ଭୁବନେଶ୍ବର(କେନ୍ୟୁଜ୍): ଧାମନଗର ବିଧାୟକ ବିଷ୍ଣୁ ସେଠୀ ହେଲେ ବିଜେପି ବିଧାୟକ ଦଳ ଉପନେତା । ସେହିପରି ମୋହନ ଚରଣ ମାଝୀ ବିରୋଧୀ ଦଳ ମୁଖ୍ୟ ସଚେତକ ହୋଇଛନ୍ତି । ମୋହନ ମାଝୀ ବିଧାୟକ ଭାବେ ତୃତୀୟ ଥର ଓ ବିଷ୍ଣୁ ସେଠୀ ଦ୍ୱିତୀୟ ଥର ବିଧାୟକ ହୋଇଛନ୍ତି । ବିଜେପି-ବିଜେଡି ମେଣ୍ଟ ସରକାରରେ ମୋହନ ମାଝୀ ଉପ ମୁଖ୍ୟ ସଚେତକ ରହିଥିଲେ ।
ବିଧାନସଭାରେ ବିଜେପିର ଏବେ ୨୩ ବିଧାୟକ ଅଛନ୍ତି । ପ୍ରଥମ ଥର ପାଇଁ ବିଜେପିକୁ ବିରୋଧ ଦଳ ନେତା ଆସନ ମିଳିଛି । ନିକଟରେ ପ୍ରଦୀପ୍ତ ନାୟକ ବିରୋଧୀ ଦଳ ନେତା ଭାବେ ନିଯୁକ୍ତି ପାଇଥିଲେ ।