କରୋନା ଲାଗି ନିରଡାମ୍ବରରେ ସ୍ୱତନ୍ତ୍ର ଉତ୍କଳର କର୍ଣ୍ଣଧାର ମହାରାଜା ଶ୍ରୀକୃଷ୍ଣଚନ୍ଦ୍ର ଗଜପତିଙ୍କ ଜୟନ୍ତୀ ପାଳିତ, ରାଜକୁମାରୀ କଲ୍ୟାଣୀ ଦେବୀ କଲେ ମାଲ୍ୟାର୍ପଣ
ଗଜପତି (କେନ୍ୟୁଜ): ସ୍ୱତନ୍ତ୍ର ଉତ୍କଳର ପ୍ରଥମ ପ୍ରଧାନମନ୍ତ୍ରୀ ତଥା ପାରଳା ମହାରାଜା ଶ୍ରୀ କୃଷ୍ଣଚନ୍ଦ୍ର ଗଜପତି ନାରାୟଣ ଦେବଙ୍କ ଆଜି ୧୨୯ ତମ ଜୟନ୍ତୀ ନିରଡାମ୍ବରରେ ପାଳନ ହୋଇଛି । ପାରଳା ସିଂହାସନର ଅଧିକାରୀ ପାଟହାତୀ କଲ୍ୟାଣୀ ଗଜପତି ମହାରାଜାଙ୍କ ସମାଦ୍ଧି ସ୍ଥଳି, ପୁରୁଣା ବସଷ୍ଟାଣ୍ଡ ସ୍ଥିତ ମହାରାଜାଙ୍କ ପ୍ରତିମୂର୍ତ୍ତି ଓ ପାରଳା ରାଜମହଲରେ ମହାରାଜାଙ୍କ ଫୋଟ ଚିତ୍ରରେ ପୁଷ୍ପମାଲ୍ୟ ଅର୍ପଣ କରିବା ସହ ସ୍ମୃତିଚାରଣ କରିଥିଲେ । କଲ୍ୟାଣୀ ଗଜପତିଙ୍କ ସହ ପାରଳା ବରିଷ୍ଠ ନାଗରିକ ମଂଚର ଦୁଇଜଣ ସଦସ୍ୟ ଜୟନ୍ତି ପାଳନରେ ସାମିଲ ହୋଇଥିଲେ ।
ନବ ଉତ୍କଳର ନିର୍ମାତା, ବିଚ୍ଛିନ୍ନ ଓଡ଼ିଶା ଏକତ୍ରୀକରଣର କର୍ଣ୍ଣଧାର, ସାହିତ୍ୟାନୁରାଗୀ, ସୁଶାସକ ତଥା ପ୍ରଜାବତ୍ସଳ ମହାରାଜା କୃଷ୍ଣଚନ୍ଦ୍ର ଗଜପତି ନାରାୟଣ ଦେବଙ୍କ ଜୟନ୍ତୀ ଅବସରରେ ଭକ୍ତିପୂତ ଶ୍ରଦ୍ଧାଞ୍ଜଳି। ସ୍ବତନ୍ତ୍ର ଓଡ଼ିଶା ପ୍ରଦେଶ ଗଠନରେ ତାଙ୍କର ଭୂମିକା ଥିଲା ଉଲ୍ଲେଖନୀୟ।https://t.co/YDJcg33kZa pic.twitter.com/VPqKaHXGmd
— I & PR Department, Odisha (@IPR_Odisha) April 26, 2020