ଆନନ୍ଦପୁର(କେନ୍ୟୁଜ୍) : ଆନନ୍ଦପୁର ଅଞ୍ଚଳର ଜଣେ କୋଭିଡ୍ ସଂକ୍ରମିତ ବ୍ଯକ୍ତିଙ୍କୁ ଚିକିତ୍ସା ପରେ ଆଣି ଘରେ ଛାଡିବା ପରିବର୍ତ୍ତେ ଜଙ୍ଗଲ ମଝିରେ ଛାଡି ଚାଲିଗଲା ଆମ୍ବୁଲାନ୍ସ ଡ୍ରାଇଭର । ବ୍ଯକ୍ତି ଜଣକ ସଂକ୍ରମିତ ହୋଇ କେନ୍ଦୁଝର କୋଭିଡ୍ ହସ୍ପିଟାଲ ରେ ଚିକିତ୍ସିତ ହେଉଥିଲେ । ସୁସ୍ଥ ହେବା ପରେ ଆଜି ତାଙ୍କୁ ଡିସଚାର୍ଜ କରାଯାଇ ଏକ ଆମ୍ବୁଲାନ୍ସ ଯୋଗେ ଘରକୁ ପଠା ଯାଇଥିଲା ।
ହେଲେ ଡ୍ରାଇଭର ଜଣକ ବାଟରେ ଆମ୍ବୁଲାନ୍ସ ଅଟକାଇ ମଦ ପିଇ ମାତାଲ ହୋଇଯାଇଥିଲା । ଫଳରେ ୨୦ ନଂ ଜାତିୟ ରାଜପଥର ଅଟେଇ ଜଙ୍ଗଲ ଅଧୀନ କୁମୁଡ ଛକ ଠାରେ ସମ୍ପୃକ୍ତ ବ୍ୟକ୍ତିଙ୍କୁ ଗାଡିରୁ ତଳକୁ ଓହ୍ଲାଇ ଦେଇ ଗାଡି ଧରି ଫେରି ଯାଇଥିଲା ।
ଦୀର୍ଘ ସମୟ ଅପେକ୍ଷା ପରେ ଗଣମାଧ୍ଯମ ପ୍ରତିନିଧିମାନଙ୍କ ହସ୍ତକ୍ଷେପ ଫଳରେ ସାଇଁକୁଳ ଗୋଷ୍ଠୀ ସ୍ବାସ୍ଥକେନ୍ଦ୍ରରୁ ଅନ୍ଯ ଏକ ଆମ୍ବୁଲାନ୍ସ ଆସି ତାଙ୍କୁ ସେଠାରୁ ଘରକୁ ନେଇ ଯାଇଥିବା ଜଣାଯାଇଛି ।