ଯିଏ ବିନା ମାସ୍କରେ ଘରୁ ବାହାରିବ ତାଙ୍କୁ ହଜାର ଟଙ୍କା ଫାଇନ ଦେବାକୁ ପଡିବ,କରୋନା ମୁକାବିଲା ପାଇଁ ଗଞ୍ଜାମ ପ୍ରଶାସନର କଡା ନିଷ୍ପତ୍ତି
ଗଞ୍ଜାମ(କେନ୍ୟୁଜ): କରୋନା ମୁକାବିଲା ପାଇଁ ଗଞ୍ଜାମ ପ୍ରଶାସନର କଡା ନିଷ୍ପତ୍ତି । ବିନା ମାସ୍କରେ ବାହାରକୁ ବାହାରୁଥିଲେ ଦେବାକୁ ପଡିବ ଜରିମାନା। ଯିଏ ବିନା ମାସ୍କରେ ଘରୁ ବାହାରିବ ତାଙ୍କୁ ହଜାର ଟଙ୍କା ଫାଇନ ଦେବାକୁ ପଡିବ । ସହରାଞ୍ଚଳର ଲୋକେ ମାସ୍କ ନପିନ୍ଧିଲେ ସେମାନେ ମଧ୍ୟ ହଜାରେ ଟଙ୍କା ଜରିମାନା ଦେବେ ।ଟ୍ୱିଟ କରି ସୂଚନା ଦେଇଛି ଗଞ୍ଜାମ ଜିଲ୍ଲା ପ୍ରଶାସନ ।
ସମାନ ଭାବେ ଗ୍ରାମାଞ୍ଚଳରେ ଯଦି କେହି ମାସ୍କ ନପିନ୍ଧିବେ ତେବେ ସେମାନେ ଗଣିବେ ୫୦୦ ଟଙ୍କାର ଫାଇନ । ତେବେ ଯଦି ଆପଣଙ୍କ ପାଖରେ ମାସ୍କ ନାହିଁ ତେବେ ଆପଣ ରୁମାଲ କିମ୍ବା କୌଣସି କପଡା ବ୍ୟବହାର କରି ଘରୁ ବାହାରି ପାରିବେ ବୋଲି ଜିଲ୍ଲା ପ୍ରଶାସନ ପକ୍ଷରୁ ନିୟମ ଲାଗୁ କରାଯାଇଛି ।
