚଢଉ ଚାଲିଛି। ଜିଲ୍ଲା ପ୍ରଶାସନର ନିର୍ଦ୍ଦେଶ କ୍ରମେ ଖାଦ୍ୟର ମାନ ଯାଞ୍ଚ କରିବାକୁ ପୌର ପରିଷଦ ଅଧିକାରୀ ଓ ଖାଦ୍ୟ ନିରାପତ୍ତା ଅଧିକାରୀ ଏହି ଚଢଉ କରିଛନ୍ତି।
ଚଢଉ ସମୟରେ ହୋଟେଲ ଓ ଜଳଖିଆ ଦୋକାନର ବାସି ଖାଦ୍ୟ ଓ ମିଠା ଆଜି ଜବତ କରାଯାଇ ନଷ୍ଟ କରାଯାଇଛି। କେତେକଙ୍କ ଠାରୁ ଜରିମାନା ମଧ୍ୟ ଆଦାୟ କରାଯାଇଛି। ଏଥିସହ ସାଧାରଣ ଲୋକ ଓ ଦୋକାନୀମାନଙ୍କୁ ସଚେତନ କରାଯାଇଛି। ଆଗାମୀ ଦିନରେ ଏଭଳି ଚଢଉ ଜାରି ରହିବ ବୋଲି ପ୍ରଶାସନ ପକ୍ଷରୁ କୁହାଯାଇଛି।