ପ୍ରସିଦ୍ଧ ସଙ୍ଗୀତଜ୍ଞ ପ୍ରଫୁଲ୍ଲ କରଙ୍କ ନିଧନରେ ଟ୍ୱିଟ ଜରିଆରେ ଶୋକ ବ୍ୟକ୍ତ କଲେ ପ୍ରଧାନମନ୍ତ୍ରୀ ମୋଦି
ପ୍ରସିଦ୍ଧ ଗୀତିକାର ପ୍ରଫୁଲ୍ଲ କରଙ୍କର ରବିବାର ନିଧନ ହୋଇଛି । ନିରବି ଯାଇଛି ଏହି ପ୍ରସିଦ୍ଧ ଓଡ଼ିଆ ଗୀତିକାରଙ୍କର ସ୍ୱର । ପ୍ରାୟ ୮୩ ବର୍ଷ ବୟସରେ ଶେଷ ନିଶ୍ଵାସ ତ୍ୟାଗ କରିଛନ୍ତି ପ୍ରଫୁଲ୍ଲ କରିଛନ୍ତି ପଦ୍ମଶ୍ରୀ ସମ୍ମାନରେ ସମ୍ମାନିତ ଏହି ଗୀତିକାର ଜଣକ । ଶ୍ରୀ କର ଥିଲେ ଜଣେ ପ୍ରସିଦ୍ଧ ସଂଗୀତକାର, ଗାୟକ, ଗୀତିକାର, ଲେଖକ ତଥା ସ୍ଥମ୍ଭକାର । କଳାକ୍ଷେତ୍ରରେ ଅନନ୍ୟ ଅବଦାନ ପାଇଁ ତାଙ୍କୁ ଜୟଦେବ ପୁରସ୍କାର ସମେତ ପଦ୍ମଶ୍ରୀ ପୁରସ୍କାରରେ ପୁରସ୍କୃତ କରାଯାଇଛି । ତାଙ୍କ ନିଧନରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଠାରୁ ଆରମ୍ଭ କରି ପିଏମ ନରେନ୍ଦ୍ର ମୋଦିଙ୍କ ପର୍ଯ୍ୟନ୍ତ ବଡ ବଡ ବ୍ୟକ୍ତିମାନେ ଶୋକବ୍ୟକ୍ତ କରିଛନ୍ତି ।
ଶ୍ରୀଯୁକ୍ତ ପ୍ରଫୁଲ୍ଲ କରଙ୍କ ଦେହାନ୍ତ ଖବର ଶୁଣି ମର୍ମାହତ । ଓଡ଼ିଆ ସଂଗୀତ ଓ ସଂସ୍କୃତି ପାଇଁ ତାଙ୍କର ଅନନ୍ୟ ଯୋଗଦାନ ତାଙ୍କୁ ସ୍ମରଣୀୟ କରି ରଖିବ । ଶ୍ରୀଯୁକ୍ତ କର ଅନେକ ପ୍ରତିଭାର ଅଧିକାରୀ ଏବଂ ତାଙ୍କର ସୃଜନଶୀଳତା କାର୍ଯ୍ୟରେ ପ୍ରତିଫଳିତ ହୁଏ । ପରିବାର ଏବଂ ପ୍ରଶଂସକଙ୍କୁ ସମବେଦନା ଜଣାଉଛି । ଓଁ ଶାନ୍ତି ।
— Narendra Modi (@narendramodi) April 18, 2022
ପ୍ରଫୁଲ୍ଲ କରଙ୍କ ନିଧନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନିଜ ଟ୍ୱିଟର ହ୍ୟାଣ୍ଡଲରେ ଲେଖିଛନ୍ତିକି- “ଶ୍ରୀ କରଙ୍କ ନିଧନରେ ମୁଁ ଖୁବ ଦୁଃଖିତ । ଓଡ଼ିଆ ସଂସ୍କୃତି ଓ ସଂଗୀତ କ୍ଷେତ୍ରରେ ତାଙ୍କ ଅନନ୍ୟ ଯୋଗଦାନ ପାଇଁ ସେ ସବୁଦିନ ପାଇଁ ମନେ ରହିବେ । ଭିନ୍ନ ଭିନ୍ନ ଭୂମିକାକୁ ସଫଳତାର ସହ ନିଭେଇବା ପାଇଁ ତାଙ୍କୁ ଯେମିତି ଈଶ୍ବରଙ୍କ ଆଶୀର୍ବାଦ ମିଳିଥିଲା । ଆଉ ତାଙ୍କ ଅପ୍ରତିଦ୍ବନ୍ଦି ପ୍ରତିଭା ତାଙ୍କ କାର୍ଯ୍ୟଶୈଳୀରେ ବେଶ ପରିଲକ୍ଷିତ ହେଉଥିଲା । ତାଙ୍କ ପରିବାର ଓ ପ୍ରଶସଙ୍କ ମାନଙ୍କୁ ମୋର ସମବେଦନା । ଓଁ ଶାନ୍ତି ।”
ବିଶିଷ୍ଟ ସଙ୍ଗୀତଜ୍ଞ ପ୍ରଫୁଲ୍ଲ କରଙ୍କ ଦେହାନ୍ତ ବିଷୟରେ ଜାଣି ମୁଁ ଦୁଃଖିତ। ତାଙ୍କ ବିୟୋଗ ଓଡ଼ିଆ ସଙ୍ଗୀତ ଜଗତରେ ଏକ ଯୁଗର ଅବସାନ ଘଟାଇଛି। ତାଙ୍କର ସ୍ୱତନ୍ତ୍ର ସଙ୍ଗୀତ ରଚନା ଶୈଳୀ ଲୋକଙ୍କ ହୃଦୟରେ ତାଙ୍କୁ ସର୍ବଦା ଅମର କରି ରଖିବ। ଶୋକସନ୍ତପ୍ତ ପରିବାରବର୍ଗଙ୍କୁ ମୋର ସମବେଦନା ଜଣାଇବା ସହ ତାଙ୍କ ଅମର ଆତ୍ମାର ସଦଗତି କାମନା କରୁଛି।
— Naveen Patnaik (@Naveen_Odisha) April 18, 2022
ସେପଟେ ଓଡିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବି ଏହି ସଂଗୀତକାରଙ୍କ ନିଧନ ପରେ ଶୋକ ବ୍ୟକ୍ତ କରି ଲେଖିଛନ୍ତି- “ମୁଁ ପ୍ରସିଦ୍ଧ ସଂଗୀତକାର ପ୍ରଫୁଲ୍ଲ କରଙ୍କ ନିଧନ ବାବଦରେ ଖବର ପାଇ ଖୁବ ଦୁଃଖିତ । ତାଙ୍କ ପରେ ଓଡ଼ିଆ ସଂଗୀତ ଦୁନିଆରେ ଯେମିତି ଏକ ଯୁଗର ଅନ୍ତ ଘଟିଛି । ଶ୍ରୀ କରଙ୍କର ଅଭିନ୍ନ ସଂଗୀତ ଉପସ୍ଥାପନ ଶୈଳୀ ସବୁଦିନ ପାଇଁ ଲୋକଙ୍କ ମନରେ ସ୍ୱତନ୍ତ୍ର ସ୍ଥାନ ସୃଷ୍ଟି କରିଆସିଛି । ତାଙ୍କ ଶୋକ ସନ୍ତପ୍ତ ପରିବାର ପାଇଁ ମୁଁ ସମବେଦନା ଜଣାଉଛି ।”
ଅନ୍ୟପକ୍ଷରେ ମୁଖ୍ୟମନ୍ତ୍ରୀଙ୍କ ଘୋଷଣା ଅନୁଯାୟୀ ଶ୍ରୀ କରଙ୍କ ଅନ୍ତିମ ସଂସ୍କାର ରାଷ୍ଟ୍ରୀୟ ସମ୍ମାନର ସହିତ କରାଯିବ । ତାଙ୍କ ଅମର ଆତ୍ମାର ସଦ୍ଗତି ନିମନ୍ତେ ଓ ତାଙ୍କୁ ଶ୍ରଦ୍ଧାଞ୍ଜଳି ଦେବା ପାଇଁ ରାଜ୍ୟସରକାରଙ୍କ ଦୁଇ ଜଣ ମନ୍ତ୍ରୀ ଉପସ୍ଥିତ ରହିବେ ।
