କପିଲ ଶର୍ମାଙ୍କ ଶୋ’ରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବାର୍ତ୍ତା, ଶୋ’ରେ ଅତିଥି ଭାବେ ଆସିଥିଲେ
ଭୁବନେଶ୍ୱର(କେନ୍ୟୁଜ୍) : କପିଲ ଶର୍ମାଙ୍କ ଶୋ’ରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବାର୍ତ୍ତା । ଗତକାଲି କପିଲ ଶର୍ମା ଶୋରେ ଅତିଥି ଭାବେ ଆସିଥିଲେ ଭାରତୀୟ ଟିମ୍ର ହକି ଷ୍ଟାର । ଉଭୟ ଭାରତୀୟ ପୁରୁଷ ଓ ମହିଳା ହକି ଟିମ୍ ଏଥିରେ ସାମିଲ ହୋଇଥିଲେ ।
କାର୍ଯ୍ୟକ୍ରମର ଶେଷରେ ଦେଖିବାକୁ ମିଳିଥିଲା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଶୁଭେଚ୍ଛା ବାର୍ତ୍ତା । ଦୁଇଟି ଟିମ୍ ଅଲିମ୍ପିକ୍ସରେ ଦମଦାର ପ୍ରଦର୍ଶନ କରିଛନ୍ତି । ଦମଦାର ପ୍ରଦର୍ଶନ ପାଇଁ ସେମାନଙ୍କୁ ଶୁଭେଚ୍ଛା ଜଣାଇଛନ୍ତି ମୁଖ୍ୟମନ୍ତ୍ରୀ । ଆଶା କରୁଛି ଆପଣମାନଙ୍କ ଖେଳକୁ ଦେଖି ଅନ୍ୟ କ୍ରୀଡାବିତ୍ମାନେ ଆଗକୁ ବଢ଼ିବେ ।
ଆପଣଙ୍କ ସଫଳତାକୁ ଆଗକୁ ନେବେ ପରବର୍ତ୍ତୀ ଖେଳାଳି । ୟେ ଆରମ୍ଭ, ଆଗକୁ ଆମେ ଆହୁରି ଉପରକୁ ଯିବା ବୋଲି କହିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।
