ପରଲୋକରେ ବରିଷ୍ଠ କଂଗ୍ରେସ ନେତା ଅଶୋକ ସାମଲ, ଦୀର୍ଘ ଦିନ ହେବ ଲିଭର ରୋଗରେ ପୀଡିତ ଥିଲେ
ଆଜି ସନ୍ଧ୍ୟାରେ ଖାନ ନଗର ସ୍ଥିତ ଶ୍ମଶାନ ରେ ତାଙ୍କ ଶେଷ କୃତ୍ୟ ସଂପନ୍ନ କରାଯିବ ବୋଲି ପରିବାର ଲୋକେ ସୂଚନା ଦେଇଛନ୍ତି । ତେବେ କଟକର ଅନେକ ରାଜନେତା ତଥା ବିଧାୟକ ମହମ୍ମଦ ମୋକିମ, ମେୟର ସୁବାଷ ସିଂ, ପୂର୍ବତନ ବିଧାୟକ ଦେବାଶିଷ ସାମନ୍ତରାୟ ଙ୍କ ସମେତ ବହୁ ନେତା ଅଶୋକ ସାମଲଙ୍କ ବାସଭବନ ରେ ପହଞ୍ଚି ଶ୍ରଦ୍ଧାଞ୍ଜଳୀ ଦେଇଥିଲେ
କଟକ(କେନ୍ୟୁଜ୍): ବରିଷ୍ଠ କଂଗ୍ରେସ ନେତା ଅଶୋକ ସାମଲଙ୍କ ପରଲୋକ । ଦୀର୍ଘ ଦିନ ହେବ ଲିଭର ଜନିତ ରୋଗରେ ପୀଡିତ ଥିଲେ । ସେ ନିକଟରେ ଟାଟା ମେମୋରିଆଲ ହସ୍ପିଟାଲରୁ ଚିକତ୍ସା ହୋଇ ଘରକୁ ଫେରିଥିବା ବେଳେ ଆଜି ଅପରାହ୍ନରେ କଟକ ତଳତେଲେଙ୍ଗା ବଜ଼ାର ସ୍ଥିତ ନିଜ ବାସଭବନରେ ତାଙ୍କର ଦେହାନ୍ତ ହୋଇଛି । ମୃତ୍ୟୁ ବେଳକୁ ତାଙ୍କୁ ୭୦ ବର୍ଷ ବୟସ ହୋଇଥିଲା । ସେ କଂଗ୍ରେସ ଦଳରେ ଦିର୍ଘଦିନ ଧରି କାର୍ଯ୍ୟ କରୁଥିଲେ ଓ ମୁଖପାତ୍ର ଭାବେ ଦାୟିତ୍ୱ ସଂପାଦନ କରୁଥିଲେ।
ଆଜି ସନ୍ଧ୍ୟାରେ ଖାନ ନଗର ସ୍ଥିତ ଶ୍ମଶାନ ରେ ତାଙ୍କ ଶେଷ କୃତ୍ୟ ସଂପନ୍ନ କରାଯିବ ବୋଲି ପରିବାର ଲୋକେ ସୂଚନା ଦେଇଛନ୍ତି । ତେବେ କଟକର ଅନେକ ରାଜନେତା ତଥା ବିଧାୟକ ମହମ୍ମଦ ମୋକିମ, ମେୟର ସୁବାଷ ସିଂ, ପୂର୍ବତନ ବିଧାୟକ ଦେବାଶିଷ ସାମନ୍ତରାୟ ଙ୍କ ସମେତ ବହୁ ନେତା ଅଶୋକ ସାମଲଙ୍କ ବାସଭବନ ରେ ପହଞ୍ଚି ଶ୍ରଦ୍ଧାଞ୍ଜଳୀ ଦେଇଥିଲେ । କଟକ ସହର ର ଉନ୍ନତିମୂଳକ କାର୍ଯ୍ୟରେ ତାଙ୍କର ସହଯୋଗ ସବୁବେଳେ ରହିଥିଲା । ତାଙ୍କ ବିୟୋଗ ନିହାତି ଭାବରେ ଏକ ଅପୂରଣୀୟ କ୍ଷତି ଘଟାଇଛି ବୋଲି ରାଜନେତା ମାନେ ମତ ଦେଇଛନ୍ତି।
