କିଟ୍ ଓ ଆମେରିକାର ଇଣ୍ଟରନ୍ୟାସନାଲ ଇନଷ୍ଟିଚ୍ୟୁଟ୍ ଅଫ ଏଜୁକେସନ ମଧ୍ୟରେ ବୁଝାମଣା
କିଟ୍ ଓ ଆମେରିକାର ଇଣ୍ଟରନ୍ୟାସନାଲ ଇନଷ୍ଟିଚ୍ୟୁଟ୍ ଅଫ ଏଜୁକେସନ, IIE ମଧ୍ୟରେ ବୁଝାମଣା। ଆଜି ନୂଆଦିଲ୍ଲୀଠାରେ ଏହି ବୁଝାମଣା ହୋଇଛି।
ନୂଆଦିଲ୍ଲୀ : କିଟ୍ ଓ ଆମେରିକାର ଇଣ୍ଟରନ୍ୟାସନାଲ ଇନଷ୍ଟିଚ୍ୟୁଟ୍ ଅଫ ଏଜୁକେସନ, IIE ମଧ୍ୟରେ ବୁଝାମଣା। ଆଜି ନୂଆଦିଲ୍ଲୀଠାରେ ଏହି ବୁଝାମଣା ହୋଇଛି। ଏହି ବୁଝାମଣା ସ୍ବାକ୍ଷର ହେବା ଦ୍ୱାରା କିଟ୍ ଓ IIE ମଧ୍ୟରେ ଏକାଡେମିକ ସ୍ତରରେ ଛାତ୍ରଛାତ୍ରୀ ଓ ଶିକ୍ଷକ ପ୍ରତିବଦଳ ହେବ। ଫଳରେ ଉଭୟ ଅନୁଷ୍ଠାନରେ ଶିକ୍ଷାର ଗୁଣାତ୍ମକମାନ ବୃଦ୍ଧି ପାଇବ। ସୂଚନାଯୋଗ୍ୟ, IIEରେ ୧୦୦ରୁ ଅଧିକ ବିଶ୍ବସ୍ତରୀୟ ବିଶ୍ବବିଦ୍ୟାଳୟ ସଦସ୍ୟ ଅଛନ୍ତି।
IIE ସହ ସହବନ୍ଧିତ ହେବାରେ କିଟ୍ ଭାରତର ଏକମାତ୍ର ଓ ପ୍ରଥମ ବିଶ୍ଵବିଦ୍ୟାଳୟ। ଆଜି ଅନୁଷ୍ଠିତ ଏହି କାର୍ଯ୍ୟକ୍ରମରେ ଆମେରିକା ଓ ଅନ୍ୟାନ୍ୟ ଦେଶର ୪୦ରୁ ଅଧିକ ବିଶ୍ଵବିଦ୍ୟାଳୟର କୁଳପତି ଓ ଉପକୁଳପତିମାନେ ଉପସ୍ଥିତ ଥିଲେ। ଏହି ଶିକ୍ଷାବିତମାନେ ଏକ ଅନ୍ତଃରାଷ୍ଟ୍ରୀୟ ଶିକ୍ଷା କର୍ମଶାଳାରେ ଯୋଗ ଦେବା ପାଇଁ IIE ତରଫରୁ ନୂଆଦିଲ୍ଲୀ ଆସିଛନ୍ତି। ଏହି ବୁଝାମଣାରେ ଖୁସି ବ୍ୟକ୍ତ କରି କିଟ୍ ଓ କିସ୍ ପ୍ରତିଷ୍ଠାତା ଅଚ୍ୟୁତ ସାମନ୍ତ କହିଛନ୍ତି, କିଟ୍ ପାଇଁ ଏହା ଗୌରବର ବିଷୟ। ଏହି ବୁଝାମଣାକୁ ନେଇ ଡ. ସାମନ୍ତଙ୍କ ସହ ଅଧିକ ଆଲୋଚନା କରିଛନ୍ତି ଆମ ନୂଆ ଦିଲ୍ଲୀ ବ୍ୟୁରୋ ଚିଫ୍ ଆଶୁତୋଷ ରାଉତ।