ଅନୁଗୁଳରେ ବର୍ଷା ବିତ୍ପାତ: ଭାଙ୍ଗିଲା ଭଟପାଳ ପୋଲ, ଗାଁକୁ ଯୋଗାଯୋଗ ବିଚ୍ଛିନ୍ନ
ଲଗାଣ ବର୍ଷାରେ ଅନୁଗୋଳ ଜିଲ୍ଲା ବେହାଲ୍ । ୫୫ ନମ୍ବର ଜାତୀୟ ରାଜପଥ କାଣ୍ଡସର ନିକଟରେ ରାସ୍ତା ଉପରେ ଚାଲୁଛି ୪ ଫୁଟର ପାଣି ।
ଅନୁଗୁଳ (କେନ୍ୟୁଜ): ଲଗାଣ ବର୍ଷାରେ ଅନୁଗୋଳ ଜିଲ୍ଲା ବେହାଲ୍ । ଭାଙ୍ଗିଲା ଅନୁଗୋଳ ଛେଣ୍ଡିପଦା ବ୍ଲକ ଭଟପାଳ ପୋଲ । ଫଳରେ ୪ଟି ଗାଁକୁ ଯୋଗାଯୋଗ ବିଛିନ୍ନ ହୋଇଯାଇଛି । ଗଡମଣ୍ଡଳରୁ ନୂଆଗାଁ, ମାରୁଢ଼ିପ, କଣଲୋଇ ଓ କର୍ଣ୍ଣପାଳ ଗାଁ ବାହ୍ୟ ଜଗତରୁ ବିଛିନ୍ନ ହୋଇଛି । ୫୫ ନମ୍ବର ଜାତୀୟ ରାଜପଥ କାଣ୍ଡସର ନିକଟରେ ରାସ୍ତା ଉପରେ ଚାଲୁଛି ୪ ଫୁଟର ପାଣି । ଲଗାଣ ବର୍ଷାରେ ତଳିଆ ଅଞ୍ଚଳରେ ବି ପାଣି ପଶିଛି । ୨ ଦିନର ଲଗାଣ ବର୍ଷାରେ ଅସ୍ତବ୍ୟସ୍ତ ହୋଇଛି ଜନଜୀବନ ।
